اكلج ترى هي مو بعبع
جوان .. بس حساسة زيادة عن اللزوم
جوري .. عوفيها انا اعرف شلون افاتحها بالموضوع
جوان .. اخاف منج....
جوري .. اي ديري بالج ترى اطلعلج باليل اعضج
جوان .. تسويها انت ههههههه
جوري .. صخونة مال حصونة... وتجين تاخذين دوة مني 😜
جوان .. هههههههه مخبلة.... اكلج صدگ شسويتي على ام البنية الي رحتولها ؟
جوري .. يااا ماحجيلتج.... ؟ هسة اجيب تلفوني واجيج
راحت تجيب تلفونها وانا خليت ضرغام بمكانه لان جان نايم بحضني
جوري هذه الايام تروح لبغداد لبيت سهيل لان دراستها هناك وتجي كل بين فترة وفترة
وانا الحمدلله دوامي مستمر ودرجاتي زينة
والمحكمة اداوم بيها على گد فراغي لا اكثر
___________________________
حازم .. هااا بشر ؟
سالم .. گالو نحتاج وقت بين مايحجون ويا اختهم
حازم .. وشبيك خايف ؟
سالم .. ماعرف شلون راح تكون ردة فعلها ؟ اذا هم اخوتها انصدموا
حازم .. لا تخاف ترى همة عاداتهم مثلنا ماتشوف ولد اخوهم ربوهم كبال عيونهم
سالم .. يمكن همه ماعدهم مثلنا الاخ يتزوج مرت اخوه...؟ ولو هاي السالفة هسة طلعت النا ماجانت قبل
حازم .. وشبيها لا عيب ولاحرام على سنة الله ورسوله وگدام كل الخلگ
سالم .. واهلك شلون اكلهم...؟ بناتي شلون ؟
حازم .. اكلك صدك شلون رحت وحدك ماسألوك ؟
سالم .. كلشي سألوني جنت كاعد بمحكمة وانا جاوبتهم كتلهم ماردتها تصير هوسة خليها بيناتنا احنة الاهل
حازم .. امممم خير ان شاء الله امشينا نگول لاهلك حتى محد يلومك ويكلك ليش ماحجيت
طلعت رحت لاهلي الكل جانت موجودة بعد العشة
سلمنا وكعدنا وانا عيني على البنات خايف من ردة فعلهن ماريد يطلع منهن تصرف مو زين واخاف انطي بيهن گدام اهلي
صحت على جيهان
.. بنيتي اخذي اخواتج وروحي للبيت هسة انا جاي وراكم
جيهان .. صار بابا
بعد ما طلعن بناتي ارتاحيت
سالم .. بوية انا من بعد اذنك انا رحت خطبتها لام حسن
شيخ جابر .. مني هاي ام حسن ؟
حازم .. مرت كرار الله يرحمه
الكل انصدمت وايثار عاطت بدون وعي
شيخ جابر .. هسس ولا نفس خل نفتهم... اي بوية كمل شلون رحت خطبتها وليش ماكلت وماحجيت
أنت تقرأ
عشق الشيخ وقلب الارجوان
Chick-Lit....... .... صعبة يكون حبك من طرف واحد..... والاصعب منه الخذلان لما تأمن لشخص وتالي يطلع غير ماانت جنت شايفة وغير عن توقعاتك.... وكل احلامك.....وامالك.....البنيتها وياه هنا انت على قيد الموت عايش بدون حياة ومدفون بمقبرة الالم قصتنا تحكي عن ابطال...
