BLOOD DIARY ( Complete )

5

Unicode

Victoryသားရေနဲ့လုပ်ထားတဲ့အနောက်တိုင်းဖြစ်လက်ဆွဲအိတ်ထဲသူ့ပစ္စည်းတွေအကုန်ထည့်လိုက်သည်၊ပြီးတော့ဘယ်သူဘယ်ဝါပေးထားမှန်းမသိတဲ့ပန်းချီကားလေးကိုပါမကျန်စေပဲသေချာထုပ်ပိုးလိုက်ပြီးသူ့အိတ်နက်လေးကိုလွယ်ကာစံအိမ်ကနေတိတ်တိတ်လေးထွက်လာလိုက်သည်။

ခြံထဲမှာရပ်ထားတဲ့စက်ဘီးနောက်ထိုင်ခုံပေါ်မှာခရီးဆောင်အိတ်ကိုတင်ပြီးကြိုးနဲ့မြဲမြံစွာချည်လိုက်ရင်းမျက်မှန်ကိုပင့်တင်ကာမြို့ထဲသို့အားစိုက်နင်းလာလိုက်သည်။

စံအိမ်မှထွက်လာတော့မနက်၃နာရီသာရှိသေးသည်၊ဒီအချိန်ဆိုနာနီကောအိမ်စေတွေပါနိုးသေးမည်မဟုတ်၊မာမီနဲ့အဖေပါအိပ်လို့ကောင်းတုန်း။

Victory Kim ဆိုတဲ့မြို့တော်၀န်သားဖြစ်တည်မှုကစံအိမ်မှထွက်လာတည်းကအဆုံးသတ်ခဲ့ပြီ၊အခုကစပြီး သူကဒီတိုင်း သာမန်ဆရာဝန် Kim Taehyung ပဲ။

အဲ့ဒီ Victory Kim ဆိုတာကပြင်သစ်ကမာမီ့ရဲ့အမေ၊သူ့အဘွားကပေးထားတာဖြစ်သည်။ဗြိတိသျှတွေစိုးမိုးနေတဲ့ကာလမို့သူ့ရဲ့ကင်မ်ထယ်ယောင်းဆိုတဲ့အမည်ကပျောက်နေရတာ၊အခုတော့ Victory Kim ဆိုတဲ့ထိုနာမည်ကိုသူတာ့တာပြလိုက်ပြီ။

ဦးတည်မိသည်ကJiminတို့သတင်းစာတိုက်ဆီ၊သတင်းအသစ်တွေကိုနေ့စဉ်ထုတ်ဝေတာမို့အခုချိန်လောက်ဆိုJiminနိုးလောက်မှာပါ၊ပြီးတော့သတင်းစာဝေတဲ့ကလေးတွေက‌၄နာရီလောက်တည်းလာယူတာမို့သူတို့စောစောထရတာပင်။

သတင်းစာတိုက်ကအစောင့်ထယ်ယောင်းကိုတွေ့တော့အံ့ဩနေသည်၊သူ့မှာကအထုပ်တွေနဲ့မဟုတ်လား။Jiminတို့သတင်းစာတိုက်ကိုသူမကြာကြာလာတဲ့အပြင်Jiminအဖေနေမကောင်းရင်သူကြည့်ပေးနေကြမို့ထိုနားတစ်ဝှိုက်ကသူ့ကိုဆရာ၀န်တစ်ယောက်လို့သိထားလေသည်။

"ဆရာလေး ဘယ်လို‌ဖြစ်လို့"

"Jimin ရှိလား ဦးလေး"

"အထဲမှာ ဆရာလေး အထုတ်တွေကကျွန်တော့်ကိုပေးလေ"

"ရတယ်...နေနေ...ကျွန်တော်နိုင်ပါတယ်"

"ဟင်! Victory "

အထုပ်ပိုးတွေနဲ့သူငယ်ချင်းကိုကြည့်ရင်းJiminအထဲဆွဲခေါ်ရတော့သည်။