انتهت العائله من تناول الغداء فى جو اسرى جميل
ايمان دخلت جابت الكاب كيك وعملت قهوه
ايمان : احلى حلويات من ايديا وحياة عنيا
كريم: ومن ايديا انا كمان
ضحكوا عليهم وبدؤا ياكلوا الحلويات
خرج الشباب قعدوا فى الجنينه
كرم : تعالوا نلعب كوتشينه
مازن: يلا قوم هات واحده طيب
كريم : هنلعب الشايب واللى هيخسر مش هنرحمه
اسماء جات :واحنا عايزين نلعب معاكم
هاجر : اه بالله عليك يا كريم
كريم : لا اقعدوا اتفرجوا
هاجر واسماء بصوا لايمان
ايمان قربت من كريم وقالت له كلمه فى ودنوا
كريم : طيب موافق
غمزت ايمان ليهم والبنات فرحت
عبد الرحمن: قالت لك اى البت دى
كريم بإبتسامه : ملكش دعوه وبص لايمان وضحك
ايمان اتكسفت
وبدؤ يوزعوا فى الورق
كريم افتكر ايمان وهى بتوشوشه فى ودانه
ايمان: علشان خاطرى يا كرمله
كرم : كدا الورق جاهز يلا كل واحد يفنط ورقه
بدأت اللعبه والشايب كان مع عبد الرحمن ووقعه فى ايمان
خلص الدور والشايب مع ايمان
بدأ كل واحد بقول طلباته لايمان وهى هتعيط من كتر الطلبات
كرم : انا عايز آيس كوفى
عبد الرحمن: وانا عايز قهوه ساده
عبد الوهاب: واحد شاى مظبوط لو سمحت
يوسف : واحد كاب كيك من اللى كان بعد الاكل لو سمحتى
مازن : وانا واحده مع يوسف
ايمان قاعده بزهول مش عارفه تسمع لمين ولا مين ولا مين بصت لكريم بترجى
كريم قرب منها ووشوشها : مش كنتى عايزه تلعبى
ايمان بصوت منخفض: ابوس ايدك الحقنى
كريم: ممكن اخليهم يسكتوا بس على شرط
ايمان : اى
كريم : هتعملى كل اللى انا عايزه لمدة ثلاث ايام يعمى لحد ما اجازتى تخلص
ايمان بحسره: موافقه
كريم : بس ياد انت وهو مراتى مش هتعمل حاجه لحد
عبد الرحمن: لا كدا ظلم بقا ومش هنلعب
كريم بص له بصه رعبته
