أسفة لاني منزلتش لان كانوا عندي ضروووف فلهذا ح انزلها كلها ك تعويض❤️
.
.
#انتقام_بريء الحلقة6 الجزء الثاني من رواية #عذاب_بريء
للكاتبة فاطمة العَبيدِي ✨
-
هبة طلعت من حوش باتها وشافت عرم الاتصالات يلي من نور وردت اتصلت عليها
نور : تيييي وينك ياخرا من بدري نتصل
هبه : كان عندي شوية شغل شنو في؟
نور : بنقولك راه طلعنا وماشيين للحوش توا
هبه : تمام وحتى انا مسافة الطريق ونكون غادي
نور : تمام
.
وصلت ماريا للڤيلا خشت طوول لغرفتها مزالت متأثرة اما نور من كثرة الصدمات يلي حصلتهن قبل ما أثروش عليها القصص هاذي
اما مالك قعد واقف برا الڤيلا ومعاذ روح وهوا واجعة البوكس😂
-
ماريا تمددت ع السريرة وحاطة يدها ع راسها بعدين خشت وراها نور قعمزت جنبها اما هبة عطت امر للخدم ان ايديروا حاجة ياكلوها لان من امس ماحطوش شي في فمهم
نور : تمسح ع شعرها وتحكي معاها بهدوء وحنية❤️..ماريا اهدي واصبري خلاص قصة وصارت وان شاء الله فيها الخير
ماريا : قلبييييي محرووووق يانور محرووووق رماد قعد معش قادرة نتحمل وربي💔
نور : ماريا حبيبتي إن مع العسر يسر تحملي وان شاء الله ربي يفرجها عليك ممكن بعد المصايب هذين ربي مخبيلك حاجة حلوة تفرحك عمرك كلة! شوفيني انا شنو صار معاي وكيف قاعدة بعيدة عن امي وخوي وعيلتي لكن صابرة لان ربي مايحبش الظلم واكيد ح ياخذ حقنا
ماريا : تحكي بصوتها الباكي وشهقتها...شنو يلي يخليني نفرح ع الاقل انتي امك قاعدة تراجي في الساعة يلي تشوفك فيها خوك قاعد عيلتك قاعدة بس انا ولاشي اب واطي وماما توفت لا عيلة ولاشي وعمر مات شنو مزال تبي تاخذ مني الدنيا شنو مزااااال😭
نور : ابتسمت ومسحت دموع ماريا... شنو نسيتينا نحنا؟ نسيتي مالك يلي قاعد برا مايبيش يروح قبل مايطمن عليك..ضحكت...ونسيتي ان انا وياك توا قعدنا بنات عم وعيلتي هيا عيلتك
ماريا ساكتة بس دموعها ما وقفوش
نور : خلي عندك امل لبكرا وخليك متأكدة ان نحنا ديما معاك ومستحيل نخلوك وخصوصًا توا بدت عندك عيلة تخاف عليك
ماريا : مسحت خشمها...اما عيلة بالله عليك وهما اصلا مايعرفونيش بكل
نور : ح يعرفوا!
ماريا : كيف
نور : ابتسمت...انتي كوني كويسة وكلة ساهل
هبة : خشت ومعاها الوكال...هيااا خلاص مش وقت دموع وبكاء ومش وقت حزن ومش وقت كلام توا وقت الاكل وبس يلا هيا قدمن
نور : البطن قبل الوطن 😂
ماريا طلعت منها ضحكة وهيا تشوفلهن💗.
هبه : وووه جعانة بكل ليا يوم كامل ماكليتش هيا بسرعة تعالن قبل مانكمل عليكن
نور : سحبت ماريا...هيا ماريا قبل ماتكمل علينا التمساحة هذي بسرعة
ماريا صبت وقدمت معاهن وهبه حاولت تغير جوهن وضحكتهن❤️.
محلا صحبتهن رغم الظروف يلي تلاقوا فيها❤️❤️.
✨رِوايـــات الكاتبة فــاطـمــة العـــبيـدي✨
سناء : قعمزت جنب راجلها...حسنن
حسن : شافلها من وراء النظارات الطبية...اها؟
سناء : تعرفها بنت فايز؟
حسن : اي فايز؟
سناء : تييي فايز صاحبك
حسن : اهاا كنة؟
سناء : نفكر نخطب بنتة ل ايهم
حسن : توا وقت خطبة و ولد خوي كيف متوفي يهديك الله
سناء : مش ح نخطبها له توا نفكر تفكير يعني بس حسيتة منتهي بكل الولد والله لين شاغلني
حسن : اااه والله لو كنت نعرف ان يبيها من البداية راهو خطبتها له هوا مش لمهند
سناء : هوا محكاش اصلا لولا انا ماسمعتاش بالصدفة وامس حكيت معاه وتأكدت راه لتوا مش عارفين بس الله غالب البنت عند ربها توا عندنا مانديروا عشان هكي نفكر نخطبلة بلكي ينسى
حسن : توا فوتي الموضوع الاقل بعد شهرين من موتت مؤيد بعدين اسئليه
سناء : لو سئلتة مش ح يوافق نخطبلة بعدين نقولة نحطة فالامر الواقع
أنت تقرأ
عذاب بريء
غموض / إثارةرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
