عشق الشيخ وقلب الارجوان

بارت ٢٤ الجزء الثاني

حبايبي الحلوين ❤️🦋

بارت كلللش طووويل تقريبا ٥٠٠٠ كلمة
جازوا هذا التعب بلايكاتكم الحلوة 👍

وتعليقاتكم ❤️ خاصة تعليق بين الفقرات كلش تسعدني ☺️😘

ولاتنسون مشاركاتكم الحلوة

قراءة ممتعة 🌷🌷🌷

🤍🤍🤍❤️❤️❤️

"""" في يوم من الايام """""

واذا انت مو گد الزواج ليش طلبتني من ابوي

حسام .. ماطلبتج انا...ابوج هو الفرضج عليه

راما .. شلوون بلللة كلك الا تاخذها ؟ لو لازم تتزوجها ؟

حسام ..انطاج الي هدية وهذا نفس التگولينه ولعلمج انا يومية ويا وحدة شكل يعجبج اهلا وسهلا مايعجبج ذاك بيتكم واشطحي

راما .. والله انا هم مايشرفني اتزوج واحد مثلك

حسام .. انجبي لللج اشرفج واشرف عشيرتج

راما .. ماتشرف نعاالي

عفتة وطلعت من الشقة وبقيت افتر بالشوارع مالگيت نفسي الا گبال شقة صديقتي جيسي

جيسي .. راما...؟؟ هللو تفضلي

راما .. ممكن ابقى الليلة عندك ؟

جيسي .. اكيد تفضلي

بقيت اليلة يمهم حاولت اتصل بامي بس ماحصلتها
ابن عمي شعيب يعيش بنفس الدولة بس بعيد عني ماكدر اوصله بهل وقت لازم باجر الصبح اطلع

ثاني يوم رجعت للشقة لگيت حسام نايم على القنفة والهول مگلوب من اثر سهرة البارحة دمعت عيوني وبجيت

هو هذاا... هذا الي حبيتي راما
هذا الي حاربتي الدنيا علموده هذا العايفة اهلج لاجله

ماكدرت اشوفه بردان غطيتة واخذت اوراقي وملابسي وطلعت

راما .. الوو

شعيب .. الوو هلو رمرم

راما .. شعيب اكدر اجي يمك ؟

شعيب .. اممممم.... مشكلة جديد ؟ لو هل عار طردج

راما .. شعيب بلا حجي زايد اكدر اجي يمك لو لا

شعيب .. ابقي يمج انا اجي اخذج

راما .. اووك

شعيب ابن عمي واكثر من اخوية بس هو الوحيد اليعرف بحالي وعيشتي ويا حسام

احنة بالسويد واهلي حاليا مابين لندن وفنلندا انا جنت اكمل دراسة بالسويد

من وانا زغيرة احب ابن عمي حسام كبرنا وكبر حبه بقلبي بس الحادث الصار لعمي الله يرحمه گلب كل الموازين

حسام تعقد وصار ماعندة ثقة بأي مرة بالكون وعندة النسوان لاجل المتعة فقط

زواجي منه على ورق وبس.... كلما احاول اغير نظرتة او اكون ولو صديقة يبتعد عني وكل مرة جنة نتعارك واروح يم شعيب