كريم : ايماااااان
كرم كان بيتحرك ورايح يسلم على كريم الطلقه جات فى كتفه
كله جرى على كرم
كريم زعق: ماااازن بسرعه وراه هو فوق المبنى اللى قصادنا بسررررعه يا مااازن
مازن ومصطفى جريوا بسرعه ورا الرجل الملثم
كريم : شال كرم وزعق
بسرعه يا معاذ افتح باب العربيه بسرعه
كريم دخل كرم العربيه وناديه ومعاذ ومحمود ركبوا معاه
فى لحظه كل حاجه اتحولت
فؤاد : كل واحد ياخد عروسته ويروح يلا
عبدالرحمن: يا جدو مينفعش لازم نيجى
فؤاد : انا قولت كله يا خد عروسته ويروح
عبدالوهاب: طيب حتى هنروحهم ونيجى معاكم
فؤاد : انا قولت كلمه ومش هعيدها تانى
مجدى : اسمعوا كلام جدكم يلا
كريم : انا أسف يا جدى انا هروح مع كرم
مؤمن: وانا يا جدو مش هسيب اخويا وامى فى المستشفى لوحدهم
فؤاد : مينفعش يا ابنى
كريم : معلش يا جدو انا مش هقدر اروح وكرم فى المستشفى وكمان المستهدف كان ايمان وانا مش كرم( وكمل كلام لمحمد وچيهان) بعد اذن حضرتك يا عم ممكن توصل إيمان البيت انت وطنط وتفضلوا معاها على ما اجى
محمد: حاضر يا ابنى
هز راسه لمحمد وراح يكلم إيمان
ايمان بدموع : روح يا كريم وطمنى على كرم
كريم : بس متعيطيش انا مش هتأخر هطمن عليه وهجيلك علطول
إيمان : فى رعاية الله
كريم باس جبينها : فى رعاية الله
كل واحد اخد عروسته وروح
مؤمن اخد امينه وروان وصلهم البيت وامينه طلعت مع روان وهو لف ورجع للمستشفى
ومحمد وچيهان اخدوا ايمان وروحوا
كريم ركب العربيه ومعاها فؤاد وأسماء وأحمد
والباقى ركب عربيته وراح على المستشفى
كريم وصل المستشفى هو اللى معاه
أحمد لموظفة الاستقبال: لو سمحتى يا بنتى لسه فى شاب جاى حالا واخد رصاصه
موظفة الاستقبال : اه اتفضل حضرتك فى الدور الرابع اخر الطرقه يمين فى العمليات
اول ما وصلوا الدور الرابع أسماء جريت على ناديه
ناديه بدموع : ابنى .. ابنى يا بابا ابنى اخدوه منى يا اخويا ابنى هيضيع منى اخوك يا مؤمن اخوك
أسماء بدموع : اهدى يا ناديه ان شاء الله كرم هيخف وهيكون كويس ادعيله انتى بس
مؤمن اخد امه فى حضنه وطبطب عليها ودموعه فى عنيه وخايف لاخوه يكون حصل ليه حاجه
معاذ قاعده على الارض وهدومه كلها دم من كرم
كريم قعد جمبه وربط على كتفه
كريم : متقلقش ان شاء الله هيكون بخير وانا مش هسيب اللى عمل فيه كدا
معاذ لف ليه وعيونه حمرا : دا اخويا الصغير دا صاحبى وأقرب واحد ليا
كريم : إن شاء الله خير متقلقش
وقام وقف بعد شويه وطلع تلفونه وكلم مازن
كريم : الو اى يا مازن وصلتوا لايه
مازن : مسكناه وأخدته على الاسم
