عذاب بريء

#انتقام_بريء الحلقة11

#انتقام_بريء الحلقة11 الجزء الثاني من رواية #عذاب_بريء للكاتبة فاطمة العَبيدِي ✨
-
طق طق
نعيمة : نووور افتحي الباب اكيدة وساام
نور : افف ليش ماياخذ معاه المفتاح ضروري يتعبنا يعني...وفتحت الباب وانصدمت
ايهم : مرة اخرى توا نقول ل وسام ياخذ معاه المفتاح عشان مايتعبكش تمام؟
نور : شافتلة بعدين شافت لروحها كيف طالعة بشعرها وتوتة قصيرة...شنو تبي😳؟
ايهم : ولاشي جاي نشوفك ونسئلك كم سؤال
نعيمة : جتهم...اهلين ايهم كيف الحال؟
ايهم : يشوف ل نور...والله تمام كيف حالكم انتم وكيف حال وسام قاعد مختفي
نعيمة : تفنص في نور تبيها تخش تلبس حاجة طويلة وتغطي شعرها... والله وسام ديما فالمحل تفضل خش
ايهم: خش وخطم ع نور وغمزلها
نعيمة : همست ل نور...امشييي استررري روحك
نور مشت لبست وشاح وجاكة طويلة وخشت عليهم فالمربوعة
نعيمة : نور ديريلنا قهوة
ايهم : لا واللهِ مانبي شي بس معلش ياعمتي نبي نحكي موضوع مع نور بخصوص البنت يلي جت امس
نعيمة : اهااا
ايهم: يشوف ل نعيمة
نعيمة : شنو فيه؟ احكي
نور : شافت ل امها...ماما معليش تخلينا شوي
نعيمة : عليش؟ في حاجة مش عارفتها؟
نور : لا مش هكي بس يعني ايهم يبي يعرف كيف عرفت البنت وانا كنت فالمستشفى وهكي يعني وانا حكيتلك عاد
نعيمة : باهي احكوا قدامي عادي
ايهم🤦🏻‍♂️
نور : مامااا هيا حبيبتي
نعيمة : صبت...اااه ياركابي نمشي ندير قهوة...وطلعت وهيا تفنص في نور
نور : شافتلها وابتسمت ابتسامة صفرا😊...بعدين شافت ل ايهم...شنو في؟
ايهم : يشوفلها ومبتسم...زايدة حلاوة ع قبل
نور : اخدودها انحمرو...ايهمم تحشم
ايهم : نور اليوم يلي شفتك فيه كان زي الحلم! الليل مرقدتاش وانا نفكر فيك
نور : بس انت خاطب 💔؟
ايهم : وفسخت شنو الموضوع؟
نور تشوفلة وساكتة🥺
ايهم : قرب منها ويتكلم بهدووء...بعدين تقدري تمشي معاي؟
نور : وين؟
ايهم : مكان وخلاص ح تمشي ولا لا؟
نور سكتت
ايهم : مش حاطة فيا ثقة؟
نور : لا مش هكي.. بس!
ايهم : لابس ولاشي بعدين وتي روحك ولما نتصل بيك معناتها اطلعيلي
نور : وامي؟
ايهم : دبري اي كذبة
نور : توا نشوف
ايهم : سمع خطوات جاية من بعيد رد قعمز فمكانة

نعيمة مدتلة القهوة
ايهم : منورة عمتي
نعيمة : النور نورك وليدي
نور : احم ااء امي
نعيمة : ها بنتي
نور : شنو رايك تمشي تكسدي عند خالتي هنادي بعدين
نعيمة : ايه والله فكرة سمحة بعدين خالتك رايفت عليك
نور : لا انا مش ح نمشي
نعيمة : ليش؟
نور : ااء اء نن نبي نمشي ل هبه
نعيمة : مش ضروري اليوم
نور : لا ضروري واعدتها خلاص ومرات نطول عندها وانتي ماتقعديش فالحوش بروحك فلهذا قولي ل وسام يوصلك
نعيمة : به يصير خير
نور شافت ل ايهم وهوا غمزلها
ايهم : ماتبوا شي
نعيمة : سلامتك وليدي
ايهم طلع وهوا يشوف ل نور ونور تشوفلة❤️.
ونعيمة زي الاطرش فالزفة😂

مالك : نبي نجي نخطبك بالجو بكل معش قادر نصبر
ماريا : مش وقتها وراس حبيبي خلي نديروا يلي في راسنا ان ونور بعدين ساهل
مالك : تي خطبة عادية يعني تقعدي قاعدة عندهم
ماريا : وراس حبيبي خليها شوي
مالك : اففف به لكن اكثر من شهر معش نراجي راه
ماريا : ابتسمت...تمام