#عذاب_بريء الحلقة 1 المقدمة
🔥للكاتبة فاطمة العَبيدِي🔥
.
.
في_2019
نور : بس واللهِ ما قلت هكي وربي قلت أنهم يحكوا بس ليش مفيش حد مصدقني.
سرور(عمتها) : بس الكلام يلي طلع ويقولوا فيه الناس ع لسانك غير هكي ..يقولوا حضنها وباسها وحاجات أكبر من هكي وحتى قالو ان نور قالت ان سلمى ااءء..
نور : الدموع في عيونها .. شنو؟ شن قالوا ؟
سرور : منزلة عيونها ... قالوا نور قالت ان سلمى مش بنت و...
نور : قاطعتها بصوت عالي وهيا تبكي ... خلاص خلاص والله ماقلت هكي وأقسم بالله ما قلت الكلام هضا .. عمتي صدقينيي😭
سرور : كيف تبيني نصدقك ..عطيني اي شيء يدل ع أنك م قلتيش الكلام هضا ..الناس كلها تقول أنك أنتي هكي قايلة
نور : بس....
سرور : قاطعتها.. اسكتي اسكتي بلاكذب ودموع تماسيح مشعارفة شن عندك فيها من مصلحة تشوهي سمعة البنت
نور : عمتي سلمى زي أختي وربي ماعندي مصلحة نأذيها وكلهم عارفين ان انا وسلمى زي الخوات من نحنا صغار مع بعضنا وتوا نبي ندير حاجة زي هكي؟ مش معقولة
سرور : يلي صار صار والكلام طلع ع البنت واشوهت سمعتها قبل أحمد بيجي يخطبها بس يلي درتيه خرب عليها
نعيمة(أم نور) : سرور ... بنتي حكتلي كل حاجة لو فعلاً قايلة كلام زي هضا راه اعترفت وانتهت القصة
سرور : شافتلها ... يصير خير توا وياريت بنتك معش تحكي اي حاجة وتخرب ع بنات الناس
نور : نحلف ع المصحف أني ماقلت الكلام هضا
سرور : صبت ... تحسابوا الحلف ع الكذب ساهل ههه
نور : عمتييييييي😭..صدقيني
سرور : أنا بنمشي فرج(راجلها)يراجي فيا برا من بدري ..وطلعت
نور : مش قتلك يام مش قتلك ح تجي ع راسي😭
نعيمة : بس أنتي ماقلتيش شي غلط
نور : تشهق من البكاء ...عارفة أني ماقلت شي غلط بس توا الناس مطلعة الغلط فيا واني بنخرب ع بنت عمي ...من بيصدق😭
نعيمة : ربي شايف وسامع كل شيء ح ياخذلك حقك ان شاء الله
نور : ياربي ساعدني يارب😭
نعيمة : شافت ل بنتها وواجعتها
_____________________________
🔥رِوايــــات فاطــمـــة الــعَــبــيــدِي 🔥
فِ_2020
الدكتورة : خشت ..سلام
نور : شافتلها وردت شافت للتلفزيون
الدكتورة : كيف حالك
نور : ماردتش
الدكتورة : أنا نجوى المسئولة ع علاجك
نور : ساكتة
الدكتورة : أسمك نور صاح؟
نور : هزت راسها بمعنى اهها
الدكتورة : اااء الواضح انك متعانيش من اي شيء والدليل ان حاطينك فالقسم هادا يعني يلي حالتهم عادية
نور : ماتكلمتش
الدكتورة : إنتي ليش هكي شن صاير معاك؟
نور : ساكتة وكانت حالتها متبهدلة وجها رايح فيها باهت والسواد يلي تحت عيونها مغطي ع لونهم وجمالهن وفمها مشقق وابيضض وجسمها كلة مجرح حالتها لاتوصف
الدكتورة : ليش ماتحكيش؟
نور : بصوت هاددددي .. شنو بنحكي؟
الدكتورة : شن صاير معاك ومن يلي دار فيك هكي ؟
نور : شافتها وبنفس صوتها الهادي .. وليش تبي تعرفي هضا كلة؟
الدكتورة : ابتسمتلها عشان تحس براحة ... عشان نساعدك
نور : تساعديني؟
الدكتورة : اي ولو ماتعاني من شي ح تطلعي
نور : نطلع ؟
الدكتور : اي اكيد
نور : سكتت
الدكتورة : تحايل عليها عشان تستجيب معاها.. واكيدة ح تاخذي حقك
نور : شافتلها بنضرة حادة ... ناخذ حقي؟ كيفف؟
الدكتورة : احكيلي قصتك وانا ح نساعدك تطلعي تمام؟
نور : سرحت فالماضي ..بس أنا قصتي طوويلة
الدكتورة : ونحنا شن ورانا؟
نور : شافتلها وبدت تحكي...بدت قصتي في2019 من لما كان عمري 17 سنة.......
أنت تقرأ
عذاب بريء
Mistero / Thrillerرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
