A Compatible Spouse [Complete]

Part 4

U+Z

သီဟန်မှာထူးခြားသွားပြီဖြစ်တဲ့ ပုန်းညှက်မြိုင်ကြောင့်ကြားကနေပါးစပ်စေ့မရတော့ပေ။ လက်တွဲမယ့်မိတ်ဖက်ရလာတာကိုလည်း သဘောတကျဖြစ်နေသည်။ ရစ်ချက်ထိန်ဆိုတဲ့ ဘိလပ်ပြန် alpha ကသူငယ်ချင်းအိုမီဂါလေးဖြစ်တဲ့ ပုန်းညှက်မြိုင်ကိုမှ သဘောကျနေတယ်ဆိုတာကလည်း ပုန်းညှက်မြိုင်က ထိပ်တန်းအိုမီဂါလေးပုံစံပေါက်နေတာမဟုတ်ဘူးလား။ ထိပ်တန်း Omega မဟုတ်ပေမယ့်လည်း ပုန်းညှက်မြိုင်ရဲ့ပုံပန်းသွင်ပြင်က ထိပ်တန်းအိုမီဂါလေးသဖွယ် ချစ်ဖို့ကောင်းသည်။ ထိပ်တန်းအိုမီဂါဖြစ်တဲ့သူတောင် တစ်ခါတလေမှာ ပုန်းညှက်မြိုင်ကိုအားကျရတဲ့အချက်တွေရှိ၏။ ပုန်းညှက်ရဲ့အသားအရည်က အရွယ်ရောက်လာတာနဲ့အိစက်ကာ သူ့ထက်သေးသွယ်တဲ့ခါးကျဉ်ကျဉ်လေးလည်းရှိသည်။ နှုတ်ခမ်းလေးတွေကလည်း စိုနေပြီးချစ်ဖို့အလွန်ကောင်းသည်။ သီဟန်သတိထားမိနေတဲ့နောက်ထပ်ကိစ္စကတော့ ပုန်းညှက်လေးအိမ်ပြန်ပြန်ချိန်တွေက heat ဝင်နေတဲ့အချိန်တွေလို့ သီဟန်ရိပ်မိနေသည်။ သူတို့တစ်ခန်းထဲ အတူနေတဲ့ကာလပတ်လုံး ပုန်းညှက်လေး heat ဝင်တာကိုတစ်ခါမှမတွေ့ဖူးသေးဘူး။ သီဟန်ကတော့ heat ကာလတွေကို alpha နဲ့ကုန်ဆုံးသည်။

"ပုန်းညှက်"

"အင်း"

"စာမေးပွဲအတွက် အာလုံးပြင်ဆင်ပြီးပြီမလား"

"အင်း အားလုံးနီးပါးတော့ အသင့်ဖြစ်နေပြီ"

"ငါ့ကို စာပြပေးပါအုန်း"

"အင်း အခုအားတယ်မလား လာ"

သီဟန်နောက်ထပ်သဘောကျရတာက ပုန်းညှက်ကစာအရမ်းတော်တာဖြစ်သည်။ ပုန်းညှက်က ကျောင်းတက်ရင်းတစ်ဖက်ကနေ ကလေးတွေကိုအိမ်မှာစာလိုက်ပြပေးတာလည်းရှိ၏။ သူ့အိမ်အခြေအနေကိုမသိရပေမယ့် ပုန်းညှက်ကသူသုံးဖို့သူကိုယ်တိုင်ရှာပြီးအိမ်ကိုလည်း ငဲ့သည်။ အိမ်ကအခြေအနေဘယ်လိုဖြစ်နေလည်းမသိပေမယ့် ပုန်းညှက်က အကျင့်ကောင်းပြီးပိုင်ဆိုင်ဖို့ကောင်းတဲ့ အိုမီဂါတစ်ယောက်ဆိုတာ သီဟန်အတပ်ပြောရဲသည်။ Heat ကာလမှာ alpha နဲ့အချိန်ကုန်ဆုံးတဲ့ရက်တွေဆိုရင်လည်း ပုန်းညှက်ကသူ့ကိစ္စတွေကိုတာဝန်ယူပေးသည်။