زعلانين خلانه بزعلنا.....
والتفكير بالرجعة كتلنا....
بس مادام اهلنا بنعمة وبخير...
اذا ضگنة الوكت نرجع لاهلنا....
غلطانين من رحنا ورجعنا....
طبينا وبقينا بكل القلوب....
بس بقلبه طبينا وطلعنا....
💔🥀🍃
لشاعرها.....
***************
يعني اطلع ؟
حسام .. لا انا موش قصدي هج !!!
البيت بيتج بس قصدي خاف ماترتاحين
راما .. لا عادي بس كون تخفف سهر
حسام .. ان شاء الله
راما .. شني تحب اسوي عشة
حسام .. انا ما اشتهي لان كلها كم ساعة واطلع للمطار
راما .. هااا....؟؟ چا هم راح ابقى وحدي 🥺
حسام .. امممم شنسوي بعد هذا الشغل اذا تحبين اوديج لاهلج تبقين يمهم بين ما ارجع
راما .. اااه.... لا عود باجر انا اروحن
قبل مانرجع للسويد ابوي حلف يمين الا ارجع على ذمة حسام ورجعت
وهو رغم كل الي سويته حتى احرگ قلبه قبل يرجعني
تعجبت ، وبقيت اسأل نفسي الف سؤال ليش رجعني ؟ وليش قبل ؟
معقولة ابوي جبره ؟ لو استحى منه ؟
شفت نفسي مثل العالة عليهم
انكسرت بوكتها كلش
بجيت رغم ابوي اجاني وطمني وكالي
..راح تشوفين ايام حلوة لان انا راضي عليج
استغربت ! شلون يرضى عني وهو راح يشمرني بنص النار
رغم هذا وافقت ورجعت لحسام
وصار النا كم يوم بشقتنا الجديدة لان ذيج حسام باعها واشترى هاي الجديدة
حاولت ابدي حياة جديده وياه واشوف شلون تاليها
جنت واكفة بالبلكونة واجة هو وكف يمي چتف ايده ووكف صفح على الحايط
باوع عليه
حسام .. شرايج بالشقة الجديدة ؟
راما .. حلوة وطلتها هم حلوة
حسام .. عجبتج ؟
راما .. ايي كلش
رجع حط ايده ورة ضهرة وباوع على الحديقة
حسام .. هاي السفرة ماطول يمكن اسبوع وارجع
راما .. وين راح تروح ؟
حسام .. لكندا
راما .. الللله... بنفسي اشوفها.... نيالك
باوع عليه وهو مرتبك
حسام .. هاااا.... اذا صارت فرصة عود اخذج
راما .. صدك والله ؟
أنت تقرأ
عشق الشيخ وقلب الارجوان
ChickLit....... .... صعبة يكون حبك من طرف واحد..... والاصعب منه الخذلان لما تأمن لشخص وتالي يطلع غير ماانت جنت شايفة وغير عن توقعاتك.... وكل احلامك.....وامالك.....البنيتها وياه هنا انت على قيد الموت عايش بدون حياة ومدفون بمقبرة الالم قصتنا تحكي عن ابطال...
