#عذاب_بريء الحلقة13
✨لــلــكــاتــبــة فــاطِــمــة الــعَــبــيــدي✨
-
ناجية : انا نقول يلي نبي نقولة وانت نور منكش واخ...قاطعتها سلمى
سلمى : مهند بكرا توا نمشو انا وامي نخطبوها لك وامي خليها علي توا نقنعها
مهند : والله مافي منك انتي..وطلع فرحان
ناجية : تي شنو قلتي انتي من قالك ح نوافق عليها العقربة هذك
سلمى : مبتسمة بخبث..ح توافقي وتمشيلها وانتي فرحانة اخرى
ناجية : شنو يدور في راسك انتي
سلمى : تعالي نقولك...
-
❤️🔥رِوايـــات فــاطـمــة العـــبيـدي❤️🔥
-
ماريا نضت وانا مستغربة المكان بعدين اذكرت شنو صار💔
طقطق
ماريا : خش
مالك : صباح الخير
ماريا : صباح النور
مالك : انزلي افطري
ماريا : م عنديش نية
مالك :🤦🏻♂️ضروري السيناريو ينعاد يعني؟ ح تاكلي غصباً عنك
ماريا : افف مالك خليني ع راحتي
مالك : لو نخليك ع راحتك ح تموتي صبي هي
ماريا : صبت..حتى انت مش ساهل تصكر راسك خلاص
مالك : ابتسم...رن تلفونة شاف الاسم وجه تغير...ماريا انتي انزلي وتوا نلحقك
ماريا : تمام...ونزلت
مالك رد ع التلفون
المجهول : ها شنو ؟ سمعت البنت قاعدة عندك جيبها ليا اليوم
مالك : تنهد ..لا
المجهول : كيففف؟
مالك : ما كيفش البنت معاي ومش ح نسلمها لك
المجهول : عصب...شنو قاعد تقووول مالك😡؟ والاتفاااق
مالك : الاتفاق قعمز عليه معش متفق معاك
المجهول : ح تندم يامالك و ح نقلب الطاولة عليك وتوا تشوف البنت ح نصولها ح نوصلها
مالك : اعلى ما في خيلك اركبة...صكر الخط وتنهد بعمق ونزل
ماريا : شنو في؟ في حاجة ع عمر
مالك : لا
ماريا : تنهدت
مالك : ح نلقوه
ماريا : هزت براسها
بعد الفطور مشا اليوم عاددي وممل ومرة مرة عراكات مع مالك عشان ناخذ الدواء وناكل لين جا الليل طحت رقدت
نور خالاتي وعمتي والبنات بيتين عندنا عشان يساعدن ماما بكرا💁🏻♀️عليش يساعدن ماما بكرا شنو فيه؟
عشان بكرا بننخطب🙃ومن يلي يبي يخطبني؟
مهند ! مهند راه مش ايهم 💔؟!!
انا اصلا مستغربة كيف مهند قنع امة كان عندي امل ان ناجية تفركس الخطبة وتقول لا بس كل شي جا ضدي للأسف💔
✨رِوايـــات فــاطـمــة العـــبيـدي✨
اليوم-الثاني 🔥:-
نور وعتني ماما من الساعة 10وحتى هيا مش راضية بس الله غالب💔من صبح ربي واعيين كلنا
خالتي هنادي توصي ع حاجات من النت وخالتي كوثر وماما حايسات فالكوجينة وعمتي والبنات مستلمات الحوش وانا اليوم كلة سارحة تجي ماما تهزب وتقولي سرعي روحك ونقعد نشتغل بعدين نرد نسرح من جديد
الساعة5 العشية كنت قاعدة في داري واتية💔ونشوف للمرايا كنت لابسة قفطان ابيض بسيط فيه ازرار كبار باللون الاصفر الذهبي اكمامة لعند لوطى وطولة للركبة فتحت شعري وحطيت شوي مكياج واكسسورات بسيطة...صح كل شي بسسيط بس طلعت حلوة❤️
نسمع في فوضى برا ونسمع فيهم كيف يزغرطوا ويسلموا ويدخلوا في يلي جابوهم عيت عمي حمزة انا صكرت ذاني واتكيت ع الباب...
خلااااص لا انا ح نمشي نقول ل بابا مش موافقة معش نقدر
أنت تقرأ
عذاب بريء
Misterio / Suspensoرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
