عشق الشيخ وقلب الارجوان

بارت ١٥

ولج ايثار شحجيييي

احس روحي ردت
وقلبي نبض
والدنيا صارت حلوووة

ايثار .. يابعد روحي ياخوي

كرار .. لا وشني جتني للمحل
وراها رحت لبيتهم وامها رحبت بيه

ايثار .. وهسة شراح تسوي ...؟؟

كرار .. انتظر فترة....

بس اجس نبضها اذا ماعدها شي
اخطبها

ايثار .. واذا طلع عدها شي...؟؟

كرار .. بوومة الله وكيل بوومة
انت وابن اخوج نفس الخ""رة

ايثار .. يالمصخم مو انا ماريد ينكسر قلبك
وجاي اشوفك شلون عاشگها

كرار .. ااااننننننن
يعوج بحلگه ويقلد عليها 😂

لااااتخافين عليه مااااااينكسر قلبي

اذا رادتني اخذها
واذا مارادتني هم اخذها

ايثار.. والله انت راسك يابس وعقلك مصدي
والحجي وياك ضايع بالهوى

اكوم اخبز لاتجيني فضيلوه

كرار .. اي اي احسن روحي على رذيلة

يصيح لفضيلة _ رذيلة

من كد مايكرها لان هواي اذته وهواي حركت ابوي ضدة

عفته ورحت اخبز وهو حط راسه ونام
____________________

كعدت الصبح مالي خلگ لكلشي
خابرت ميسون تاخذلي اجازة

البارحة جلفت السيارة جلللف
كلت عيب ياخذها بوسخها
وراها طبيت سبحت ونمت
حسيت اخذت برد

طلعت للمطبخ سويت ريوك لامي
رجعت للغرفة لگيتها كاعدة قبلي
جانت كاعدة على السجادة
وتدعي كالعادة

رحت يمها خليت راسي بحضنها
وهي تمسد على راسي وتدعي

كمنا تريكنا نزلو الولد والبنات
كل واحد على شغلة

ام هيثم .. شعيب انت لاتروح
لان الرجال راح يجي ياخذ السيارة

شعيب .. اي يمه وانا كتلهم بالشغل راح اتأخر

"""""""""
صارت الساعة ٨,٣٠ اندكت الباب

طلع شعيب

اني ركضت على شباك المطبخ حتى اشوف منو لان جان يشرف على الكراج

موبيدي فضووول

عفية احنة البنات شكد فضوليات 😂 🤭🤫

دخل كرار وسلم مادري شنو حجة ويا شعيب

بعدين سحبوا السيارة العاطلة وطلعوا
__________________

علي هي هاي سيارتها....؟؟
شني هاي شو نظيفة .....؟؟

كرار .. ولللييي چا مثلك انت يالاجرب

انزل.... انزززل

علي.. على كيفك لاتجر القميص ترى هذا اغلى منك