( قبل اكثر من اسبوعين )
يعني شني معنى كلامج وضحي ؟
رياحين .. يعني انا ما اهمك وماتحبني وماتفكر غير بنفسك وبس
علي .. هاي انااا ؟
رياحين .. ايي انت
علي .. هو انا لو افكر بنفسي جان ماحجيت وياج بهل وكت
رياحين .. شلة دخل الوقت انا احجي على سفرك المفاجئ يعني هج بكل سهولة تسافر وماتگول رايح ؟ هج انا رخيصة عندك ؟
علي .. انت اغلى من روحي بس صدگيني جنت محتاج اسافر وبعدين انا مو بعيد هياتني بتركيا
رياحين .. وليش ماگلت ؟ يعني لوما اسألك ماحجيت
علي .. ماحبيت اشغل بالج
رياحين .. انت تعرف انا بالي دوم مشغول بيك بس دومك ماتحس
علي .. شوفي هسة انت سويتيني ماحبج وماحس بيج وماريدنج وكل هذا انت تعرفين ماموجود والعكس هو الصحيح
رياحين .. انا لو اهمك جان مو يومية مسويلي مفاجئة تشلع بيها قلبي
علي .. ههههه بعد ماخلصت مفاجئاتي من ارجع هم عندي الج مفاجئة
رياحين .. ياطلابة الماتخلص عمي بطلت احبنك انت بدرب وانا بدرب لاريدك ولا ابد
علي .. ينطيج قليبج ؟
رياحين .. ادوسن عليه واحبك
علي .. ياااابووووية وانا اموتن بهواج ، بس اكمل شغلي وارجع لان مشتاق اشوفج
رياحين .. امممم... مبين ؟ يلا روح امي تصيحني
علي .. اهوووو هسة وكتها
رياحين .. هااا بدينا بسوالف النسيب
علي .. ههههههه لاعمي العفو ، يلا روحي وديري بالج على نفسج
رياحين .. اوك وانت بعد
بعد ماشمرت التلفون منها اجاني حسام وكال
..ها ولك هاي شني حب جديد ؟
علي .. يكولون
حسام .. هههههههه.....معناها مثل كل مرة ركن على الرف
علي .. هو هم هج
حسام .. ومني هاي تعيسة الحظ
علي .. وحدة تعرفت عليها صدفة وخطية مصدگة راح اخطبها واتزوجها
حسام .. يااخي مادري شبيهن بسالفة الزواج تحجي وياها كلمتين تكلك تعال اخطبني اييي شبيجن متسودنات علزواج دعيشن حياتجن
علي .. هههه لا وبكلمة توكع ، وراسن تبيعلك الاول والتالي
حسام .. كلهن نفس الطينة الله وكيلك
علي .. ايييه هههههه ، هسة احجيلي انت شوكت تفض سالفتك ويا بنت عمك
حسام .. شيفضها وياي وانا كل مااحاول اتقرب خطوة يصير شي يخليني اتراجع قرن
أنت تقرأ
عشق الشيخ وقلب الارجوان
ChickLit....... .... صعبة يكون حبك من طرف واحد..... والاصعب منه الخذلان لما تأمن لشخص وتالي يطلع غير ماانت جنت شايفة وغير عن توقعاتك.... وكل احلامك.....وامالك.....البنيتها وياه هنا انت على قيد الموت عايش بدون حياة ومدفون بمقبرة الالم قصتنا تحكي عن ابطال...
