يابوية ياراسي راح ينفجر ولكم ماجاي استوعب
زهرة .. عنج لااستوعبتي دگومي خلنا نروح لبيت سالم
ايثار .. لااا انا اريدن اشوف جوان اريدن اعرف شلون هج سوت
زهرة .. وللج ياهي السوت ؟ هسة امشينا لبيت سالم ترى رجاء وضعها البارحة جان موزين
ايثار .. موش وكت مياعتها موبحالها انا
زهرة .. وللج دمشينا هسة وبعدين نروح لجوان اخيج وصاني على شغلة ولازم اسويها
ايثار .. شني انوب هم صدمة ؟
زهرة .. انا اروحن وانت ضلي هني لطمي اودعناج
ايثار .. اوكفي جاية وياج يالغمة ،ولكم شمالكم تسودنتوا كل واحد خلگه معلك بخشمه
لبست عباتي ورحنا لبيت سالم جانت رجاء حالها حال وبس تبجي لان سالم راح يتزوج عليها
زهرة .. اكلج رجية لاتكبريها وهي زغيرة شني شيخ سالم اول مرة يتزوج ؟ چا انت موش اخذتيه من هاجر ؟ لو عليج حلال وغيرج حرام
رجاء .. اكلج انت ماتحسين بناري الا يتزوج عليج حازم
زهرة .. دسكتي اسكتي عاد انا تارسة عينة وقلبه موش مثلجن وحدتجن بومة
نزلت مهرة من فوگ وهي صايرة نار
مهرة .. هللااا... هلاااا بعمتي ام الخطط والبلاوي ارتاحيتي هسة من راح تزوجين ابوي من صويحبتج
ايثار .. وروحه الغالي اكومن اگطع ال ٤٥ على حلگج
مهرة .. اييي چا شلون مايصير نتحچة على ست جوانة, اكلج عود شني مالگيتي غير ابوي تزوجينة شني من قلة الزلم؟ ماتاخذيها لرجلج
جيهان .. عمة يعني مالگيتي غير ابوي تزوجيه جوان وامي بعدهي ترابها اخضر
ايثار .. وللج يمه وروح الغوالي انا ماعرفت بالسالفة الا البارحة، حالي من حالكم والحسين
زهرة .. مهيرة گومي وياي
مهرة ..ويين ؟
زهرة .. بغرفة امج اريدج بسالفة
مهرة
دخلت انا وعمة زهرة لغرفة امي وكعدتني يمها على الجرباية
زهرة .. شوفي بنيتي انا اعرف جمرة نارجن على امجن بعدهي ماطفت وحقجن الام جنة ومن تموت تموت كل ايامنا الحلوة وياها
مهرة .. وشني الفايدة ابوي وجوان هسة خلوها عطابة موش بس جمرة
زهرة .. بنيتي ترى جوان خوش بنية وبنت اوادم واذا على زواج ابوج فهو بكل الاحوال حبوبتج ناوية تزوجه وحدة ثانية
مهرة .. يعني شني مافتهمت
زهرة .. افتحيلي مخج زين وركزي
ابوج اذا ماتزوج جوان فأكيد يتزوج وحدة غيرها لان حبوبتج قافلة الا تزوجه ومثل مايگولون شين التعرفه احسن من زين الماتعرفه
أنت تقرأ
عشق الشيخ وقلب الارجوان
Chick-Lit....... .... صعبة يكون حبك من طرف واحد..... والاصعب منه الخذلان لما تأمن لشخص وتالي يطلع غير ماانت جنت شايفة وغير عن توقعاتك.... وكل احلامك.....وامالك.....البنيتها وياه هنا انت على قيد الموت عايش بدون حياة ومدفون بمقبرة الالم قصتنا تحكي عن ابطال...
