#انتقام_بريء الحلقة2 الجزء الثاني من رواية #عذاب_بريء
للكاتبة فاطمة العَبيدِي 🔥
.
هبة : بصدمة ..يعني هضا كلة صاير معاك؟
نور هزت راسها
هبة : به وشنو بديري توا؟
نور : بنفس نضرة ماريا بالزبط نضرة حقد وشر 🔥..نبي ندير شي واحد بس يلي هوا الانتقام !!
هبة : شنووو؟
ماريا : شافتلة بعيونها المدمعات...مالك!
مالك : عيونة
ماريا : بنضرة حادة...نبي سلاح!
مالك : بأستغراب...ليش؟
ماريا : بنضرة حقد وشرر ..نبي ننتقم!!🔥
مالك : شنو تحكي انتي ؟؟
نور : زي ماسمعتي
هبة : نور اهدي مش هكي تنحل الامور
ماريا : زي ما سمعت ح ننتقم ل عمر
مالك : غير هني روحك تبيهم يقتلوك تبي تموتي؟؟؟؟
نور : هبة افهميني هما دمروني!! انضربت طريحة قبل متت بسببهم صوروني مع شاب لانعرفة ولايعرفني واشوهت سمعتي وقبل انتحرت بس فاللحظات الاخيرة نقذوني وفالاخييييير يلعبن عليا بنات عمي ويخلني نطلع لشاب ويغتصبني وبابا مات من السبب هضا وضربوني من جديد وجرحن جسمي ودخلوني مصحة نفسية ..سنة كاملة بعيدة عن امي وخوي هضا كلة وتبيني نسكتت؟
مستحيللللل
ماريا : دموعها نزلوا...مالك افهمني قتلوا عمررر قدام عيووني قتلوه وهوا كان يحاول يحميني مستحيللل نسكت مستحيلللل
هبة : مسكت يدها...اسفة نور
نور : ع شنو؟
هبة : لاني ما كنتش معاك وقت يلي كنتي تبي حد يصدقك ويوقف معاك
نور : عادي هبة ماكنتيش تعرفي
هبة : به في شنو تبيني نساعدك؟
نور : يعني اكيدة انا مش ح نمشيلهم هكي نبي نكون قوية ونقدر نواجهم
هبة : تمام امالا اسمعيني شنو ح نديروا......
مالك : لا مستحيل مستحيل نفرط فيك ونخليهم يقتلوك
ماريا : بعصبية وصوت عالي...نبييييي نموت انا نبي نمووووت عليش قاعدة عايشة اصلااااااا ماعندي حد فالدنيا عليش نبي نعيييييش؟
مالك : قربها منا وعيونة فعيونها وتكلم بحدة...انا شنووو ماريا ها؟ بالنسبة ليك شنوووو
ماريا تشوفلة وساكتة
مالك : جاوبي!
ماريا : بتردد وعيونها دموع...ولاشي
مالك : بعد من عليها ويشوفلها...ولاشيييي؟؟ يعني انا مانهمك في شييييي؟
ماريا سكتت وقلبها واجعها💔💔💔
مالك : تمام بكللل...وطلع
اما ماريا ردت تبكي من جديد💔
كل تفكيرها انها تنتقم وما تحاولش حتى تفكر في روحها بس السؤال هنا ح يخليها مالك؟
--
رِوايـــات الكاتبة فــاطـمــة العـــبيـدي
المجهول : انت كيف تفهمم ها كيف؟ قتلك اقتل البنت مش يلي معاها
الشاب : انا كنت بنقتلها هيا بس دافع عليها وجا قدامها عشان هكي الرصاصة جت فيه
المجهول : قرب منا وبعصبية...ماريا لاززم تموت فاهم لاززم تموووت
الشاب : تمام بس الايام هذي مش ح نقدر ندير شي مالك معاها ومش مخليها دقيقة بروحها
المجهول : خبط ع الطاولة بعصبية...شنو قصة مااااالك شنو يحاول يديرررر هضا
الشاب : مشعارف بس ممكن يبيها البنت ويحبها؟
المجهول : شنو يبيها انت الاخر اما حب يلي تحكي عليه
الشاب : المهم حاليًا مش ح نقدر ندير شي بس خلي الفلوس واتيات في اي لحظة تجيك مكالمة تقولك ع موتها..وطلع
المجهول : ولع الدخان وصبا ع الروشن...لازم تموتي ياماريا قبل ماتكتشفي الحقيقة ويخرب كل شي
أنت تقرأ
عذاب بريء
Misterio / Suspensoرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
