#انتقام_بريء الحلقة1 الجزء الثاني من رواية #عذاب_بريء
للكاتبة فاطمة العبيدي
في2020 ✨:-
نور طلعت من باب المستشفى وانا مبتسمة واخيييييرا جاء اليوم يلي طلعت فيه و ح ناخذ حقي اكيدد بس مش توا خلي نقوي روحي شوي عشان نقدر نواجهم🔥
__
نور : ااء معلش ممكن تلفونك شوي
البنت : ااء ليش منو انتي؟
نور : اسفة بس توا كيف طلعت من المستشفى ونبي نتصل ب حد عشان يجي ياخذني
البنت : ااء اوكِ... وعطتها تلفونها
نور خشت ع فيس البنت وكتبت الاسم وخشت ع المسنجر
"هبة ردي علي" واتصلت بيها
هبة : الو
نور : الو منو معاي
هبة : معاي هبة يحى ولا لا؟
هبة : اها وانتي منو
نور : ابتسمت...انا نور
هبة : نور منو؟
نور : صاحبتك ولانسيتي صحبة 15سنة
هبة : بصدمة...نووور ! وينك نورر؟ وين اختفيتي ومعش سمعت عليك شي
نور : قصة طويلة ااء نبي نتلاقى معاك نقدر؟
هبة : اكيددد اكيددد وين انتي توا؟
نور : ااء انا في طرابلس توا
هبة : طرابلس؟ شنو وصلك غادي
نور : هبة نحكيلك بعدين بس انتي تقدري تبعتيلي حد يوصلني للشرق؟
هبة : معاك اوراقك
نور : اها توا خذيتهن
هبة : تمام عطيني اسم المكان يلي قاعدة فيه وشوي ويوصلك حد و ح تجي في طيارة
نور : بس مرات يوقفوني يعني مش عارفة شي انا حتى اوراقي مااعتقدش ان كاملات
هبة : عضت ع فمها...عيب الكلام هضا انتي عارفة مع منو تحكي😉.
نور : اهااا توا غير فهمتك امالا نراجي فيك😂
هبة : تم...وصكرت
نور : تفضلي حبيبتي وشكرًا
البنت : العفو...ومشت
.
نور قعمزت عند الباب المستشفى تراجي قعدت قريب ساعة هكي ويوقف عليها واحد
الشاب : الآنسة نور؟
نور : صبت...الآنسة؟؟ ااء اها انا انت منو؟
الشاب : انا من طرف الآنسة هبة يحى ياريت اتفضلي معاي
نور : بالسرعة هذي🫢
الشاب : اء ياريت اتفضلي معاي معليش
نور : مشت معاه ركبت فالسيارة واتجهت للمطار✈️
.
نعيمة : عيونها تاعبات والدموع ع خدها ووجها شاحب
وسام : خلاص يام لكي سنة ع الحال هضا
نعيمة : والله ياوليدي مانقدر فقدت بوك واختك مرة وحدة مش قادرة نستوعب الصدمة
وسام : الله غالب ارضي بحكم ربي
نعيمة : تبكي...كيف هانت عليهم يخلوها تموت بالطريقة هذي😭
وسام : ادعيلها يام ادعليها وخلاص😢
نعيمة : قهرووونيييي في بنتيييي😭😭
وسام صبا ويديه ع عيونة يبي يبكي💔
"يلي صار هوا ان محمد كان يبيهم ينسوها وخصوصا ايهم يلي كان يدور عليها في كل مكان ومعش يفتحوا موضوعها او يحاولوا انهم يردوها ف قاللهم ان لقوها ف المستشفى منتحرة ودفنوها غادي "
كلهم استقبلوا موتها عادي وبالعكس قالوا افتكينا منها الا حسن وسناء وجعتهم واكييييد حتى ايهم يلي انهاار ودموعة يلي ماعمرهمش نزلوا لما سمع بموتها بكاا عليها💔💔واكيد نعيمة ووسام يلي لتوا مزالوا مش قادرين يستوعبوا💔.
🔥رِوايـــات الكاتبة فــاطـمــة العـــبيـدي🔥
ماريا : طايحة ع قبر عمر💔وتبكي بحرقة ومالك مصبي بعيد شوي ...عليش خليتني عمر حرام عليك مش قتلي مش ح نسيبك ليش درت فيا هكي😭😭😭كسرتني ياعمررر والله كسرتني
مالك : طبس عليها...هيا ماريا
ماريا : خليني معااااه😭
مالك : ح تزوريه اخرى بس توا هيا قريب ليل
ماريا : لا لا مستحيللل مانبيش نقعد بروحي ح نقعد معاه حتى لو كان تحت التراب😭😭💔💔
مالك : مسك بيديه الاثنين وجها... للمرة الالف نقولك انتي مش بروحك انا معاك و ح نقعد معاك ومش ح نخليك ثانية بروحك
ماريا طولت هيا تشوفلة بعدين حضناتة بقووة كأنها خايفة ان الدنيا تاخذة منها حتى هواا؟؟💔
اما مالك زاد حضنها وكان قلبة يدق بقوة❤️.
ماريا : بعبرتها...معنديش غيرك توا راه😭
مالك : ابتسم بشوية...ماتخافيش مش ح نخليك هيا صبي معاي
ماريا صبت معاه ومشت وهيا تشوف لقبر عمر💔وتكبييي
--
مالك : فتح الباب.. خشي
ماريا خشت وقعمزت بتعبب
مالك : خشي ارتاحي ف غرفتك
ماريا صبت وركبت للغرفة يلي كانت فيها المرة يلي فاتت قعمزت ع السرير وتشوف لصورة عمر وتذكر في كلامة
✨✨
عمر : يحكي وهو يتألم وحاط يدا ع مكان الرصاصة جنب قلبة💔ويحكي بصعوبة...مارياا رر ردي بالك من روحك راه ااء انتي يلي كنتي المقصودة مش اا انا
ماريا : حضناتة ودموعها ينزلوا ..عع عمر انت ح تقعد عايش صاح ؟ ح تكون بخيرر عمر تماسك 😭
عمر : يحكي والنفس بينقطع عليه...كنت حاسس ان بيصيرلي شي زي هكي بس الحمدالله صارلي بعد ماتبت لربي
✨✨
ماريا : تبكي...لالا نبيك انت معاي عمر مانبي حد انا😭😭
عمر : ابتسم...كنتي احسن اخت ليا مم ماريا فالوقت يلي ملقيتش حد لقيتك انتي كك ك كنتي مخليتني نن نحب الدنيا بب بس توا رر ربي كاتب اني نفارقها
✨✨
ماريا صكرت عيونها بقوة ودموعها شلال وكملت تذكر ✨
ماريا : عمرر نقعدوا كل فترة نطلعوا زي هكي تمام
عمر : ساارح...هذي اخر مرة
ماريا : ليششش🙁؟
عمر : هكي حاسس ان مش ح نطلع معاك مرة ثانية...شافلها...وممكن هاذا اخر يوم نقعدوا فيه مع بعض
ماريا : خافت..ليش؟ عمر ليش تقول هكي تحس في حاجة؟
عمر : لا بس كنت نحكيلك ع شعوري وبس وانتي عاد خوافة قعدتي😂
✨✨
ماريا نهارت تبكي من جديد بقوووة سمعها مالك وخش بيشوفها بس وقف لما شافها تشوف لصورة عمر💔وتبكي
مالك : قعمز جنبها... اهدي
ماريا : مش قادرة مالك وربي مش قادرة قلبي والعة فيه النار كانوا بيقتلوني انا هوا دافع عليا انا السبب😭😭
مالك : سندها ع كتفها...انتي مش السبب ماريا هضا يومة
ماريا : شافتلة بعيونها المدمعات...مالك!
مالك : عيونة
ماريا : بنضرة حادة...نبي سلاح!
مالك : بأستغراب...ليش؟
ماريا : بنضرة حقد وشرر ..نبي ننتقم!!🔥
💫رِوايـــات الكاتبة فــاطـمــة العـــبيـدي💫
نور نزلت من الطيارة ومعاي الشاب يلي دازتة هبة واخيرا انا توا ف الشرق اخييييرا ح ننتقم 🔥 وح نطفي النار يلي في قلبي
الشاب :يا آنسة اركبي فالسيارة هذي وهوا ح ياخذك للآنسة هبة
نور : ف خاطرها...مش عارفة ليش مزلت مستغربة كلمة آنسة😂...ااء تمام شكرا
الشاب : ولو العفو
نور ركبت من خلف للسيارة الفخمة وكان الشوفير يسوق بيا اووو تاريتها هبة عايشة في عز 😂
بعد نص ساعة او اكثر بشوي وصلت لكافي وانا مرتبكة ماعمريش مشيت لأمكان زي هكي
كانوا اهلي محافظين واجد البنت ماتطلعش لاماكن زي هكي
خشيت وانا ندور بعيوني ع هبة لين حسيت حد نخصني من لوراء التفتت بفزع بس ضحكت لما شفت ولقيتها هبة❤️.
هبة : حضنتها...وين اختفيتي رايفت عليك
نور : بادلتها الحضن..والله لو تعرفي يلي صار احتمال تصيرلك السكتة
هبة : تعالي نقعمزوا واحكيلي
نور قعمزت وحكيتلها كل شي صار وفعلًا قريب صارلها السكتة القلبية😂😂
هبة : بصدمة ..يعني هضا كلة صاير معاك؟
نور هزت راسها
هبة : به وشنو بديري توا؟
نور : بنفس نضرة ماريا بالزبط نضرة حقد وشر 🔥..نبي ندير شي واحد بس يلي هوا الانتقام !!...يتبع
أنت تقرأ
عذاب بريء
Mistero / Thrillerرواية ليبية 🔥🔥 قصة بنت عذبوها أقاربها وأهلها وطلعوا عليها إشاعات وفالأخير خشت مصحة نفسية بس شنو السبب؟ كيف ح يعذبوها ؟؟ شن يلي يخلي بنت ف 18 من عمرها تفكر تنتقم من اقاربها ومن بنات عمها يلي كانوا زي الخوات مع بعض شن قصة البنت يلي عاشت طفولتها وحيد...
