You're Still the One I Love (COMPLETED)

CHAPTER 5

CHAPTER 5: The neighbor

RAIZER JACK’s POV

PAGKATAPOS naming kumain kanina sa resto ay dinala na kami ni Kuya Ram sa bahay na binili niya para sa amin. Gusto rin namin na sa iisang bubong kami manirahan.

“Wow, ang laki ng bahay natin, ah,” komento ni Mazeke.

“Light green,” komento naman ni Milley.

“Mas maganda ’yong bahay ng bagong kapit-bahay natin,” Jersyn uttered.

Napatingin naman ako sa kabilang bahay. Isang mansion na nga iyon. White ang structure nito at may third floor din.

”Mansyon iyan ng may-ari ng buong subdivision,” sabi ni Kuya Ram.

“Tara na sa loob at nang makapagpahinga na kayo. Raizer, bukas ka na raw pumunta sa bahay natin may welcome party kayo na ihahanda iyon ni Mom,” sabi pa ni Kuya.

“Si Mommy talaga, nag-abala pang magpa-welcome party,” naiiling na sabi ko.

“Tiyak na pati ang parents ko,” natatawang saad naman ni Milley.

“Sa hotel magaganap ang welcome party ninyo at mga magulang natin ang nagplano no’n. Mamayang gabi sana kaso raw baka pagod kayo kaya tomorrow night gaganapin.”

Binuksan na ni kuya ang gate at pumasok na kami sa loob pero inilagay ko lang muna sa  living room ang mga bagahe ko.

“Kuya, maglalakad-lakad muna ako sa labas,” paalam ko.

“Ikaw ang bahala.”

Hindi ko alam kung bakit gusto kong lumabas. Para siguro lumanghap lang ng sariwang hangin sa labas. Nararamdaman ko pa rin naman ang jetlag.

QUINNA AMERA’s POV

“Mommy! Si Jacky po!” Napaigtad naman ako sa gulat nang marinig ko ang boses ng anak kong babae. Napabuntong-hininga na lamangako at binitawan ang mga plato.

Nagtungo ako sa living room dahil nandoon silang lahat. “Jacky ang tigas talaga ng ulo mo, eh ’no? Kailan ka ba magiging behave, anak?” nakapamaywang na tanong ko.

“Mommy, wala po akong ginagawa. Nanonood po ako ng TV, eh,” sagot niya at nakatutok nga lang siya sa TV. Tiningnan ko iyong pinapanood niya. Imbis na cartoon ang panoorin ay mga piloto at eroplano pa ang pinapanood niya.

”Quinne, busy si Mommy sa kitchen, kaya huwag kang sumigaw, baby,” sabi ko.

“Si Jacky po kasi, Mommy eh. Naglalaro lang po ako ng barbie rito sa seats ko nang bigla-bigla niya po akong kukurutin sa braso ko po,” naiiyak na sumbong niya sa akin at ipinakita pa niya ang namumula niyang mga braso.

“Jacky, anak. Huwag mo namang kukurutin sa braso niya ang kapatid mo. Nag-iisang babaeng kapatid mo lang ang Ate Quinne mo. Don’t do that, baby. Hindi dapat nananakit ang mga batang lalaking katulad mo, Jacky,” pangangaral ko sa kanya at mataman kong tiningnan ang mukha niya.

“Ayaw niya po kasing manood kasama ko, Mommy, eh,” he reasoned out.

“Baka insecure ka sa ate mo kasi may barbie siya tapos ikaw namn ay wala,” pagbibiro ko sa kanya at hinaplos ko naman ang braso ni Quinne.

“Yuck, Mom!” sigaw ni Jacky.

“See, baby? Bakla na si Jacky, right?” natatawang sambit ko pa.

“Mommy naman, eh!” Quinne giggled dahil sa sigaw ng kapatid niya.

"Just stay here and play with your barbie, okay baby?” tanong ko at nag-nod lang siya sa akin.  Hinalikan ko pa ang noo niya saka ako tumayo.

Tatalikod na sana ako nang mapalingon ako at nakita ko naman ang maliit na kamay ni Jacky na papunta na sa maliliit na braso ng kapatid niya. Ang kulit talaga ng batang ito, eh.