بعد مرور اسبوع
ايمان: ما تسرع شويه يا كريم فاضل نص ساعه عايزين نلحق نروح المسجد
كريم: اعمل لك اى ما كل شويه تغيرى رأيك وتقولى علق الفانوس هنا لا هنا اثبتى على رأي
ايمان : انا مش عارفه بقولك ليه كنت قولت لعبد الرحمن كان علقها هو ارحم
كريم بغيره : عبد الرحمن امممم طيب اخلصى عايزه تعلقيه فين
ايمان : خلاص اخر كلام حطه هنا
كريم: يا مسهل يا رب
هاجر بصياح : هوباااا
عبدالوهاب: اى بتعلى صوتك ليه
هاجر : خلصتوا تزيين الجنينه
عبد الوهاب: اه انا وعبد الرحمن خلصنا ... هاه يا كريم خلصتوا الصالون.
كريم : اه كان فاضل الفانوس بس والحمد لله خلصنا
عبد الوهاب : امال يوسف راح فين
كريم : هتلاقيه بيعلق فرع النور فى الجانب التانى
عبد الوهاب: طيب يلا علشان نلحق المسجد
كريم: تمام
ايمان : واحنا كمان يلا يا بنات
استووووب
اللى حصل فى الاسبوع دا تسريعا للاحداث
العيله كلها رجعت للقصر تانى يوم والاجازه خلصت
مازن حاول يكلم كريم فى موضوع الجواز فى الاول كريم زهقه وقال انه رافض بس فى الاخر وافق وعملوا خطوبه بسيطه بينهم وطبعا لان اسماء باباها متوفى فكريم تولى امرها
روان ومؤمن تعرفوا على بعض اكتر وعلاقتهم بقت اقوى من الاول
كرم رجع لمزاكرته تانى
والايام عدت والاسبوع خلص بسرعه والنهارده الاحد اول يوم صلاة تراويح و الشباب علقوا الزينه وبيستعدوا لشهر البهجه والسعاده شهر الآمان والطمئنينه الشهر الكريم
بعد ربع ساعه
العيله كلها فى الجنينه السيدات كلهم لابسين اسدالات خروج وخمارات ومستعدين للصلاه والرجال والشباب كلهم لابسين عبايات ومستعدين هما كمان للصلاه
فؤاد : جاهزين
الكل بسعاده : طبعا
فؤاد بإبتسامه هادئه : كل سنه وانتم طيبين ورمضان كريم عليكم جميعا
الكل بسعاده : وحضرتك طيب يا جدو
فؤاد : يلا على بركة الله .... المسجد جمبنا مش محتاجين للعربيات .. توكلوا على الله
الكل خرج من الجنينه واتجهوا للمسجد
الرجال والجد فى الامام وخلفهم السيدات والبنات وخلفهم الشباب وكأنهم حصن منيع يحمى من ملكن قلوبهم
وصلوا المسجد وكل واحد راح للمكان المخصص له للصلاه
الشيخ بدأ فى الصلاه وصلو العشاء وصلاة التراويح والشيخ فصل بين اول اربع ركعات فى التراويح وباقى الركعات بخطبه
