عذاب بريء

#عذاب_بريء الحلقة3

#عذاب_بريء الحلقة 3
✨للكـــاتبـــة فــاطـمــة العـــبيـدي✨

نور روحت من المدرسة تغديت وغسلت العوايز ورقدت وعيت ع العصر وكيف بديت نقرا يطق الباب
نور : اففف وسام مايخلي حد يقرا كل شوي يطق....وفتحت
سرور : اهلين🙂
نور : اهلين عمتي تفضلي
سرور : خشت .. امك وين ؟
نور : استغربت ...جوا
سرور : خشت
نور : صكرت الباب .. وكك حتي شخباركم مافي
سرور : من الدار ... نوووور تعالي نبيك
نور : متأكدة جايه تهزب بدل حني ..جاية عمتي ندير قهوة بس
سرور : مانبي شي تعاليييي
نور : ووووه نهار مغبر ...تمام توا نجي .. ومشيت قعمزت بس انصدمت فالكلام يلي طالع عليا وان حتى اولاد عمي يحكوا فالموضوع وان انا قلت هكي

نور : بس واللهِ ما قلت هكي وربي قلت أنهم يحكوا بس ليش مفيش حد مصدقني
سرور(عمتها) : بس الكلام يلي طلع ويقولوا فيه الناس ع لسانك غير هكي ..يقولوا حضنها وباسها وحاجات أكبر من هكي وحتى قالو ان نور قالت ان سلمى ااءء..
نور : الدموع في عيونها .. شنو؟ شن قالوا ؟
سرور : منزلة عيونها ... قالوا نور قالت ان سلمى مش بنت و..
نور : قاطعتها بصوت عالي وهيا تبكي ... خلاص خلاص والله ماقلت هكي وأقسم بالله ما قلت الكلام هضا .. عمتي صدقينيي😭
سرور : كيف تبيني نصدقك ..عطيني اي شيء يدل ع أنك م قلتيش الكلام هضا ..الناس كلها تقوا أنك أنتي هكي قايلة
نور : بس...
سرور : قاطعتها.. اسكتي اسكتي بلاكذب ودموع تماسيح مشعارفة شن عندك فيها من مصلحة تشوهي سمعة البنت
نور : عمتي سلمى زي أختي وربي ماعندي مصلحة نأذيها وكلهم عارفين ان انا وسلمى زي الخوات من نحنا صغار مع بعضنا ترا نبي ندير حاجة زي هكي؟ مش معقولة
سرور : يلي صار صار والكلام طلع ع البنت واشوهت سمعتها قبل أحمد بيجي يخطبها بس يلي درتيه خرب عليها
نعيمة(أم نور) : سرور ... بنتي حكتلي كل حاجة لو فعلاً قايلة كلام زي هضا راه اعترفت وانتهت القصة
سرور : شافتلها ... يصير خير توا وياريت بنتك معش تحكي اي حاجة وتخرب ع بنات الناس
نور : نحلف ع المصحف أني ماقلت الكلام هضا
سرور : صبت ... تحسابوا الحلف ع الكذب ساهل ههه
نور : عمتييييييي😭..صدقيني
سرور : أنا بنمشي فرج(راجلها)يراجي فيا برا من بدري ..وطلعت
نور : مش قتلك يام مش قتلك ح تجي ع راسي😭
نعيمة : بس أنتي ماقلتيش شي غلط
نور : تشهق من البكاء ...عارفة أني ماقلت شي غلط بس توا الناس مطلعة الغلط فيا واني بنخرب ع بنت عمي ...من بيصدق😭
نعيمة : ربي شايف وسامع كل شيء ح ياخذلك حقك ان شاء الله
نور : ياربي ساعدني يارب😭
نعيمة : شافت ل بنتها وواجعتها

✨رِوايـــات فــاطـمــة العـــبيـدي✨

بعد فترة طويله شوي ماتغير شي بس الكلام قعد يزيد ومفيش حد راضي يحكي معاي الاسهى وبابا وماما وخوي وحتى لو نحاول نحكي معاهم ولا نسئل ع حاجة يردوا من راس خشمهم لين يأست معش طلعت ولا مشيت لاي حد اصلا هما هضا يلي يبوه

فالفترة هذي حني مرضت وخشت للمستشفى وحتى عمتي كانت مريضة فلهذا حطت البنات عندنا
ع الغداء وبعد ماغسلت العوايز رن تلفون بابا ورد عليه...لاحظت وجه بابا كيف تغير وانسود ...صكر الخط ومشا بسرعة لبس كبوطة
نعيمة : خيررررر شن فيهه
عادل : شوي ونجي... وطلع بسرعة