ايمان : الوووو كريم ... كريم اى الصوت دا
كريم قفل التلفون
رحمه : فى اى يا ايمان وصوت اى اللى جمب كريم
ايمان : تعالوا بسرعه هو فى الكافيه اللى تحتنا مفيش وقت
البنات راحوا بسرعه مع ايمان ووصلوا للكافيه
ايمان وصلت شافت بنت واقفه عند كريم ولابسه چيبه قصيره جدا وضيقه وفوقها شميز ماسك فى جسمها وفارده شعرها ولونه احمر وواقفه تتكلم مع كريم بمياعه
كريم بيكلمها وهو باصص فى الارض
_ خلاص حصل خير اتفضلى حضرتك وانا هتصرف
البنت : انا اسفه والله لازم اعتذر لحضرتك يا ريت تقبل تكتب لى رقمك وانا هعزمك كإعتذار عن التيشرت بتاع حضرتك اللى اتنيل دا واشتري لحضرتك واحد بداله
كريم وهو على نفس وضعه وقرب يزعق : يا انسه قولت لحضرتك مفيش حاجه حصل خير
البنت بمياعه : انا سوزى و......
قاطعتها ايمان اللى دخلت تتكلم ونوعا ما صوتها كان عالى
_ ما خلاص يا انسه قالك انا هتصرف فى اى اتفضلى
البنت : وانتى مين حضرتك و اى الخيمه اللى انتى لابساها دى
كريم : لاااا دا كدا انتى زودتيها اوى اتفضلى من هنا بدل ما اطلب لك الامن يلا اتفضلى
ايمان : ثانيه يا كريم .... الخيمه دى ربنا انعم عليا بيها بتحميني عن عيون الكلاب حافظه جمالى لجوزى ملكيه خاصه يعنى انتى متعرفيش عنها حاجه اتفضلى بقا من هنا واه كنتى حابه تعرفى انا مين انا بقا ابقى مرات الباشا اتفضلى يا سكر
سوزى كانت هتفرقع و بصت لهم بقرف ومشيت
ايمان لسه هتتكلم
كريم : خلصتوا
ايمان : اه
كريم: طيب يلا نمشى من هنا
ايمان: بس يا كريم التيشرت بتاعك اتبهدل
كريم : يلا مش مشكله همسحه بمنديل ... يلا بقا
ايمان : طيب استنى وجابت منديل ومسحت له التيشرت
وبعدها اتحركوا وراحوا على العربيه
كريم وهو بيدور موتور العربيه : متأكدين انكم مش ناسيين حاجه
ايمان : اه توكل على الله
رحمه : اى يا ايمان دا اول مره اشوفك بتزعقى لحد انتى مسحتى بكرامة البنت الارض
روان : انا بردك مصدقتش ان دى ايمان هو اه الكلمتين صغيرين بس معناهم كبير اوى وكمان ايمان عمرها ما ردت على حد ب تعالى
ايمان بعصبيه : اسكتى بقا انتى وهى عايزينى اعمل اى يعنى لما اشوف واحده واقفه تتمايع على جوزى وكمان بتقول على لبسى خيمه ووو (وهنا ايمان أدركت هى قالت اى وكمان كريم موجود )
