مامليتيجوان .. يااا وين اكو وحدة تمل من اهلها
ايثار .. شو انا عكسج فرد مرة
جوان .. لان عايشة وياهم
ايثار .. يجوز ...؟
جوان .. جربي تبقين يومين لو ٣ بدون ماتشوفين خالة شيصير بيج
ايثار .. يمه.. احسن شي ناقصني وحرگة تصير بقلبي
جوان .. شفتي...! چا انا شگول افارگهم كلهم مو بس امي
ايثار .. اي خية الله يعينج الحمدلله من قريبين عليج موش بعيدين
جوان .. اي عفية هم المسافة تهون
ايثار .. يلا خية لايجون الشيوخ واحنة بعدنا
جوان .. كملت انا وهاي الدولمة هم استوت
ايثار .. والله من انت ماكو اصيرن مثل اليتيمة لان محد يشتغل وياي
جوان .. وليش ماتصيحين بقية الچناين يساعدنج
ايثار .. وج خية مايشتغلن عدل مثلج
انت احسج على مايي تشتغلين مثل ما انا اريدنجوان .. هههههه ولهذا مستغلتني ابشع استغلال.... يافاجرة
ايثار .. چا شسويلج احد گلج صيري نادرة
جوان .. اي والله انا صوچي طز بيج وباليساعدج
ايثار .. لاااا.... وراس ابوي احبج تعالي ابوسج يابعد هلي
جوان .. بوسي ايدي
ايثار .. ولي وللج... قندرة
دخل سالم للمطبخ واحنة نتناگر
سالم .. جهز الاكل ؟
ايثار .. اي خوية كملنا كلشي
سالم .. لاتصبون هسة شوية وادزلكم خبر لان بعد واحد من الشيوخ ماواصل
ايثار .. صار خوية براحتكم
طلع وانا جنت واگفة على صفحة احضر بالطرشي ما انتبهت عليه
ايثار .. وللج يالمصرگعة ماشفتيه...!!
جوان .. ياهو ؟
ايثار .. لسالم
جوان .. شبي ؟
ايثار .. وللج ماشال عينة منج
جوان .. وشني يعني ؟
ايثار .. انت ابقي بهل ثوول... ولاتشغلين عقلج
جوان .. اي كلش احسنلي وعلي هههههههه
ايثار .. اهمداج 🙌🙌
بعد ما رجعت من بيت اهلي ثاني يوم جان اكو عزيمة لشيوخ كبار جايين على عمي وانا وايثار سوينا الاكل وكملناه من بعد ماخلص الشغل وكملنا كل شي صعدت حتى شوية ارتاح والجهال راسن ناموا بس ترف عاندت ماتقبل تنام وبقيت سهرانة وياها لنص اليل
أنت تقرأ
عشق الشيخ وقلب الارجوان
Literatura Feminina....... .... صعبة يكون حبك من طرف واحد..... والاصعب منه الخذلان لما تأمن لشخص وتالي يطلع غير ماانت جنت شايفة وغير عن توقعاتك.... وكل احلامك.....وامالك.....البنيتها وياه هنا انت على قيد الموت عايش بدون حياة ومدفون بمقبرة الالم قصتنا تحكي عن ابطال...