#انتقام_بريء الحلقة3 الجزء الثاني من رواية #انتقام_بريء
للكاتبة فاطمة العَبيدِي✨
.
-
هبة : اهلا !
ماريا : صبت وسلمت عليها...اهلين هبة
هبة : كيف حالك؟
ماريا : تنهدت...نقولوا تمام
هبة : شنو يلي صار بعد المعركة هذك
ماريا : قولي شنو يلي مش صاير معاي
هبة : احسن حاجة ان نقعمزوا ونهدرزوا الباين ان قصتك طويلة
ماريا : ههه تمام...شافت ل نور... بس ااء منو يلي معاك؟
هبة : شافت ل نور بعدين شافت ل ماريا...ااء هذي نور اليوم كيف بدت تشتغل معاي
ماريا : مدت يدها...اهلين
نور : سلمت عليها...اهلين بيك
هبة : هي تعالن قعمزن
-
الحارس : وتوا مقعمزة مع بنتين بس وحدة منهن نعرفوها
مالك : منو؟
الحارس : هبه يحى
مالك : ف عقلة...امالا هذي يلي تعرفها اصلا من تبي تعرف خاطي الاشكال هذي...ومنو البنت الاخرى؟
الحارس : منعرفوهاش اول مرة نشوفها
مالك : تمام خليكم مفتحين عيونكم ومتخلوهاش تغيب عليكم دقيقة
الحارس : تمام
مالك : وماتخليش ذكر يقرب عليها رد بالك! والا وربي تكون نهايتكم ع يدي
الحارس : تم
مالك صكر ولوح التلفون ع الكنبة والدخان في فمة
معاذ : كيف تقوللها تمشي وماتبيش تشوف وجها وانت تراقب فيهاا وماتبيش ذكر يقرب منها؟؟
مالك : اول شي مش انا يلي قلتلها امشي هيا بروحها وثاني شي مدخلكش
معاذ : عيبب عليك معقولة تقول هكي لصاحبك؟
مالك ساكت ويدخن
معاذ : ماتبيش نقولي شنو تبي من البنت؟
مالك ساكت
معاذ : ماتبيش تجواب
مالك🙂
معاذ : براحتك يابرو بس لما تبي تحكي تلقاني قاعد انا صندوق اسرارك وشكاويك واحزانك
مالك يشوفلة بالنضرة هذ😒
معاذ : اااه تعرف لقاااني مليتتت لنم شنو رايك نطلعوا زردة بعدك خاطري في مثرودة🤤نعلي
مالك يشوفلة وساكت
معاذ : به خلاص عارف مش وقت زردة بس قلت نسألك ممكن توافق...سكت شوي...
به شنو رايك نطلعوا للكافي نغيروا جو؟
مالك : اطلع
معاذ : نعم
مالك : اطلع ماتسمعش؟
معاذ : عيب عليك تطرد صاحبك وصديقك واخوك وابو...قاطعة مالك
مالك : معااااذ اطلع مش فاضيلك
معاذ : تم بس زي ماقتلك لما تبي تحكي قاعد...وطلع
✨رِوايـــات الكاتبة فــاطـمــة العـــبيـدي✨
بعد_ثلاث_شهورر🔥✨
نور بدت شغلها وخلال شهرين تعلمت وقدرت تحقق ارباح🔥وقدرت تتعلم كيف تضرب بالاسلاح بمهارة💪🏻وكملت قرايتها
وماريا زيها لانها خبرة هيا وهبة بدو يتعاملن مع اكبر المافيات فالبلاد
واكثر مازادت صحبتهن وعلاقتهن ببعض زي الخوات❤️.
__
ماريا : كنت مانبيش نشتغل الشغل هاذا بعد ما قالي عمر ان نقعدوا نشتغلوا بالحلال
بس انا نبي ننتقم من زعيم مافيا!! وضروري نشتغل الشغل هاذا
نور : نبي نطلع للسوق اليوم
هبة : يابت حسك درهتي كبدي كل يوم فالسوق خلاص عاد
نور : تي خليني ازح الواحد ماصدق عاش حياتة
هبة: أشرت ل نور بمعنى ماريا كنها؟
ماريا : كنت سارحة نفكر ان جديات مالك خلاني بالسهولة هذي؟
ثلاث شهور ومااتصلش بيا ولا حتى دز مسج!!!
يعني كان كلامة كلة كذب ؟ كيف قدر يكذب بكل صدق هكي؟
بس نضراتة يلي كان فيهم الحب زعما حتى هن كذب؟
أنت تقرأ
عذاب بريء
Misteri / Thrillerرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
