انت من وين جاي تجيبين هاي الدرجات
شو طول عمرج كسلانة وماتطلعين من الصف الا وانت شالعة الصبةمهرة .. معلييييج.... جاي اقرة وانجح شني حتى من الدرجة تغارين ؟
جيهان .. لا مو شغلة اغارن بالعكس انا افرح تنجحين بس اريد اعرف شني الي غيرج
مهرة .. امي قبل ماتموت مو وصتنا على دراستنا لو نسيتي ؟
جيهان .. لا مانسيت
مهرة .. اي وانا لان امي وصتني گمت اقرة وجوان جاي تساعدني حتى اصيرن مثلها محامية
جيهان .. چا ماتساعدني انا هم.....؟
اريد اطلع معدل خاصة انا بكلوريا وثالث واريد اصير محللةمهرة .. محللة مرة وحدة....!!!؟؟
جيهان .. چا وانت تصيرين محامية على الاقل انا شوية اشطر منج
مهرة .. امممم انهجم بيت الشطارة....
المهم اكللها لجوان واشوفن اذا عدها وقت لان هي هم جاي تدرس ماجستير وخاف ماتگدر تدرسنا ثنيناتناجيهان .. بروح امي لا تنسين دام السنة باولها حتى انجح
مهرة .. اي اي لاتحلفيني .
_________________________
جنت واكف بالحديقة وشفت ايثار دخلت وحدها
سالم .. ام اسعد ؟
ايثار .. هلا خوية
سالم .. چا وين مهرة ؟
ايثار .. والله جوان بقتها يمها تگول بعدنا ماكملنا قراية ومن تكمل هي تجيبها
سالم .. هااا خوش خوية اخذي راحتجبقيت انتظر وبالي مشغول....قراية شني ؟ مهرة ماگالت رايحة اقرة
سويت نفسي اعرف لان ماردت انطي ببنتي حتى لو گدام اهليصارت بال٨ والبنت ماكو طلعت وكفت بالباب واباوع على باب بيت الحجي وكلساع اكول هسة تطلع مهرة وبعد شوية
ورة ساعة ما اتحملت رحت ودگيت الباب طلعتلي امهم سلمت عليهاسالم .. حجية بالكت مهرة ؟
ام هيثم .. اي ثواني
راحت تصيحها وطلعتلي مهرة شايلة علاگة وجنطة المدرسة على ظهرها وضحكتها شكبرها
تشكرت من الحجية ورجعنا للبيت اخذت مهرة ودخلت للمكتب وسديت البابسالم .. بوية ليش جذبتي عليه
مهرة .. هاااا..... اااانننا ؟
سالم .. اي ماگتيلي رايحة تقرين ؟ كتيلي اروحن اشوف الجهال
مهرة .. هو انا صحيح بوية ماجان ابالي جوان راح تقريني حسبالي بس حجاية وشمرتها الي
سالم .. بوية ترى انا ماشايل عليج سيف...!! اكعدي وسولفي عدل وگليلي الموضوع من بدايتة حتى افتهم
مهرة .. اي بوية راح احجيلك
كعدت تسولف على دراستها وشلون هي موزينة بيها وانا اعرف بناتي مو زينات بالدراسة بس مابيدي شي عليهن شگد انا حاولت اقريهن بس ماجانن يفهمن عليه
خاصة مناهجهم تختلف وكلها صعبة
أنت تقرأ
عشق الشيخ وقلب الارجوان
Literatura Feminina....... .... صعبة يكون حبك من طرف واحد..... والاصعب منه الخذلان لما تأمن لشخص وتالي يطلع غير ماانت جنت شايفة وغير عن توقعاتك.... وكل احلامك.....وامالك.....البنيتها وياه هنا انت على قيد الموت عايش بدون حياة ومدفون بمقبرة الالم قصتنا تحكي عن ابطال...