#عذاب_بريء الحلقة 8
للكاتبة فاطمة العبيدي 🔥
.
اللهم صلِّ ع نبينا محمد❤️.
.
لايك قبل ماتقرا/ي❤️
.
نور : قاطعتها... خلاص ماما! انا كويسة روحي تريحي
سناء : خلاص نعيمة هيا بروحها قالتلك كويسة
نعيمة : ديري بالك ع روحك تمام؟
مهند : اطمني انا ااء قصدي نحنا معاها مستحيل تحاول تنتحر من جديد والا ح نقتلها انا بروحي😂
أيهم : ف عقلة... اصبر علي بس توا نوريك
نور : 😂😂لا مستحيل يتكرر الشي هضا وخصوصًا بعد ما صدقتوني شنو نبي احسن من هكي
نعيمة : ردي بالك باهي؟؟
نور : ابتسمت..حاضر
نعيمة وسناء طلعن
عادل : وسام دير بالك ع اختك
وسام : تمام اطمن
مهند : شاف ل عمة حسن بمعنى قولة
حسن : ااء عادل توا تروحوا معانا للحوش ونحكيلك موضوع
عادل : تمام..وطلعوا هما الاثنين اما أيهم شاف نضرة اخيرة ل مهند وطلع
وسام : مهند!
مهند : ها
وسام : كيف عرفت انت؟
مهند : كنت مع سيف وسمعتهم
وسام : اهااا
مهند : صبا ..انا بننزل نجيب مية تبو حاجة؟
وسام : لا منور
مهند : طلع للكافيتيريا المستشفى
_
مالك : انت شنو تبي منها البنت؟
المجهول : موضوع ولازم ينحل
مالك : يحاول يعرف شنو هوا الموضوع .. موضوع زي شنو ؟ يعني شنو في بينك وبين ماريا
المجهول : تعرف بعدين .. بس انت لما تتحالف معاها جيبها لي ونعطيك يلي تبيه
مالك : تم .. وابتسم بخبث
اما ماريا راقدة ومش جايبة ع الدنيا علم .. وعمر قاعد يتمعشق ف اتصالاتة😂❤️
🔥 رِوايـــات فــاطـمــة العـــبيـدي 🔥
مهند خش للغرفة وعطاهم مية وقعمز اما وسام في عالم بروحه يلعب ببجي
مهند : يبي يفتح موضوع ... ااء كيف فكرتي هكي اديري هكي ب عقلك انتي؟
نور : رفعت عيونها ..شنو تتوقع مني اندير ؟ كيف تبيني نتحمل يلي ينقال عليا ؟ كيف تبيني نتحمل نشوف بابا راسة فالارض بسببي؟
مهند : قرب منها وعيونة ع وسام يلي كان لاهي ويلعب... م فكرتيش شن ح يصير فينا لو متي؟
نور : تشوفلة وساكتة
مهند : قرب اخرى .. تكلمي مافكرتيش شن ح يصير فيا انا؟
نور : توترت وخدودها حمر ... ااء عع عليش شنو كان ح يصير فيك؟
مهند : اااء .. وفز بفزع لما سمع صوت وسام عالي
وسام : اسعفنييييي اسعفنييييي الزون قريب
مهند : ياكلب وطي صوتك خلعتنا راك قاعد في مستشفى
وسام : وووه عليا قريب نموووت
نور : معقولة تلعب ببجي وجوك تمام واختك قبل ماتت
وسام : توا انتي ميتة؟
نور : هههه لا لا
وسام : خلاص امالا بلادراما وخليني نكمل لعبتي
نور : ههه 😂 بارد
مهند : يشوفلها
نور : توترت .. و وسام
وسام : ها
نور : انا اختك يلي غالية عليك وقبل متت جيبلي حاجة ناكلها جعانة🥺
وسام : 😑مش فاضي وانا مش جعان وبعدين زعمتي كبدي ع هالموتة يلي قبل متيها
نور : به ياوسام توا تشوف
وسام : م صارش من الانتحار موتي من الجوع
نور : بارد😒
مهند : صبا.. خاطرك في حاجة؟
وسام : وهوا يلعب ... اووو اهو صبا الحنين توا يجيب
نور : توترت زيادة .. اااء ااء لا لا مانبي شي غير كنت نبصر ع وسام
وسام : عليش الكذب بالله
نور : فنصت فيه
مهند : شوي ونجي .. طلع
عادل : شنو فيه
حسن : عشان الناس تسكت ومعش تحكي ف قصة نور في حل واحد انديروه
عادل : يلي هوا؟
حسن : نجوزوها
عادل : هه من يلي بيتقدملها بعد الناس كلها تحكي عليها
حسن : تجوز واحد من العيلة
عادل : مستحيل نغصب حد عليها وانا مستعد نطلع برا المدينة ولا نغصبها ع واحد ماتبيش
حسن : من ناحية نور مش عارف لو ح توافق او لا بس مهند موافق
عادل : استغرب ... كيف؟
حسن : اليوم كلمني ع نور وقال ان بيتجوزها لان يبيها من زمان
عادل : هوا من قبل طلبها مني كم مرة م توقعتش ان لتوا يبيها
حسن : وقال ناخذها باش نسكت الناس ومعش تتكلم عليها
عادل : تمام بس لو نور رفضت من ح نضغط عليها
حسن : تمام
مهند روح للحوش دار دوش خفيف وطلع وهوا لابس ومنضم روحة
ناجية : وين ماشي ؟
مهند : للمستشفى
ناجية : م تقوليش ماشي لهذيكا العقربة يلي مش متربية
مهند : تنهد اول شي ماتقوليش عليها مش متربية وثاني شي اها ماشيلها عندك مانع؟
ناجية : ماشي تطمن عليها حتى بعد يلي داراتة ووطت روسنا ؟
مهند : امي معش تحكي عليها هكي انا حاس ان القصة كذب كلها
ناجية : مش كذب وكل شي واضح فالصورة البنت الفاشلة الخامرة م تحاولش انك تقرب منها فاهم
مهند : امي البنت انا نب...قطعاتة
ناجية : يلي عندي قلتة رد بالك مهند
مهند : طلع من الحوش وهو فاصل من امه ركب سيارتة ويجيه تلفون من نعيمة
مهند : الو
نعيمة : اهلين مهند
مهند : اهلين عمتي في حاجة؟
نعيمة : لا بس كنت نرن ع وسام ومانحصلش فيه بنطمن ع نور
مهند : نور كويسة م تخافيش عليها واكيدة وسام يلعب ويعطي فيك مشغول
نعيمة : دير بالك عليها سلم ولدي عارفة وسام م يفرغش السر
مهند : اطمني م تخافيش
نعيمة : تعال خوذ عشاء اكيدة مش واكلين شي
مهند : توا نجيب من المطعم
نعيمة : ياوليدي فكك من وكال المطاعم وراجيني ربع ساعة نوتيلك العشاء
مهند : لا واللهِ مستعجل
نعيمة : به بالسلامة
مهند : مع السلامة .. وصكر الخط
طق طق
نور : حطت الوشاح ع راسها ... تفضل
مهند : خش وفي ايدا الوكال .. طولت عليكم؟
وسام : لا واللهي ف وقتة
مهند : مش لك العشاء
وسام : امالا ل من؟ حرام عليك جعان
مهند : من بدري تقولك اختك جيب وماتبيش توا طلعت جعان؟
وسام : مد يدا ع الوكال ...توا غير جعت
مهند : ضربة ع يدا ..قلت لا يعني لا
وسام : بلاش 😒
مهند : حط قدام نور .. انتي كولي من الصبح م كليتي شي
وسام :🙄
اما نور حاسة ان مهند درهلها كبدها وتبيه يطلع بأي طريقة
مهند : حط قدامة بعدين حط قدام وسام ...اخرلك مرة
وسام : وااااالله انك منوووور😍و بدا ياكل
نور تاكل وتفكر في تصرفات مهند يلي زعمت كبدها لو كان هيا م تحبش ايهم راه فرحت بالاهتمام هضا بس هيا تحب ايهم ومش متقبلة مهند بكل
مهند : مرة مرة يشوفلها
نور : الحمدالله
مهند : م كليتي شي
نور : لا الحمدالله كليت وشكرا تعبناك معانا
مهند : مثبت عيونة عليها ...مفيش تعب
نور : ااء تقدر تمشي انت توا يقعد معاي وسام
وسام : وانا نكلم باتي يقعد معاك نقاني مليت بالجو بكل
مهند : وساام تقدر تمشي لو عندك مشوار ونور نقعد معاها نا
نور : انصدمت... اااء لا خليك وسام
مهند : يشوف ل نور ويحكي مع وسام.. لو عندك حاجة تبي اديرها امشي وبعدين تعال م اطولش
وسام : وربي مافي منك انت ..شاف ل نور .. بالسلامة يأختاه.. وطلع
نور : ارتبكت ووطت عيونها.. ااء انا انا نعست بنرقد
مهند : جاب كرسي وقعمز جنبها ويشوف للارض... ليش تتهربي مني؟ عليش رفضتي نقعدوا بروحنا
نور : تبي تتهرب من الاجابة...وبصوت خفيف دوبة ينسمع ..لانة حرام🥺
مهند : شافلها .. نور
نور : تشوفله
مهند : تنهد .. نحبك...يتبع
أنت تقرأ
عذاب بريء
Mystery / Thrillerرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
