عذاب بريء

#عذاب_بريء الحلقة12

#عذاب_بريء الحلقة 12
للكاتبة فاطمة العَبيدِي
..
عادل : نعيييييييمة قلت خلااااااص البنت وافقت وبكرا بنحكي مع مهند
نعيمة سكتت وهيا محروقة
نور : كنت نحمد في ربي ان ليل و ماحد انتبهلي لان عيوني كانوا شلااال دموووع وحاسة قلبي محررررررروووق💔
___
ماريا : كنت مقعمزة ونفكر..توا الساعة1 وعمر مش باين وتلفونة مصكر💔حاسة روحي مش مطمنة اول مرة يختفي هكي
-
طق طق
ماريا: خشش
مالك : خش ومعاه وجبة من المطعم...الناس يقولوا تفضل ولا ادخل مش خش؟؟!
ماريا : هوا انت مزلت هنا مش قتلك عدي
مالك : حط الوكال قدامها.. كولي كولي وانتي حتى الرصاصة يلي حصلتيها مش مأثرة فيك
ماريا : مانبيش ناكل
مالك : بلا تصكيرة راس وكولي
ماريا : بعدت الاكل وتحكي ببطىء...ق ل ت م ن ب ي ش
مالك : قعمز قدامها ع السرير وخذا الكشيك وعباه... وانا قلت كولي افتحي فمك هي
ماريا : التفتت للجيه الاخرى.. لا
مالك : بصووت عااااالييييي وفنص فيها...ماااااااريا
ماريا : انخلعت
مالك : افتحي فمك
ماريا : فتحت فمها ومالك وكلها
مالك: عبى الكشيك..ناس ماتجي الا بالعين الحمرة
ماريا: 😒فتحت فمها وتاكل بالغصب..واستمر هكي لين كمل وطبعاً فمها تفتحه بعد كم هزيبة وعياط🤦🏻‍♀️

ماريا : مسحت فمها.. امتى بنطلع
مالك : مش عارف ممكن تقعدي يومين اخرى
ماريا : مستحييييل...امشي قوللهم توا يديرولي خروج
مالك : غير اهدي بلا اهبال
ماريا : نزلت من السرير بشوية وحاطة يدها ع الجرح وتتوجع...امالا توا نمشي نقوللهم انا
مالك : مسكها من ايدها..ماريا بلاهبال وردي للسرير لكي كم ساعة بس طالعة من العملية
ماريا : فكت يدها منا وتمشي بشوي شوي...معش تقربني قتلك امشي وماتبيش خلاص نمشي بروحي امالا
مالك : راك اطيحي ع فمك بس
ماريا : خطمت من جنبة وفنصت فيه وهيا تمشي بشوية
مالك : تستور تفنيصتك زي تفنيصة صاحبي ماتقولش بنت ازح
ماريا : تعصبت وسرعت خطواتها.. زاد عليها الوجع وخلاص بطيح يتلقاها مالك❤️.

مالك : سارح فيها وفي شعرها يلي طايح ع وجها...عصبية وادرهي الكبد بس سمحة ✨
ماريا : كانت تشوفلة ومركزة فيه بعدين وعت ع روحها ودفاتة وخدودها حمر من الكلام يلي قالة...مرة اخرى خليني انطيح
مالك : حرام فيك أصلًا
ماريا : طلعت وسيباتة وتتمشى وهيا متكية ع الحيط
مالك : يمشي وراها بشوية
ماريا : خلاص مالك بطل تلحقني
مالك : م نلحقش فيك لكن ماشي في نفس الطريق يلي انتي ماشية فيها فقط لا غير
ماريا : 😒 صدقتك
مالك : مزلتي مصكرة راسك تبي تطلعي؟
ماريا : اكيد... خشت ل مكتب الدكتور و ماطلعتش الا ومعاها ورقة الخروج
مالك : به وين بتمشي توا؟
ماريا : ل حوشي
مالك : كيف بتمشيلة وهوا متهدم كلة ع بعضة
ماريا شافتلة بصدمة
مالك : بلا جو قتلك من بدري ان حوشك راح فيها
ماريا : كنت نحسابة مكسر ولا حاجة زي هكي مش مهدم😨
مالك : وين تبي تمشي توا؟
ماريا : نبي نمشي نشوفة
مالك : ماعندك ماتشوفي فيه
ماريا مشت طالعة
مالك : هييي وين بتمشي حتى سيارة م عندك
ماريا : ناخذ تاكسي
مالك : عض ع فمة بعصبية... تاكسي شنو يا خرا في هالليل؟
ماريا : مكملة تمشي ومخلياتة يحكي لين طلعت برا المستشفى ووقفت بتاخذ تاكسي