عشق الشيخ وقلب الارجوان

بارت ١٨

وين الگاك ياخوية واحاجيك
وازيل تراب گبرك كون ماذيك
عينك تعاين عليا ادريك
وتهم بيا بكثر ماانا اهم بيك
حرام القلب ياخوي ان چان ناسيك
يالجازيتني بطيب بيش انا اجازيك

ملاحظة 🔴
ملاحظة 🔴

هذا البارت ليس لاصحاب القلوب الضعيفة
كان طلب خاص من اخت شهيد

ورادت تعرف تفاصيل موت ضرغام لان اخوها هم كان ضابط ومات بانفجار سيارة

__________________________
_نرجع بالزمن

_انت ليش هيج تسوين

_ شمسوية.....؟؟ يعني ما اغسل هدوم ؟

_منو گلج لاتغسلين بس مو كلما يجون اهلي تصعدين فوگ وتطلعين حجة بالغسالة لو عندج شغل وماتگعدين يمهم

_ اننييي. ؟ لعد.منو سوالهم العشة
وبعدين قابل هم غربة اشو يومية يمنا

_ اللهم طولج ياروح... مو السالفة تكررت عشرات المرات وگدامي

_ انت تريد تتعارك وتطلعني اني الغلطانة مثل كل مرة وكل هذا بسبب اهلك
_ اهلي.... ؟ هسة لو شايف منهم قصور تجاهج جان تصرفت

اشو انت گاعدة اميرة
والبيت شايلته اختي ...طبخ ... نفخ.... زايدة ....ناقصة...كلة هي حتى هدومي يمها
انت شنو دورج بهذا البيت.....؟؟

_ هااااا شووف انت كلتها كلة اختك واني اذا احجي واكول جان كتلي متريديها وتسوين مشاكل  و و و

_ عيشتج تگصر العمر
اطلع احسنلي

طلع وسد الباب حييل

_درب الصد لا رد...تتفففوو
عليك وعلى اهلك شكد اكرهكم

_ ماما..... ماما
_ هاا خييير
_ ماما فدوة اريد اسوي عزيمة لصديقاتي بالحديقة واريدج تسويلي كيكة موز

_ بنت الكل..ب   مو دتشوفيني بطني شعلاتها روحي على عمتج البومة وخليها تسويلج

جوااان ....جوان

_ نننعم
_ جوان سوي لبنت اخوج كيكة موز تريد تاخذها لصديقاتها

_ عندي قراية ماكدر اليوم
عود باجر ورة الامتحان

_ شراح تأثر عليج نص ساعة كومي سويلها

_ حركي طولج ونزلي انت سوي شكو كاعدة فوك ٢٤ ساعة

_ ولللج ام لساان اني حامل وماكدر اصعد وانزل

_ هسة اليسمعج يكول حامل بابن الملك..... اطمئني مراح تاخذين ورثنا بهل حمل ترى

_ وووولللللجج انا اعلمج يجي اخوج واعرف شلون اربيج

_ ربي روحج بالاول
مادري اشايف منج اخوي عوووع
حجيتها بصوت ناصي

عفتها وكعدت اقرة كملت المادة الحمدلله باجر اخر امتحان واخلللص
💃💃💃

_ هههههه اشو تركصين
_ اي حبيبي ارقص باجر اخر امتحااااان
_ هههههههه احلى شي بهل بيت انت