هاي الفترة زادت مسؤولياتي وشغلي الحمدلله ماشي وديكبر لذلك ماردت افرط بشغلي واتزوج
وعلي فبعدني ما اعرف نفسي
احبه لو لا مرات اكول احبه واشتاق اسمع صوته ومن يحاول يفرض رأيه او مايقبل على شغلي اضوج منه واتمنى اقطع علاقتي بي
لان هو يعرف انا مسؤولة عن عيشة اهلي ومع ذلك يضايقني بكلامه
بعد ما كملت شغلي رحت على ماريا للمدرسة ومرينا على سلوى حتى نرجع سوى
ماريا .. لك فديت ابو الخط مالتنا
سلوى .. والله اجيتي بوكتج غناوي جنت شايلة هم شلون راح ارجع بهل مطر
غنى .. ادللن حبيباتي
ماريا .. غناوي اكو محل مفتح جديد يگولون يسوي حلويات غربية وكلها تحجي بي خلي نروح اليوم نجربه....؟
غنى .. اليوم ما اكدر لان اجتنا طلبية كلش جبيرة ولازم نسلمها عگب باجر يعني يدوب نلحگ
سلوى .. يعني لازم نبلش اليوم ؟
غنى .. اي والله لازم
ماريا .. اكووول هل توصيلة مو لله
غنى .. ليش انا بس اليوم اجيتج...؟
شو كل يوم اوصلج
ماريا .. امممم
رجعنا وبلشنا نسوي الاكل ونغلفة حتى نكمل بسرعة
هذه الفترة كلها وانا اجمع فلوس لان اريد اكمل بناء واعدل البيت حتى يكفينا ومانبقى هج متضايقين بالمكان
سلوى عدها كاع صايرة بالاطراف باعتها وجابت مبلغ زين حتى نگدر نبني الطابق الثاني
وجدتي سجلت البيت باسمنا رغم رفض خالاتي بس هي سكتتهن وماخلتهن يتحكمن بيها
عجيب هج ناس رغم هنة حالتهن فوگ النخل بس استحيفن علينا بيت تعبان مثل هذا
سلوى .. شفتي علي ؟
غنى .. ايي
سلوى .. وكتيلة انج رافضة الزواج
غنى .. شفته من بعيد ماگدرت احجي وياه
سلوى .. غناوي انت شتريدين بالضبط ؟
غنى .. ماريد ابين انا اقل منه شفتي امه ومرت عمه شلون اكابرية وناس مليانين
سلوى .. بس والله امه متواضعة وحبابة
غنى .. ايي وتنحب بس ماريد اكون انا اقل منهم
دگ عليه علي وماجاوبته صار ٣ ايام ارفض احجي وياه
لان بصراحة ماعندي كلام اگوله ،
ثاني يوم سلمت الطلب وراها رحت للشركة وشافني عمو رضا
.. شلونها بنيتي ؟
غنى .. الحمدلله عمو انت شلونك اخبارك ؟
حجي رضا .. من الله بخير ... شسويتي على البيت بلشتي بناء لو بعدج ؟
أنت تقرأ
عشق الشيخ وقلب الارجوان
ChickLit....... .... صعبة يكون حبك من طرف واحد..... والاصعب منه الخذلان لما تأمن لشخص وتالي يطلع غير ماانت جنت شايفة وغير عن توقعاتك.... وكل احلامك.....وامالك.....البنيتها وياه هنا انت على قيد الموت عايش بدون حياة ومدفون بمقبرة الالم قصتنا تحكي عن ابطال...
