Chapter 95
မုထျန်းဟန်က ဗီလာတတိယထပ်သို့ ဦးဆောင်သွားခဲ့သည်။
၎င်းမှာ မော့တိအတွက် တတိယထပ်သို့ ပထမဆုံးအကြိမ် ရောက်ဖူးခြင်းဖြစ်လေသည်။ မုထျန်းဟန်က သူ့အတွက် သော့ပေးထားသော်လည်း ဤနေရာတွင် တစ်ခါမှအချိန်ကုန်ဆုံးခဲ့ဖူးချေ။
တတိယထပ်တွင် ဧည့်ခန်းတစ်ခန်းနှင့် အိပ်ခန်းတစ်ခန်းသာရှိပြီး သီးသန့်ဆန်ကာ ကျယ်ဝန်းလှ၏။ ဧည့်ခန်းအရှေ့ဘက်တွင် ဝရန်တာတစ်ခုရှိကာ နံဘေးတွင်မူ အိပ်ခန်းရှိ၏။ အိပ်ခန်းဝရန်တာ၏ ဘေးနှစ်ဖက်လုံးကို နံရံများဖြင့်ကာရံထားခြင်းဖြစ်ရာ အပြင်ဘက်မှ လှမ်းကြည့်ပါက မည်သည့်အရာကိုမှ သဲသဲကွဲကွဲတွေ့ရမှာမဟုတ်ချေ။
မုထျန်းဟန်က မော့တိအား အိပ်ခန်းသို့ခေါ်ဆောင်လာခဲ့သည်။ ထို့နောက် ကြီးမားသော မီးခိုးရောင်ဗီရိုအတွင်းမှ သေတ္တာငယ်လေးတစ်ခုအား ထုတ်ယူလိုက်၏။
ငွေရောင်သေတ္တာလေးက အနားများလုံးဝန်း၍နေကာ လည်သာကြိုးကလေးဖြင့် အနားကွပ်ထားလျှက် ရှင်းပြ၍မရသည့် မြတ်နိုးဖွယ်ခံစားချက်ကို ပေးစွမ်းလျှက်ရှိသည်။
“မင်းသဘောကျမလား ကြည့်ရအောင်...”
မုထျန်းဟန်က အဆိုပါသေတ္တာကလေးအား မော့တိ၏လက်တွင်းသို့ ထည့်ပေးလိုက်ကာ ဝရန်တာအနီးသို့ ဦးဆောင်သွားခဲ့သည်။
မော့တိက သိချင်စိတ်များဖြင့် ပြည့်နှက်လျက်ရှိ၏။ သူက မုထျန်းဟန်ကိုကြည့်ကာ
“ကိုကို...ဒါကဘာလဲ...”
“ခန့်မှန်းကြည့်လေ...”
“ကျွန်တော် မမှန်းတတ်ဘူး...”
မော့တိက သေတ္တာအား စူးစမ်းလိုက်သည့်အခါ လျှို့ဝှက်နံပါတ်ရှိနေကြောင်း တွေ့လိုက်ရသည်။
“ကိုကို...လျှို့ဝှက်နံပါတ်တောင်းနေတယ်...”
“အဲ့ဒါက ဂဏန်းလေးလုံးထဲရယ်...ဒီလောက်ဆိုရင် မင်းခန့်မှန်းလို့ ရမှာပါ...”
မုထျန်းဟန်က မော့တိအား ချစ်မြတ်နိုးဟန်ဖြင့် ကြည့်လိုက်သည်။
YOU ARE READING
ပြန်လည်မွေးဖွားလာသော အမြောက်ဇာတ်ကောင်
Romanceအရင် တင်နေတဲ့ post အဟောင်းလေးက တင်လို့မရတော့လို့ အခုအသစ်လေးမှာ ဖတ်ပေးကြပါနော်????❤️
