#انتقام_بريء الحلقة16 الجزء الثاني من رواية #عذاب_بريء
للكاتبة فاطمة العَبيدِي🫶🏻🔥
.
قيموا الحلقة بالايكات عاد❤️🔥.
-
نور: لالالا خوذي القناصة يلي قاعدة لورا
ماريا: قرنت حواجبها مستغربه... ليش؟
نور: ابتسمت ع جنب... نصيدوهم من بعيد احسن🔥
حاتم: انت عارف ان لما انت سيبت الشغل خسرنا واجد ومش شوي وانت قدامك خيارين ومفيش ثالث
يحى: ماسك اعصابة.... شنو هنّ؟؟ تكللللم
حاتم: ياترجع تشتغل معانا وترد يلي خسرناه بسببك ولا بنتك الوحيدة تموت!
يحى: حاتم خلي الدق بين الرجالة ماتخشش البنت فالنص
حاتم: شاف لنفس الشاب يلي ماسك هبه
الشاب: طلع سلاحة وحطة ع راس هبه
معاذ: طلع سلاحة حتى هوا وكان خلاص في اي لحظة بيضرب
حاتم: خاف ع بنتة.. خخ خلاص خلاص زي مم ماتبي ح نرجع ح نرررجع
هبه: دموعها نزلوا... لا بابا بالله عليك لا ماتخليهمش يديروا يلي يبوه
يحى: يشوفلها ومتوتر
حاتم: شنو؟ يعني خلاص وافقت
يحى: تنهد.. انا موا... وقاطع كلامة صوت اطلاق نار🔥
هبه: تشوف للشاب يلي كان ماسكها بصدمة.. كيف طايح ع الارض وراسه يبخ دم
حاتم: انصدم.. من يلي طلق.. بصوت عالي...شنو قاااااعد يصير
مالك: قعد يتلفت وييبي يشوف من يلي طلق الرصاصة ووين؟
لين شافها هيا.. شاف ماريا وكانت معاها نور
معاذ: بصوووت عالي...هجووووووم
مالك: سحب سلاحة وهوا معصب وداخلة يتوعد ويتحلف ان ح يقتلها ع يلي دراتة وكيف ما سمعتش كلامة وخاطرت بروحها
صااار هجووم كبير بين ثلاث مافيات والطايح فيهم اكثر من يلي مصبي
ونور وماريا يصيدوا فيهم من بعيد... وبعدين كل وحدة خذت مسدسها وقعدن يضربن معاهم
ومن وسط صوت الرصاص والناس يلي طايحة كان معاذ يفك في الحبل يلي كانت مربوطه بيه هبه.
معاذ: يفك فالحبل.. ماتخافيش هبه ماتخافيش انتي بأمان
هبه: تشوفلة ومبتسمة ودموعها ع طرف عيونها
معاذ: شافلها... دارولك حاجة؟ ضربوك؟
هبه: هزت براسها..لا
معاذ: التفتت وكمل يفك
هبه: مم معاااذ😨
معاذ: شنو ف...و رفع ايديه فوق لما حس بحد حط سلاحة ع راسه
هبه: حركت ايديها بشوية بس الشاب انتبهلها
الشاب: ردي بالك حتى تتحركي والا يموت في مكانة
هبه: وقفت وهيا ترعش خايفة ع معاذ
معاذ: هبه اهربي
هبه: بس ما ااء...
معاذ: قاطعها بصوت عالي... هبه اااااهربيييي
هبه: لا لا مم مش ح نهرب
معاذ: عض ع فمه بعصبية... تييي اهربييي النم تبييي تموتي😡؟
هبه: بصوت يرجف... مم معاذ ماتخلينيش💔
معاذ: غمض عيونة وهوا مش قادر يشوفلها وهوا اصلاً كان يحصل يضمها ليه لين تتفرش بين ضلوعة💔🔥
الشاب: سحب السلاح
هبه: بهستيريا... لالالالا بالله عليك لا ونبييييي😭
الشاب: اشهد ع روحك....وطااااااااف💥
هبه: غمضت عيونها وطاحت ع الارض منهارة وعيطت بصوت عاااااالييييي... لااااااااااااااا
نور: هيا تحرك انت وياها ضروري ننسحبوا
معاذ: فتح عين وحدة وهوا يحاول يعرف شن صار بالزبط؟وهل هو لازال حيً😂؟؟
هبه: فتحت عيونها ورفعت راسها بشوية لقاتة مزال مصبي والشاب غارق ف دمة وجنبها نور...
عرفت ان نور جت فاللحظة الاخيرة وقتلت الشاب لولاها راهو معاذ هوا يلي طايح ف مكانة
نور: تيييي هيا
ماريا: شن صار معاكم ؟؟ هيااا
هبه: صبت وهيا تبكي بهستيريا و ع طووول حضنت معاااذ
معاذ: انصدم وقعد شوي لين استوعب ان هبه حاضنتة؟؟!و بعد ما استوعب ابتسم وبادلها الحضن✨
مالك: يفنص ف ماريا... هيا بسرعة اطلعوا من هنا
ماريا: بلعت ريقها😰
نور: تمام هياااا
مالك: وقف قدام ماريا وهمسلها ف وذنها... احسابك بعدين وهيا توا اطلعي قدامي
ماريا: من نضرتة وصوتة عرفت ان الليله هذي مش ح تمشي ع خير وان الهدوء يلي محاوط مالك توا هوا بحد ذاتة هدوء ماقبل العاصفة🔥... مشت معاه وهيا تبلع في ريقها لين نشف😂
أنت تقرأ
عذاب بريء
Mistero / Thrillerرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
