ايمان صحيت ومامتها جابت لها الفطار واكلتها وشربتها العصير
ايمان : ماما جدو صحى
چيهان : زمانه صحى و بيصلى
ايمان : طيب انا عايزه انزل له
چيهان : تعالى وانا اسندك
ايمان : يا ماما متكبريش الموضوع زى كريم انتى كمان انا بس كنت تعبانه امبارح من الضغط مش اكتر وانا الحمد لله النهارده كويسه
چيهان : طيب يلا قومى
نزلت ايمان وخبطت على باب اوضة جدها ودخلت
فؤاد كان قاعده على السرير ومش بيتكلم لحد ما لقى ايمان هى اللى داخله
ايمان راحت حضنته لانه مكانش قادر يتحرك
ايمان : جدو حبيبى انا رجعت وكويسه
فؤاد : ااايييماااان اااانننتتتت ررررججحععععتتتىىىى
ايمان : بصت لماماتها
چيهان : امبارح لما عرف انك اتخطفتى حصلت له صدمه عصبيه اثرت على النطق وفقد النطق والدكتور قال انه مؤقت والحمد لله رجع يتكلم لما شافك اهو
ايمان عيطت وحضنت جدها تانى وطمنته انها رجعت وخلاص بخير وخرجته يقعد بره علشان يفطر
كريم نزل لقى ايمان تحت
كريم: صباح الخير
كلهم : صباح النور
كريم لايمان: انتى كويسه دلوقتى
ايمان : اه الحمد لله
كريم : طيب يا جدو كنت عايزه اتكلم معاك فى موضوع مهم
فؤاد كان استعاد النطق بشكل كلى وكريم مكنش يعرف انه كان فاقد النطق
فؤاد: افطر انت الاول علشان احنا كلنا فطرنا من زمان وبعد كدا ابقى تعالى على المكتب
كريم خلص فطار ودخل مكتب جده
فؤاد: هاه بقا يا سيدى كنت عايز اى
كريم: قبل ما اسافر ايمان قالت لى انهم عندهم رحله فى الجامعه راحه شرم الشيخ وكانت عايزه تطلع هى والبنات مع صحباتها لانها اخر سنه ليها هى ومريم
فؤاد: وانت موافق على دا
كريم: لا طبعا انا فى الاول رفضت بس بعد كدا جاتلى فكره
فؤاد: واى هى بقا
كريم: احنا هنروح كلنا للشاليه بتاعنا اللى فى شرم البنات والستات كلهم فى واحد و الرجاله والشباب فى واحد ودا علشان صحباتها يجوا معاهم منها تغيير جو للعيله كلها وخاصة كرم ومنها تغيير للبنات بعد كمية الصدمات دى
فؤاد بتفكير : امممم طيب سيبنى افكر كدا وارد عليك
كريم : طيب يا جدو يا ريت فى اقرب وقت علشان شغلى
