يمكرون ويمكر الله والله خير الماكرين
صدق الله العلي العظيم ...🌷
______________________گاعد بالهول وانا بالي يودي ويجيب
وين كرار و مرتة ؟؟
شني الصاير وياهم ؟؟خاف اهل البنية يجون ويسألون عليها شنگول الهم ساعتها
مابينا حيل الطلايب والمشاكل بهل وكت
سالم يحتاج للراحة وابوي مايحل مشكلة وحده لازم وياه سالمدگ عليه حازم
مطوع .. ها خوية ابو رسول بشر مالگيتم كرار ؟حازم .. لا والله.... الولد مرابطين يم البيت اليجي عليه
وماكو.._ جا ليش مادخلتم للبيت يجوز جوة وماطالع
_ لا ماموجود...
علي دخل جوة وماكو
وانا قافل الورشة يعني ماعندة مكان يروحله_ شني... فص ملح وذاب ؟
_ هسة انوب مرته وين راحت ؟
_ خاف هو اخذها وياه ؟
_ ااااه مادري ياخوي شغلة تحير
_ هسة اروحن على ايثار واشوف
سديت التلفون من ابو رسول ورحت على ايثار صحتها
ايثار .. خيرك ابو علي ؟
ابو علي .. اگلج انت وزهرة وزينب اريدچن تدورن البيوت كلها
ماريد تخلن لا غرفة ولا زاوية اذا ماتدورن بيها
يجوز مرت كرار خايفة وظامه روحها منه ؟ايثار .. اي والله هي جانت خايفة منه هلفترة
خوش انا اول شي راح ابدي ابيتي وخلي زينب وزهرة يدورن بيوتهنابو علي .. خوش
طلعت من ايثار ورحت لبيتي
و وراها لبيت حازم وبقينا اكثر من ساعتين واحنة ندور
ماخلينا لا زاوية ولا غرفة حتى الحدايق الورة البيوت دورناهااخر شي رحت لبيت سالم وكلت لهاجر ورجاء هم يدورن بالبيت خاف خاتلة يمهم
بقينا النهار كله ندور وماكو بكل البيوت
رحت كعدت بالحديقة
وين راحت ياربي معقولة شردت ؟شفت رقية بنت ليث تأشر لي تعال
استغربت شبيها...؟مطوع .. خيرج بوية ؟
رقية .. عمي مو جاي تدورون على مرت عمي كرار ؟
مطوع .. اي تعرفينها وين ؟
رقية .. اي اعرف....!!
مطوع .. اي جا ماتحجين ؟
رقية .. انا شفت عمي كرار خذاها وطلعها من ورة بيت جدي وبعدين سحلها للبستان
مطوع .. وماشفتيهم وين راحو ؟
رقية .. لاا.... لان جنت اباوع من ورة الباب وخفت اروح وراهم
مطوع .. خوش بوية روحي لبيتكم لاتشوفج امج
أنت تقرأ
عشق الشيخ وقلب الارجوان
Chick-Lit....... .... صعبة يكون حبك من طرف واحد..... والاصعب منه الخذلان لما تأمن لشخص وتالي يطلع غير ماانت جنت شايفة وغير عن توقعاتك.... وكل احلامك.....وامالك.....البنيتها وياه هنا انت على قيد الموت عايش بدون حياة ومدفون بمقبرة الالم قصتنا تحكي عن ابطال...