عذاب بريء

#انتقام_بريء الحلقة9

#انتقام_بريء الحلقة9 الجزء الثاني من رواية #عذاب_بريء
لــلــكــاتــبــة فــاطِــمــة الــعَــبــيــدِي 🔥
.
نور : صبت ومدت يدها وهيا تتأمل فيه كانت تحضن فيه بعيونها... اهلين ااء ايهم🥺
ايهم : يشوفلها ويشوف ليدها وفي عقلة يقول هي؟؟لا مستحيييييل هيا ماتت؟؟ امالا منو هاذي؟
شاف للعيلة لقاهم كلهم يشوفولة ومستغربين ليش ماسلم عليها؟ شاف ل بوه ولقاه مبتسم هزلة براسة بمعنى ان...اها هيا..هيا نور❤️
ابتهال ونور يراقبوا بصمت وكانوا عارفين ايهم مش بس يحب نور لا كان يعشقها❤️‍🔥وتوا بعد ما كان فاقد الامل شافها؟
ايهم: مد يدا وسلم عليها وضغط ع يدها كان مش قادر يتكلم يشوفلها وبس
نور: ابتسمت وتبي تسحب يدها بس كان ماسكها ايهم وشاد عليها كوويس

اما ايهم كان يشوفلها وخاطرة يحضنها كان مرايف عليها مرايف لعيونها🥺✨✨
نور: تبي تسحب يدها من جديد بس ما طلقهاش وانتبهت ان يلي فالصالة كلهم استغربوا وقعدوا يشوفولهم
ايهم: استوعب ان له قريب عشر دقايق ماسك يدها وماطلقهاش وكلهم يشوفولة طلق يدها وكمل يشوفلها وقال بصوت هادي نص يلي فالصالة سمعوه والنص الاخر لا...
هاذا ويننننن تريح قلبي..لما عيوني تلاقن ف عيونك❤️✨.
نور انصدمت من كلامه وخدودها انحمروا يعني شنو ؟ يعني مزال يبيني؟
يلي سمعوه استغربوا هوا شنو يقصدد؟
ومهند يشوفلهم وحاقد عليهم🔥
مصطفى: شنو ماتبيش تقعمز ياايهم كلنا انصدمنا صاح بس مش هكي قاعد متنح في مكانك لاتحركت ولاشي
ايهم قعمز مقابلها يشوفلها ومبتسم وعيونه عليها طول الوقت 🥺✨

اما سناء كانت مركزة ع ايهم مش عارفة لو تفرحلة ان واخيرا ح تشوف ايهم زي زمان يعيش حياته زي اي واحد طبيعي
اما حسن كان يشوف لنور ومبتسم امانة خوه عادل الله يرحمه يلي مايحمل فيها شي روحت وتعهد بينة وبين روحة ح يحميها مهما كان!

نور : شافت ل ساعة يدها لقتها الساعة1 طلعت تلفونها من الشنطة ولقت عرررم اتصالات من امها وهبة وماريا..صبت...ااء انا تأخرت ع امي اكيدة انشغلت عليا
حسن : نوصلوك؟
نور : لا تسلم عمي الشوفير برا
سلمى : شوفييير؟
ناجية : بنات اخر زماااان🙄
حسن : صبا...انا مش ح نسئلك شنو قصة الشوفير هذي لأن انتي عارفة ان بناتنا لايركبن تاكسي ولاشوفيرات ومش ح نسئلك ع قصة الحرس المسلحين برا
ابتهال : حرس😳؟
سلمى : مسلحين😳؟
حسن : بس ياريت تفكي روحك من القصص هذي
نور : ابتسمت...حاضر عمي
ايهم: طلع قبلها للباب يلي برا
نور : اتبع فيه بعيونها...تبي حاجة عمي؟
حسن : ابتسم...لاردي بالك ع روحك بس
نور: هزت راسها وابتسمت وطلعت من الحوش وتبي تطلع من الباب يلي برا
بس شدها ايهم بقوة من مرفقها وقربها منا وهوا سارح فعيونها
نور: شافتلة والنفس بينقطع عليها وتكلمت بهدوء...شش شنو فيه؟
ايهم : تعرفي ان برجعتك هذي رديتي فيا الروح
نور : عيونها فعيونه
ايهم : نور انا انا ان...وقاطعة صوت حسن🤦🏻‍♀️
حسن : ايهم وصل معاك امك
ايهم بعد من عليها وشاف ل بووه
نور : ااء انا نبي نمشي...وتبي تركب السيارة يشدها ايهم من جديد
نور : ايهمم شنووو فيههه؟؟؟
ايهم : اركبي السيارة هذك...واشر ع سيارتة
نور : كيف؟
ايهم : زي ماسمعتي توا نوصلك انا
نور : بس ااء انا انا...قاطعها ايهم
ايهم : بصوت عالي شوي...نور اركبي سيارتي
نور شافت ل عمها تبيه يتكلم
حسن : ااء يابنتي حرراام يسوق بيك واحد مش محرم عليك ومفيش بيناتكم صلة قرابة عدي مع ايهم وتوا تمشي معاكم سناء
نور : ردت شافت ل ايهم...بس انا مانبيش نعتمد ع حد ومن يوم ماخليتوني وانا معتمدة ع روحي
ايهم : قرب شوي وتكلم بصوت واطي...مش ح نخليك مرة ثانية وهاذا وعد مني
نور توترت وقلبها يدق بقوة 💓
حسن : سلم بنتي اسمعي الكلام وخلي ايهم يوصلك
نور: نفخت بملل وتوجهت للشوفير والحرس خلتهم يمشوا
حسن : ركب سيارتة... انا ماشي شوي للمزرعة العامل يبي شوي حاجات نجيبهم له ونجي
سناء : تمام ربي معاك
نور ركبت مع ايهم وكانت تتأمل فيه قاعد زي ماهوا ماتغيرش بس لحيتة قاعدة كثيفة بس محليتة🥺والعضلات كيف طلعن؟؟ زعما يدرب في صالة؟؟ قاعد طرف ازح🤦🏻‍♀️