عشق الشيخ وقلب الارجوان

بارت ٣٠ الجزء الثاني

يا الله ما اصدگ نكمل 

ام سلوى .. اي والله حتى انا
لان كلش تعبنا 

غنى .. ترى مابقى شي بس التنظيف 

ماريا .. بس والله طلع حلو 

غنى .. چا انا شگتلكم 

ام سلوى .. الله يسعدج يايمة ويخضر ديارج 

غنى .. يسعدني بيكم بالاول شهرزاد هانم
ام سلوى .. هههههه حلوة هاي هانم 

غنى .. وست الهوانم 😎 

اركان .. يلا لاتبقن تسولفن تعالن اشتغلن 
ماريا .. امرك سيدي ( وضربتلة تحية عسكرية ) 

اركان .. تمام عريف ماريا اشتغلي زين لا اسحب منج الاجازة 

غنى .. ههههههه مصدك روحة ضابط

سلوى .. چا شلون ابني تاج وباج مو بس ضابط 

غنى .. يلا عيني ام الضابط خلي نكمل 

صار ٤ اشهر واحنة ملتهين بالبناء كملنا الطابق الثاني والطابق الارضي هم سويت بي تعديلات كبرت المطبخ وسوينا مطبخ حار لان جان اكو ترك ورة البيت كلت استغلة لان المطبخ زغير وردت اكبره

وجانت اكو رطوبة عالجناها يعني تغير شكل البيت ١٨٠ درجة 
وهسة تقريبا مابقى شي بس شغلات بسيطة ويكمل مثل الصبغ والكهرباء تنربط مال الطابقين واكيد التنظيف 

جوري وعلي وعمو رضا ابد ماعافوني دائما وياي بكلشي 

عمو رضا جان صگارهم للعمال الي مايطلع يشتغل يلزمه الباب وبعد مايتعامل وياه ولان هو زلمة اله وزنة بالسوگ فجانو يخافون منه وكلهم يطلعون للشغل من يحتاجهم 
وطبعا هذا الشي فادني كلش بسرعة الشغل 
اما جوري جانت تجيبلي طلبات وشغل  وراتبي بالصيدلية زاد 

وعلي جان يوكف ويا العمال بوكت اجازتة ومن يلتحق عمو رضا بدالة 

طبعا الارضية والسيراميك كلة على حساب عمو رضا 

بيوم الي اجانة الكهربائي اجة وياه ابن عمو رضا اسمه ديار انا شايفته بالشركة دائما يجي 

ديار شاب حلو ومرتب ورزن وزلمة كفو 
ومن صدگ ( الف وحدة تتمناه ) 
ومن جان يجي للشركة الموظفات كلهن يتمنن يكون من نصيبهن 

غنى .. اهلا استاذ تفضل 

ديار .. اهلا بيج اليوم ابوي وداني ويا الكهربائي لان انتم وحدكم 

غنى .. اي اهلا وسهلا تفضل امي موجودة وبيبي هم 

ديار .. تمام صيحي الوالدة وانتم سوولنا مجال ندخل نشتغل 

غنى .. ان شاء الله 

صحت امي حتى تطلع عليه وانا وسلوى وبنتها دخلنا للغرفة وهمه شفتهم صعدو فوك وامي بقت واكفة يم الدرج 
سمعت ديار يصيح لامي عمة استغربت ليش يصيحلها عمة ؟؟