#عذاب_بريء الحلقة 2 🔥
للكاتــبــة فاطــمـــة العبــٰيـــدي
.
.
الساعة11 فالليل 🌙✨
نص العيلة رورحوا لي حواشينهم الا نحنا وعيت عمي محمد
ابتهال : نوووور تعالي تبيك ماما
نور : اففف....ومشت..نعم ؟
سالمة : بنحكي معاك بموضوع يلي قالتة ليا مروة
نور : مبتسمة بطريقة مستفزة...تفضلي احكي
سالمة : الشي يلي يصير بين سلمى ووسام غلط ونبي نسئل لو شفت......قاطعتها نور
نور : م شفت شي ولا في موضوع غلط قلت يحكوا مع بعض وياريت تصكري ع القصة
سالمة : بس انا بنسئل سلمى
نور : عضت ع فمها بعصبية .. اسئلي عادي اسئلي ع اساس كان قتلك لا يعني مش ح تسئليها
سالمة : وبنحكي لأمك
نور : جت ع امي يعني؟ احكي 😒
سالمة: تمام
نور : بس خاطي هكي ياريت ماتقولي لحد
سالمة : ان شاء الله.. وطلعت هيا وبناتها
نور : زي بناتك تمام تمام مش ح نحكوا بعدين نلقى القصة ع قناة الحدث ....طلعت وقفت عند الباب يلي برا وشافت كيف سالمة تحكي مع امها والعويل لصغار يسمعوا فيهم الباين ان القصة بتكبر رح تشهدر ان شاء الله خير
قصة تافه قعدت مشكلة كبيرة🤦🏻♀️.
عادل ركب سيارتة وقعد يراجي بس لما طولوا قعد يكلكس
نور : ركبت السيارة
عادل : وين أمك؟
نور : تشوفلهن من عند الروشن .. تحكي مع سالمة
عادل : شنو تحكي
نور : مشعارفة
عادل : وسام
وسام : ها
عادل : انزل كلم أمك
وسام : تمام .. نزل كلمها ورد ركب وهن مزالن يحكن
وبابا خلاص مايحبش يراجي عصب وقعد يكلكس
نعيمة : تمام توا نقول ل وسام بس خلي الموضوع بيناتنا
سالمة : لاتمام ماتخافيش
نعيمة : عادل يراجي من بدري اكيدة فاصل بالسلامة عاد
سالمة : بالسلامة
نعيمة : ركبت السيارة
عادل : متنرفز .. تييي وين هضا كلة من بدري وانا نراجي
نعيمة : اههَو خذتنا الهدرزة
عادل : توا غير خطرت عليكن الهدرزة من بدري وجوكن في وجوه بعضكن ما.... وكمل يعود فالسيناريو🙂
وصلنا ل حوشنا وبابا خش يدوش وماما هزبت وسام وحصلت حتى انا هزيبة قالتلي ليش ماقلتيليش انا من الاول انا حسيتها قصة تافه شن ح يصير اصلا ؟؟؟ولاشي
🔥رِوايــــات فاطــمـــة العبــٰيـــدي🔥
مر اسبوع هادي مفيش اي أحداث لين جا يوم بابا كان فالشغل ووسام فالمحل وقعدنا انا وماما فالحوش
ترن ترن
نور : شفت للتلفون لقيتها سناء مرت عمي حسن مشيت عطيت التلفون ل ماما وقعدت نسمع
نعيمة : والله الحمدالله شخباركم انتو وشخبار حسن .....لا تمام نحنا بخير ..... حالنا حال الكساد
نور : تشوف ل أمها كيف تعصبت مرة وحدة
نعيمة : شافت ل نور ... غير اصبري سناء نفهمك الموضوع
نور : ماتمسك شي في بطنها 🤦🏻♀️
نعيمة : الو سناء مانسمعش فيك اصبري لين نقعد فالتغطية .... ومشت للمربوعة
نور : قعمزت ونفكر ... زعما القصة التافه هاذي تقعد قصة كبيرة ومشكلة؟ لا مستحيللللل ..بس ليش سناء رنت ع ماما وتحكي معاها فالموضوع؟
أنت تقرأ
عذاب بريء
Misterio / Suspensoرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
