البارت 5
العصر في بيت ابو رايف
كانوو ارياف وميهاف يجهزو الجلسه لان
بيجتمعنا بنات الديره
بالمطبخ ارياف كانت تجهز الحلا والشبسات والبسكوتات وميهاف تجهز القهوه والشاي
ارياف :حللتي
ميهاف:لا باقي نسيت
ارياف:روحي سويه الحين
ميهاف:بس مافي وقت اشوي ويوصلو البنات
ارياف:طيب ابيي اعرف ياخي
ميهاف:حتى انا والله
ارياف:بعد العشا تعالي عندي وحللي
ميهاف :تم
ارياف: بروح اطلع الفرش وارجع لك
ميهاف:تمام
راحت ارياف وطلعت الفرش بالحوش وزينت
الجلسه واخر شي جابت ميهاف القهوه والشاي
وصلو البنات وفتحت لهم ميهاف واستقبلتهم
ميهاف:هلا والله
امل :هلا فيتس ياروحي
غيم :زفته وينتس ماتجينا اشتقنا لهموسه
ميهاف: قلتيها لان ماشتقتو لي
غيم :وينها الحينه
ميهاف:ادخلو اول بعدها اجيبها
دخلو الحوش وجلسو بالجلسة وميهاف راحت تجيب همس
ارياف لبست وحطت ميكب واخر شي حطت عطر وطلعت للبنات
ارياف:هلا والله بالقاطعات ياهلا
ترف :احلفي منهي القاطعه ؛تقدمت ارياف تسلم على البنات خلصت وبدت تصب القهوة وتوزع الحلا
ريما وهي تتلذذ بالقهوة:يازين قهوة ام همس من زمان منها
'طلعت ميهاف على اخر كلمه تقدمت وهي تقول:الله الحينه اعترفتي ان قهوتي زينه ماكنتي تقولي موب زينه
ريما:شجابتس الحينه وانا وش خطر لي امدحها
البنات ضحكو على ريما
غيم قامت خذت همس من ميهاف ورجعت جلست
وبدت السوالف والضحك والهواش بين ريما وميهاف
ومن بين السوالف الي كل وحده تتكلم عن مستقبلها
غيم وهي ترجع شعرها لورا:انا بتزوج خالد واروح الرياض وارجع لديرتكم
ارياف من سمعت اسمه بدت غيرتها وميهاف تطالعها
ارياف:عيب يابنت ماتستحي
غيم :بس عاد تبون الصدق احبه
'ترف تطالعها كيف تتكلم وتعترف انها تحب اخوها قدامها كذا '
ترف:بس اخوي يحب وحده وان شاء الله قريب يخطبها
'ارياف وغيم لفو لترف بعلامات استفهام'
غيم :ومنهي الي يحبها
ترف:تعرفون بعدين 'وبدت تغير السالفه 'صح ارياف وش صار معتس
ارياف مكانت تسمعها وهي تفكر ورجعت ترف تأشر بيدها قدامها وتقول:هي بنت وين سرحتي
ارياف:هاه
ترف:شبلاتس سرحانه
ارياف:مو سرحانه وش كنتي تقولي
ترف:قلت وش صار على جامعتس
ارياف:قدمت على الجامعه وباقي اشوف اذا قبلوني
ريما :وش تخصصتس
ارياف:هندسه
ريما:اما ابوتس وافق
ارياف:ايه'وتربعت بحماس'وبعد تدرون وش
البنات بفضول:وش
ارياف وهي مبتسمه :حتى ميهاف قدمت
البنات بفرحه لميهاف:صدق
ارياف: ايه
ترف :ياقلبي ميهاف الله يوفقك
ميهاف وهي فرحانه:وياكك ياروحي
ريما :حظكم وحنا ياالله بالغصب كملنا الثانوي
ارياف:زي مو حاربتو تكملو الثانوي حاربو تكملو حلمكم
غيم:كيف نسوي وكل الشيبان معارضين
ارياف:حاولو لا تيأسو
غيم لفت لترف ؛خلص بكنسل من اخوتس واخذ رواف
البنات ضحكو
ريما وهي تضحك:ياخوفي ان ماتاخذي لا خالد ولا رواف
