عشق الشيخ وقلب الارجوان

البارت الاول الجزء الثاني

عايشين واحنة اصنام 

لا نهجع ولا نرتاح ولا ليل الذكريات يخلينا انام 

______________________

بكل زاوية نشوفك..... بكل مكان صوتك 
بكل نسمة هوى عطرك.... شلون وياك 

شلون تروح وماتودع 
شلون تكسر ظهري وتعوفني وحدي 

چا انا چم مرة گتلك انت وليدي واخوي وتچايتي 
هج تعوفني للزمن يكسرني 
هج انا رخيص عندك...وانت الچنت بمعزة عيني وروحي..... ااااااااخخخ ولللللللك كسرت ظهرررري 

حازم .. ابو حمد كافي كل هذا مايرجعة 
اصبر واحتسب بالكت الله يغفرله ويرحمه 

سالم .. منيييين منييين اجيب الصبر حااازم 
ولك ناااار ناااااااار بقلبي ناااار عليه وعلى شبابه

حازم .. كل احنة مثلك چا هو هم اخونا وكل احنة عذبنة وياه .....بس هذا امر ربك بعد مانگدر نعترض 

عبدالله وهو يمسح دموعه .. لابوية مو امر ربنا عمي كرار انكتل ولازم نعرف منهو الكتلة وناخذ بثاره 

حازم .. وشلون ناخذ بثاره واحنة گاعدين نلطم مثل النسوان ؟
غير لازم نصبر رواحنا ونوگف على حيلنا لو نبقى هج انووح ونبجي وننتظر القاتل يجينا مسلفن ؟

مطوع .. كلام ابو رسول صحيح لازم نصبر ابو حمد ونوگف على رجلينا حتى نعرف ياهو السوة هج 

(سالم عدل گعدتة بعد ماچان حاضن القبر وهو منهار) 

وحگ ترابك اذا ما اسويهم طشار انا موش ابن جابر 

بعد ما طلعنا من المقبرة وتوجهنا للزيارة ومن بعدها رجعنا لبيوتنا 

الي صار كسر ظهرنا كلنا مو هين علينا يموت واحد من عدنا ويموت غدر ؟ ومانعرف كتالة منو ؟ 

هاي واكفة بعشايرنا وبأعرافنا......

_____________________________علي 

من بعد وفاة عمي حسيت فقدت جزء من روحي ماتحملت ظربت راسي بالحايط ملخت نفسي 
رحت على كرار حظنته وخظيتة ردته يگوم ويرجع للحياة بس مافاد 
سحبوني گوة منه
من بعد المغيسل والتشييع ورحنه نريد ندفنة ذبيت روحي قبله بالقبر وهم كوة طلعوني 

صاحبي ... وعمي ... وصديقي 

من النظرات افهمة ويفهمني... كل سوالفنة سوة من واحنة زغار ماتفارگنا 

كل گعداتنا وطلعاتنا واسرارنا سوية ..... يروح مني برمشة عين ؟ 

هضيمة ومصيبة چبيرة 

من رجعنا وابوي وعمامي حايرين بين العزة وبين عمي سالم الي بالانعاش 

وبين جوان الي شبه ماتت 

دخلت للمضيف و چفيت الدلال وشلت سلاحي 

علي ..ماكو فاتحة الا اخذ بثار عمي والي جايز من روحه يلحگني