الساعه ١١الضهر
أسماء : يلا يا بنات كريم هيوصلكم على الفندق
ايمان نزلت وبتعيط
أسماء وچيهان : اى فى اى
ايمان: ماما انا مش عايزه اتجوز بالله عليكى مش عايزه اروح انا عايزه افضل هنا
چيهان : اهدى يا حبيبتى إنتى مش هتروحى فى دا إنتى بس هتقعدى اول شهرين هناك وكل يومين هتكونوا هنا زياره ولما كريم يسافر هتيجى تقعدى هنا وكمان البيت الجديد مش بعيد
أسماء : وبعدين يا ايمى مش البيت الجديد دا انتى اللى اخترتى كل حاجه فيه انتى وكريم وكل حته إخترتيها فيها بحب
إيمان هزت راسها
چيهان : وكمان انتى مش بتحبى كريم مش عايزه تعيشى معاه
ايمان هزت راسها وسكتت
كريم دخل وشاف ايمان بتعيط جرى عليها : اى فى اى بتعيطى ليه يا ايمان
أسماء : تعالى يا كريم عايزاك دقيقتين
أسماء وقفت مع كريم فى جمب وفهمته ايمان زعلانه علشان إيه
كريم : طيب يا امى
كريم راح لايمان اللى فى حضن مامتها
كريم : بعد إذنك يا طنط ممكن اتكلم مع إيمان فى الجنينه على ما البنات تنزل
چيهان : أه طبعا يا حبيبى براحتك
كريم مسك إيد إيمان : تعالى معايا يا حبيبتى
إيمان خرجت مع كريم ووقفوا فى مكان بعيد شويه بعيد عن عيون الحرس
كريم رفع النقاب : مالك بقا ليه زعلانه وبتعيطى
ايمان بدموع: انا مش عايزه اسيب ماما وبابا وجدو والبيت دا انا مش عايزه اتجوز
كريم مسح دموعها : اهدى يا حبيبتى طيب وانا هتسيبينى مش انا امنيتك خلاص مبقتيش عايزانى
إيمان : لا عايزاك طبعا بس خايفه اسيب ماما
كريم : وفى حد يكون معايا ويخاف طب دى عييه فى حقى
إيمان سكتت
كريم أخدها فى حضنه وهداها : يلا بقا علشان منتأخرش على الفرح لسه هتروحى الفندق وموال لسه وإضحكى بقا علشان مش عايز اشوف دموعك أخر وحاجه وكمان هفضل يوم كامل مشوفكيش يرضيكى لما تيجى فى بالى تكونى بتعيطى اضحكى بقا يا بطه
إيمان إبتسمت
كريم : ضحكت يعنى قلبها مال
ومسك إيديها وخرجوا وراحوا عند العربيه
البنات كلها موجوده وكريم اخدهم على الفندق ورجع يجهز
فى الفندق
الميك أب ارتست بنوتها اسمها ليلى
ليلى لايمان: انتى هتلبسى النقاب النهارده
ايمان: ايوا طبعا ومش عايزه شغل تقيل ممكن حاجات بسيطه خالص ومش عايزه العيون بارزه علشان مش تبان من تحت النقاب
