#عذاب_بريء الحلقة 10🔥
✨لــلــكــاتــبــة فــاطِــمــة الــعَــبــيــدِي✨
.
لايك ياحلوات❤️.
.
ماريا : ناضت وراسها بيطربق وكان في حد جنبها بس مش قادرة تشوفة كويس مزالت الصورة مضببة.. عع عمر
مالك : عمر قريب يوصل
ماريا : منو انت؟
مالك : صارلك الزهايمر وبسرعة م نسيتي
ماريا : وضحت الرؤيا شوي شوي وشافاتة.. انت شنو جابك هنا؟..قعدت تشوف للغرفة... اصلا انا وين ؟كيف جيت هنا؟
مالك : انا جبتك هنا
ماريا : عليش شنو صارلي؟
مالك : حط رجل ع رجل..فقدتي وعيك وبعد مادارولك التحاليل طلع عندك الكانسر للأسف
ماريا : 😨😨كيففففف؟
مالك : لو تشوفي وجك كيف قعد😂... نبصر فقر دم وهبوط وشكلك حتى محصلة برد
ماريا : ردت رقدت وتنهدت... ووووه قلبي وقف بصارتك زي وجك قاعدلي عمر هنا
مالك :صبا... انا بنمشي يلا ان شاء الله بالشفاء عمر قريب يوصل ...والتفت بيمشي وقف لما سمع ماريا
ماريا : مالك
مالك : التفت.. اها؟
ماريا : شكرا
مالك : ابتسم وقرب منها بخطوات بطيئة وطبس عليها..ولو العفو.. وطلع
عمر : داهش... وين ماريا؟
مالك : جوا
عمر : خش بسرعة.. شنو صارلك؟ كيف طحتي؟.. ماريا قتلك كم مرة نجيبلك دكتورة وكنتي ترفضي شوفي روحك توا قاعدة كيف
ماريا : انا كويسة عمر
عمر : تيييي قريب اغمى علي لما قاللولي انك قاعدة ف المستشفى ومعاك مالك اخرى نحسابة دارلك حاجة
ماريا : لا ما دار ش هوا يلي جابني هنا
عمر : شنو جيبة لكي؟
ماريا : نحكوا بعدين...توا المهم قوللهم بنطلع من هنا
عمر : اصبري لين تكمل التغذية
ماريا : فكت التغذية... وهكي كملت هيا قوللهم
عمر : اااخخ من عنادك.. وطلع للدكتور خلاه يديرلها خروج
ماريا : مقعمزة ع السرير وترفع في شعرها داراتة ذيل حصان بعد م كان مفتوح وكان شعرررها طوويل وناعم❤️✨.
عمر : خش.. تعرفي تقولي مانبيش ناخذ الادوية ياويلك ردي بالك
ماريا : ابتسمت بهزوة.. عليش ادوية ع فقر دم وشوية حرارة
عمر : اهاا ع فقر دم وشوية حرارة وح تاخذيهم 🙂
ماريا : مانبيش
عمر : عصب وعيط عليها.... علييييش هااااملة روحك هاااا؟ علييييش ؟ قاعدة تضري في روحك هكي راه
ماريا : راضية نضر روحي
عمر : فنص فيها وتكلم بعصبية... تبي تاخذي الادوية وغصبًا عنك وماتخلينيش نفصلللل عليك
ماريا : 😒
عمر :طلع وهوا ساند ماريا وركبها السيارة.. وبيركب حتى هوا بس شاف مالك مصبي بعيد شوي برا المستشفى ويدخن.. استغرب وركب السيارة ومشا
ماريا روحت للحوش وتمددت ع السرير ويتصل منير🤦🏻♀️
هوا مزال حي بعد الطريحة يلي خذاها ع الاقل يقعد ف غيبوبة ازح نفتك منا شوي حطيتة حظر زي كل مرة
عمر : خش.. شنو حاسة روحك توا؟
ماريا : كويسة
عمر : به الحمدالله
ماريا : شنو معش سمعت شي
عمر : لا
ماريا : شافتلة وابتسمت.. خفت عليا؟
عمر : لا
ماريا : والله؟
عمر : ضحك ولف يدا ع كتافها... قريب متت مش غير خفت عليك
ماريا : لو صار فيا شي اكبر من هكي شنو كنت ح ادير
عمر : ماتفاوليش ع روحك ان شاء الله مايصيبك الا كل خير
ماريا : تصدق؟ حسيت ب شعور حلو لما نضت ولقيت مالك جنبي بعدين جيت انت وكنت خايف علي حسيت ان انا مش بروحي ف الدنيا
عمر : الحمدالله يلي مالك طلع واحد كويس و ما خلكش طايحة بين الخدم والحرس وطلع وما خلكش ف المستشفى بروحك لين جيت
ماريا : تنهدت وحطت جمتها يلي طايحة ع وجها وراء وذنها... به فيه الخير
عمر : حتى بعد م طلعنا كان قاعد برا.. بملامح تفكير.. كأن يبالغ شوي قعد معاك ودافع عليك من منير ويجيبلك في معلومات ع العصابات الثانية..
شاف ل ماريا ..كأن في قصة وراه
ماريا : خدودها انحمرو وتكلمت بهدوء... هوا كيف كان برا يعني هوا قالي ان بيمشي
عمر : مش عارف واللهِ
ماريا : وانت كيف عرفت ب قصة منير؟
عمر : حكولي الحراس
ماريا : اممم
عمر : بملامح شك... شنو كان يبي مالك منك؟
ماريا : ولاشي غير كان يحكي معايا ع الهجوم يلي يبي يصير وهكي
عمر : ليش ضرب منير؟ هوا شنو دخلة لو منير قرب عليك ولا حتى مد يدا
ماريا : اوووف عمر وانا شنو عرفني
عمر : توا نشوفو شنو نهاية هضا كلة ..المهم انا بنطلع
ماريا : وين؟
عمر : بنمشي نشوف وضع الشباب والسلاحات... وووو بعديييين
ماريا : اااي وبعدين شنوووو؟🙂
عمر : يحك في راسة ...اااء نبي نشوف البنت
ماريا : ضحكت.... اااايووووة مواعيد وجو
عمر : والله نبيها ازح
ماريا : ابتسمت.. ليش ما تجوز
عمر : وقتة توا؟
ماريا: اكيد مش وقتة بس اصبر لين نفتكوا من هاذا كلة ونمشي نخطبها لكي
عمر : أنتِ؟؟؟؟ أنتِ تخطِيبِينهَا إلي؟
ماريا : اها أنا اخطُبُهَا إليك ليش مستغرب🙂؟
عمر : عشان تمشي في سيارة مظلمة وسلاحك معاك والحرس عند حوش البنت؟😂
ماريا : خزززي بارد😂.. بس جديات خلي نفرحوا بيك
عمر : ان شاء الله بس خلي تفوت قصة الحرب يلي بتصير واكيدة ح نمشوا
ماريا : ابتسمت.. تمام
عمر : وانتي؟
ماريا : بأستغراب... وانا كني؟
عمر : حتى انتي امتى بنفرحوا بيك؟
ماريا : تبدلت ملامحها وصبت... اااء عمر شن رايك نطلعوا للحديقة ..لفت ع رقبتها وشاح...هيا نراجي فيك لوطى..وطلعت
عمر : تنهد.. مش قادرة تعيش حياتها زي اي احد طبيعي الهموم محاوطاتها و م خلياتها م تفكرش حتى ف سعادتها..وطلع وراها كسد معاها شوي في حديقة الڤيلة وبعدين مشا
قعدت فالحديقة وكان الجو ريح مصقعة بس انا نحب الجو هضا مع اني كنت مريضة.. قعدت فترة هكي بعدين معش تحملت خشيت رقدت طول.. ما نبيش نفكر في شي كأن النوم هوا الوسيلة الوحيدة يلي نهرب منها من الواقع
✨رِوايـــات فــاطـمــة العـــبيـدي✨
_
نور.. ناداني بابا للمربوعة خشيت وكان فيها عمي حسن وبابا و وسام وسيف واحمد وأيهم توترت وانا في نفس الوقت مستغربه في شنو يبوني؟؟... السلام عليكم
كلهم: وعليكم السلام
عادل : تعالي قعمزي
نور : قعمزت وهيا متوترة
عادل : بنحكوا معاك في موضوع
نور : اااء اا تت تمام
حسن : يابنتي نحنا نبو الناس تصكر فمها ومعش تحكي عليك وتغلط فيك وفي شرفك
نور : منزلة عيونها وساكتة
عادل : عندنا حل بس لو وافقتي تمام ولو مش موافقة عادي مش ح نضغط عليك
أيهم مرة يشوف ل تلفونة ومرة ل نور اما وسام واحمد مركزين معاهم وسيف حاط السمعات ويلعب ببجي🤦🏻♀️
نور : شنو هوا😥؟
حسن : انك تتزوجي واحد من العيلة
أيهم رفع عيونة في نور بسرعة ومصدوم
نور : نن نتزوج😨😨؟
عادل : الجواز هوا الوحيد يلي يخلي الناس تسكت
نور : شافت ل أيهم لقاتة يشوفلها بعدين شافت ل بوها وعمها... مم م منو يلي بب بنتزوجه؟
أيهم ع اعصابة
---
ماريا وعيت مخلوعة من صوت الرصاص يلي كان برا والصوووت كان قوي فتحت الروشن وعرفت ان هجموا علينا وكانوا مجمووووعة كبيييرة قدام الحوش ويضاربوا بالرصاص...والحرس يضربوا ونصهم طايحين... نزلت نجري بعد ما خذيت سلاحي وتلفوني وقعدت انادي ع عمر
براء : خايف... آنسة ماريا عمر لساتو ما إجا والخدم هربوا
ماريا : خلااص اهرب حتى انت خطر عليك قعدتك هنا
براء: مشا
ماريا : ااافففف وينك عممررر..
والرصاص في كل مكان والرواشن تكسروا... طلعت تلفونها واتصلت ب عمر بس م تحصلش فيه... افففف عمر افففف مش وقتك رد...اتصلت بيه من جديد وكذلك م تحصلش فيه...اتصلت ب مالك انفتح الخط وجت تبي تحكي بس عيطت بخوف وفزع لما سمعت صوت من وراها قاللها سلمي روحك...
🔥رِوايـــات فــاطـمــة العـــبيـدي🔥
حسن : ح تتجوزي مهند ولد عمك حمزة
نور : كيففففف؟
أيهم : ...يتبع 🔥
رايكم ف الرواية وشنو توقعاتكم 🔥
أنت تقرأ
عذاب بريء
Misterio / Suspensoرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
