تمام السابعه صباحا يظهر شاب فى اواخر العقد الاول من عمره وهو يسير فى خفوت ويتفحص الغرف الاربعه ليتأكد ان الاربع شباب مازالوا نائمين وقبل ان تدق الساعه السابعه بثلاث ثوان
_واحد ،، اتنين ،، تلاته
ثم يصد صوت يفزع على اثره الشباب الثلاثه وخرجوا من غرفهم فى عصبيه ماعدا شخص واحد قام بهدوء يشبه الهدوء ما قبل العاصفه
مجرد ما ان رأهم خرجو من غرفهم حتى ركد ليختبأ فى اى مكان يحميه من شر هؤلاء الشباب
دخل كريم مرة اخرى الى غرفته بينما هرول الثلاث شباب خلف ذاك الشاب لينتقموا لفزعهم
عبد الوهاب :خد هنا يلا والله منا سايبك
عبد الرحمن : امسكوه متسيبهوش الكلب دا كل يوم نصحى على فزعه شكل
يوسف : والله منا سايبك غير وانت فى المستشفى يا كرم الكلب
ظل الثلاث شباب يركدوا خلف كرم حتى امسكوا بيه وبمجرد ان شرعوا فى ضربه حتى جاء صوت من خلفهم
اسماء بحنو : بس يا ولاد محدش يمد ايده على كيمو
عبد الرحمن: والله يا طنط اسماء ما حد مدلعوا غيركم
اسماء : ملكوش دعوه يلا سيبوه واطلعوا البسوا علشان تفطروا
عبد الوهاب وهو يسير بإتجاه الباب الداخلى للقصر : حسابك معانا بعدين يا كرم الكلب
بعد ان صعد الثلاث شباب
اسماء : اى يا كرم مش هنبطل بقا شغل المقالب دا كل يوم نطلعك من تحت ايديهم بالعافيه
كرم : اى هيبقا انتوا والثانويه عليا لازم افرفش شويه واخد باور كدا وانا بعمل فيهم مقالب
اسماء: طب يا اخويا اطلع يلا ذاكر شويه على ما نحهز الفطار
كرم : حاضر يا سمسمه يا قمر اه لو مكنتيش صغيره شويه كنت اتجوزتك انا بدل احمد
جاء صوت من الخلف يصيح
احمد :يعنى بدلعها وعايز تتجوزها وتقول عليا احمد حاف يا كلب تصدق انهم غلطانين انهم سابوك
كرم : اوعى لا يا سمسمه الحقينى جوزك هيموتنى
اسماء بضحك : خلاص بقا يا احمد معلش بيحب يهزر
احمد :سماح المره دى علشان خاطر سمسم بس
كرم وهو يرسم على ملامحه الدهشه: سماااح هى مش سماح مسافره متنفعش سميحه
احمد بغضب مازح : ولااااا غور ياض من هنا
فر كرم وهو يضحك بشده وصعد ليكمل مذاكرته
اسماء بضحك : والله الواد دا سكر هو اللى بيقلب البيت ضحك ربنا يبارك فيه يا رب
احمد : يا رب
بعد نصف ساعه كان الجميع ملتف حول مائدة الطعام
الجد فؤاد فى منتصف المائده وعلى يمينه احمد واسماء ويليهم محمد وچيهان يليهم محمود وفاطمه يليهم مجدى وفريده وعلى يساره كريم وعبد الرحمن وعبد الوهاب ويوسف وكرم وباقى السفره فارغه
