#عذاب_بريء الحلقة 9
للكاتبة فاطمة العبيدي
نور : ارتبكت ووطت عيونها.. ااء انا انا نعست بنرقد
مهند : جاب كرسي وقعمز جنبها ويشوف للارض... ليش تتهربي مني؟ عليش رفضتي نقعدوا بروحنا
نور : تبي تتهرب من الاجابة...وبصوت خفيف دوبة ينسمع ..لانة حرام🥺
مهند : شافلها...نور
نور : تشوفله
مهند : تنهد ..نحبك
نور 😨😳😳
مهند : انتي شنو ؟ تحسي زي م انا نحس
نور : نزلت عيونها..مم م مهندد ياريت تصكر ع القصة
مهند : بس انا نبيك ومستعد ناخذك من بكرا
نور : متوترة...مم مهند خلاااص
مهند : لامش خلاص نو مش خلاص من فترة طويله وانا نبيك وحتى لو نحاول نوضحلك كنتي تفوتي فيا وم تحكيش حتى معاي
نور : لان م فيش شي نحكوا فيه
مهند : خذا نفس عميييق وطلعة... في حد في حياتك؟
نور : انصدمت..شنو تحكي انت؟
مهند: امالا عليش ترفضي فيا؟
نور: بدون سبب
مهند: قرب منها وشد يدها...باهي ع الاقل عطيني فرصة وحدة ممكن ح تتقبليني فيها
نور : سحبت يدها... معلش مهند ياريت تطلع
مهند : يعني مفيش امل💔
نور : مهند اسفة بس مش ب يدي
مهند : صبا وطلع من الغرفة وهوا معصب
نور كان واجعها بس مش قادرة تتقبلة في قلبها أيهم ومش قادرة اطلعة 💔💔
_
بعد نص ساعة او اكثر 💁🏻♀️
وسام : خش ..مهند وين؟
نور : طلع
وسام: اففف امتى بيطلعوك انتي
نور : مشعارفة وانت قسم بالله تطلع من باب الدار هذي حي عليك وخلي مهند يمشي قولة توا نقعد معاها انا لين تطلع أصلًا مش مطولة بكرا بيطلعوني
وسام : وعليش هضا كلة؟
نور : وسااااام دير يلي قتلك عليههه
وسام : تييي به لكن عليش؟
نور : هككك مزاج بدون سبب
وسام : شكلة الانتحار أثر ع دماغك وبديتي تكرهي الناس بدون سبب
نور : وسااااااام
وسام : خلاص سكتت
أيهم فالمقر يبرم ويكسر في كل شي قدامة
سالم(صاحبة): وسع بالك ياراجل مش هكي
أيهم : معصب وعروقة ...ولد الكلب وربي توا نورررريه ولد ال🔞🔞 قاعد يدحنس هالعيللل
سالم: انت ليش م تمشيش تخطبها طوول مدام تبيها
أيهم :تنهد وغمض عيونة ورفع راسة فوق وسكت وهوا مش عارف شنو يحكي
سالم : بتردد.. خخايف ان يلي سمعتة عليها يكون صاح انت مزال مش حاط فيها الثقة ولا؟
أيهم : مش عارف مش عاررررف حاس روحي متلخبط
سالم : به اهدا و توا نقولك شنو ادير
أيهم : قعمز وهو يغلي من جوا..احكي احكي
سالم : اسمعني هي
ايهم : ساكت
سالم : بما ان هوا ولد عمك مش ح تقدر تتعرضلة وادير مشكلة معاه فلهذا تبع يلي نقولك عليه
ايهم : تكلم
🔥 رِوايـــات فــاطـمــة العـــبيـدي 🔥
الساعة3 الفجر
ماريا : وعيت وانا حاسة روحي مش تمام راسي صدااااع ولوزتين متورمات ومش قادرة نبلع شفت حرارتي لقيتها مرتفعة ماعرفت م ندير وعمر راقد م قدرتش نوعيه خذيت حبتين باندول وخشيت مرقدي رقدت من جديد
طقطق
وسام : خش
مهند . خش..مرحبا شن الجو
وسام : تمام
مهند : قعمز.. امتى جيتت؟
وسام: من بدري شوي
نور : تفنص في وسام لين ارتبك
وسام : ااء ااااء مم مهند
مهند : رفع عيونة من التلفون وشافلة.. نعم
وسام : تقدر تمشي انت بارك الله فيك ع وقفتك بس بكرا اكيد ح يطلعوها وانا ح نقعد معاها
مهند :طوول شاف ل نور وهيا نزلت عيونها
أنت تقرأ
عذاب بريء
Mistério / Suspenseرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
