عشق الشيخ وقلب الارجوان

بارت ٢٢ الجزءالثاني

هو خوش مشروع بس بي مجازفة 

جوان .. اذا التزمنا بالتعليمات وطلع الزرع مثل ما اريد راح ينجح 

علي .. انتي اعرف بعد... شتگول محسن ؟

محسن .. استاذ احنة العام زرعنا والحمدلله طلع خير من الله وان شاء الله هل سنة يطلع احسن من السنة المضت.... انت بس خليها على الله 

علي .. ان شاء الله 

جوان .. يلا محسن صيح ضياء خلي يشغل المضخة يدوب نلحك نسگي كل البستان 

محسن .. صار 

هاي الفترة عندي عطلة وكلش ملتهية بالبساتين جان عندي مشروع اسوي علوة وتعليب الخضروات واخواني ايدوني بهل شي الحمدلله

 اليوم كملنا سماد وحرث الارض وزرعنا كل انواع الفواكه والخضروات بقت عندي مشكلة بوحدة من المزارع يحتاج الها نوع خاص من المبيدات وماجاي الگاه بالسوگ

رحت لبيت اهلي لان الجهال هناك عند امي 

اول مادخلت اشتميت ريحة الاكل 

جوان .. اويلي يممه شني هااي ؟

ام هيثم .. تشريب وتمن شعرية 

جوان .. اررريييييد 🤤 

ام هيثم .. شوية ونصب الاكل ابقي تغدي 

جوان .. اكيد راح اتغدة ما افوتها ، يممه شوكت تجي جود ؟

ام هيثم .. راح ترجع ويا علي هل يومين 

جوان .. من تجي انطيني خبر 

ام هيثم .. ليش شعندج وياها ؟ 

جوان .. موصيتها على مصادر تجيبها الي من تجي ومحتاجتها كلش 

ام هيثم .. هو هل يومين ان شاء الله مابقى شي و راح نسوي عزيمة وننجمع كل احنة مو ماتجين

جوان .. ان شاء الله اجي

دك تلفوني وجان شعيب جنت كلش مشتاقة اله وبقينا نسولف تقريبا ساعة جان يحجيلي على التقنيات والساعات والكاميرات الموجودة بالخارج

جوان .. خرب عرضك شگد تحب هاي السوالف 

شعيب .. امووت عليها... تدرين مفكر اجيب كاميرات للبستان 

جوان .. علوااه واريد الي انا هم فد ٢ زغار اذا اكو 

شعيب .. شتسوين بيهن ؟ 

جوان .. محتاجتهن 

شعيب .. شوفيلي كم كاميرا يحتاج البستان وانا اجيبهن من اجي 

جوان .. اهاا واخيرا راح ترجع 

شعيب .. ايي... لان كتلة لابوي على شغلتي وهو كال راح اتصرف بالموضوع 

جوان .. حبيبي الله يقدملك البي خير 

شعيب .. امين 

بعد ماكملنا الغدة بقيت عند اهلي ارتاحيت شوية و وراها طلعت لبيت عيالي هاي الفترة كلها خطارهم ما انگطع ماعرف شني المناسبة 
اخرها بيت ابن عمه لعمي جابر بقوا يومين وراحوا وانا بس اريد البيت يفرغ حتى افرغ المخزن