عشق الشيخ وقلب الارجوان

بارت ١١ الجزء الثاني

مرحبا 

• مراحب 

• تحتاجون مدرسة للغة عربية ؟

• يامرحلة ؟

• ابتدائي او متوسطة 

• لا والله حاليا محتاجين انكليزي ورياضيات ونريد اعدادية فقط 

• تمام.... شكرا الك 

• اهلا وسهلا

يارب ساعدني تعبت وانا ادور ( دك التلفون)

• الو 

• الو ها غنى انت وين؟

• عندي شغلة اسويها وارجع 

•  لاتتأخرين... ولاتنسين تجيبين علاج لامي لان خلص 

•  تمام 

اويلييي هذا هم فوگ همي 

صار شهر تقريبا واحنة عايشين على راتب سلوى الي مايسد ربع احتياجات البيت اما العلاج فمصيبة لان كلش غالي ويحتاجلة مصرف لحاله 

طلعت ادور على شغل حتى اساعد سلوى بس كل الابواب انسدت بوجهي 

حتى الاسواق والسوبر ماركت دخلت الها وطلبت منهم اسويلهم اكل جاهز وهم رفضوا 
ماعدا ضعاف النفوس الي يدورون بنات الهوى وبس يشوفون وحدة محتاجة يحاولون يستغلوها...جنت اعوف المكان بدون ما اجاوبهم.... لان اااقرررف منهم
بقيت افتر بالشوارع الى ان تعبت 
شفت صبة وكعدت ارتاح شوية لان رجلية بعد ماتشيلني من المشي 
رفعت راسي للسما ودعيييت من كل قلبي 

ياارب شافي امي وافرجها عليه وعلى اخواتي بحق اسمك المشافي
جنت شايلة وصفة الدوة وباقي عندي ١٥ الف مخليتها احتياط لاخر الشهر
اكو صيدلية قريبة على السوگ تصير على الشارع الرئيسي لحي البساتين 

هذا الحي انا اسميه حي الملوك لان كل الكاعدين هنا ناس طاااگة 
مو مثل منطقتنا تعبانة هي واهلها 

دخلت للصيدلية جان بيها رفوف قصيرة تفصل الصيدلية عن المراجعين وجان اكو قاطع جام مضلل واكو فراغ وراه مبين مثل المخزن 
الصيدلية ماشاء الله عليها جبيرة ومرتبة انا من شفت هج خفت لان هج صيدليات يكون دواهم غالي 😔

انتبهت على طرف الصيدلية جان اكو
شاب اسمراني كاعد على ميز مكتب وكدامة حاسبة 
جانت عينة على الحاسبة لما دخلت وسلمت جاوبني بدون مايرفع عينة عليه 
• مرحبا 

• اهلا...

• بس بلا زحمة هذا الدوة موجود عدكم ؟

اخذ مني الوصفة بدون مايشوفني 

• كلة موجود بس هذا مال السكر موجود غير نوعية.... خلي اشوفلج اذا موجود منه

• لا اخوية لا اتعب نفسك انا رايدة بس مال الكلة