وفي بيت ابو رايف
كانو الكل يستعدون عند البنات بالمطبخ
سمو:ميس ودي القهوه وانتي ميسم خذي الضيافه
ميس:طيب
طلعت القهوه ولحقتها ميسم بالضيافه
ارياف:بنات توتررر
سمو ضحكت:ياحبيبي توترتي وتوها خطوبه كيف لو هي عرس
ارياف ضربتها بمزح:انطمي لا توتريني أكثر
ميهاف:عن خبره اقولتس لا توتري
ارياف تقلدها:لا تتوتري تقولها بكل بساطه؛ اذكر يوم عرستس كنتي متوتره مرههه اشوفتس ترجفي
ميهاف :زفته ماكنت اعرف رايف من قبل اكيد بخاف
ارياف:وانا كني عشت معاه حياتي
سمو:خلص انتي وياها روحي تجهزي
ارياف:لالا اصلن ماراح اطلع من غرفتي
سمو :زين؛ انا خلصت بروح لـ ايمن
ميهاف:وانا خلصت بجي معتس
_______________
وبعد صلاة المغرب ببيت ابو راشد
خالد:ترفف وين الكبك
ترف:ياخي عزوبي ولا معرس ماراح ارتاح يعني
خالد:تزوجي وارتاحي
دقته بكتفه بمزح وضحكت :أجل ضبطني
خالد سحب عقاله من فوق راسه وضربها بمزح :هين يا ترفوووو
شادن جت بالكبك:خذ وانا اختك واستعجل ترا ذي ما بتفكك
خالد باس راسها:اي والله انتس صادقه يا ام رتيل
لبس الكبك وطلع للمجلس
سعود:حيي يالله المعرس
خالد :لا تحمسني يا حمار وباقي ماخطبت
ضحك سعود:استعجل وانا اخوك
خالد:باقي ابو عبد العزيز مدري وينه
سعود: ابوك وينه؟
خالد:ينتظر برا
سعود:زينن؛ مين بيجي معانا
خالد:اوههه الديرهه كلها
سعود بصدمه:تمزح انت؟
خالد :لا والله
سعود:خبل انت وشوله الديره كلها ترا ماهوب عرس بتفجع الجماعه يامسلم
خالد:ماقدر ياخي خلني افرح
سعود ضحك:الله لا يبلانا
دخل راشد:هاه خلصت
خالد:ننتظرك
راشد:يلا نطلع
طلعوا وركبوا السيارات وكان بالسياره الأولى خالد وسعود
والسياره الثانيه ابو راشد وراشد والشيبان
ومن بعدهم سيارات اهل الديره
وبعد دقايق عند بيت ابو رايف الي ازدحم بالسيارات والرجال
_________
عند البنات خلصو سريع وخلو الأطفال عند ام رايف وطلعو السطح
سمو بصدمه:امااا من جده ذا ماخذ الديره؟
ميهاف:شوفو وشلوننن كثيرين وهم الرجال بس ماعندهم حريم
ارياف:ماتوقعت كل ذا
ميس:بتزوج من ديرتكم علشان يجيني بكل شيبانكم
ميسم ضحكت:ياحبيبي ماحد بيتزوجتس الا احد مايعرفتس
ميس لفت عليها:هههه ضحكتيني ياحظه وياحظ الديره بكبرها
سمو ضحكت وسكتتهم قبل يبدو هواش بالسطح :خلص انتي وهي؛ وتعالو ننزل نجهز قهوه بعد ذيك ماتكفي
ميهاف لفت:اي والله
نزلو كلهم وما باقي الا ارياف الا بصدمه وفرحههه ماعرفت تعبر بس حست بتوتر وخوف بعد ما شافته يسلم على ابوها حست بالتوتر توها تستوعب انها بتبعد اولاً عن أهلها وثانياً عن ديرتها وبتعيش معاه بمدينه ثانيه و ببيت لها وله لحالهم
قامتت تشتت توترها ونزلت تساعد البنات
بالمطبخ
ميسم:خلص وخروا ترا فليتوها عاد دوري اشوف
ميهاف بعدت :ياخي هاه شوفي
طلعت من الشباك وقالت :هو الي جالس بجنب رايف
سمو بعدتها:اصص ماتعرفين تهجدين لا يسمعوتس
ميسم:نسيتت
