مساعدة القمر

أنا لا أستحقه

سأطرد اليوم بكل تأكيد من بيت قمري فأختى جعلت أمر تنكري مفضوح أمامه فهو الآن سمعها بكل وضوح عندما تكلمت معي بصيغة المؤنث..
نظرت في وجه هذا الملاك متفحصة ملامح وجهه أبحث فيها عن إندهاشه أو غضبه لكن..هو حقا مندمج في إلتهام طعامه ولكن هناك طيف إبتسامه على جانب شفتيه المنتفخه بسبب حرارة الأكل
هل هو حقا لم ينتبه لما قالته !!
إنتهينا من الطعام وذهبنا إلى غرفتنا أنا وأختي
وضعت ظهري على السرير فأنا أرهقت من كثرة التفكير اليوم فهو حقا يوم مليء بالأحداث الموتره

ڤيڤي : أوه أسفه على اللي حصل بس الحمد لله جيمين مخدش باله

أنا: الحمد لله ربنا يستر أحسن يوم كمان بالتوتر اللي أنا فيه ده متأكده إن هيجرالي حاجه

ڤيڤي: لا إهدي كده وإجمدي عادي يعني حتى لو عرف فيها ايه ده كان شرط أبوه مش شرطه هو..
ده مش بعيد لما يعرف يقع في حبك ياجمييل وتتجوزو ونخلص.

أنا : نتجوز اه أحلامك بعدت قويبي وبعدين إنتي مين قالك إن أنا عايزه أتجوزه أنا كفايه عليا أشوفه بيضحك ومبسوط ده مش بعيد أنا اللي أجيبله عروسه تليق بيه ياڤيڤي بجد حبي لجيمين مختلف عن أي حب في العالم أنا مش لجيمين مش أنا اللي تليق بيه جيمين ده ملاك من السما المفروض لما
يتجوز يتجوز أميره كده جمال ورقه وكياته واحده يبقى هو أول حب في حياتها وأول راجل يلمسها واحده تخلف منه هو بس واحده أصغر منه ب10 أو 15 سنه كده عشان هو مهمی يكبر تفضل هي صغيره وبصحتها تجري تعمله كل اللي هو عايزه واحده من نفس بلده عشان لما يجي يتكلم معاها تفهم أدق تفاصيل حكاياته واحده مفيهاش غلطات ولا عيوب مش أنا نهائي مقبلش أصلا إنه يتجوزني أنا واحده مطلقه ومخلفه ومش من بلده ولا فاهمه كلامه دا انا بجمع الكلمات اللي فاهماها في جملته وابني جمله في دماغي بالويم كده هفهمه إزاي بكره لما يتعب ويحكيلي مشاعره هفتح جوجل يترجملنا واحنا قاعدين مثلا لا أنا مقبلش مقبلش نهائي

ڤيڤي: وليه متقوليش إن حبك ليه ده هو اللي يقدر يسعده لإنك هتحاولي بكل مافيكي إنك تسعديه إنسي الحواجز دي كلها وخليكي أنانيه في حبه وهو لما يحبك عشان روحك وحبك ليه مش هيشوف كل الحواجز التانيه دي أصلا إنتي تضمني منين ان البنوته الصغننه القمر الملاك لما يلاقيها ويتجوزها تسعده وتحبه زي مابتحبيه كلامك غلط وبعدين خلي عندك الثقه إن مفيش حد هيسعده قدك وسيبي الباقي على ربنا.

أنا : مش عارفه أنا مستاهلهوش وخلاص كل اللي انا عارفاه إن عندي إستعداد أعيش خدامه تحت رجليه باقي عمري..

مسحت دموعي التي كانت تنهمر بغزاره مع كل كلمه أقولها لأختي فأنا برغم كل هذه المبررات التي تجعلني أبعد ما أكون زوجه لجيمين لكنني لا أنكر أن جزء من مشاعري يكاد يكون الجزء الأكبر هو أنني أريده لي فقط فأنا أغار عليه من نسيم الهواء الذي يلمسه فكيف لي أن أقبل بأخرى تلمسه او حتى
تنظر في عينيه .. وضعت سماعاتي في أذني وفتحت أغنية letter  وتمنيت لو أنني أستطيع قول كلماتها لجيمين لأنها تعبر عن شعوري تجاهه.. وأغمضت عيني وأنا أتمنى أن أستطيع النوم بعد هذا اليوم الذي لايصدق..
في الصباح الباكر ..

جيمين: (بصوت عالي وهو يضربني على كتفي) إصحي ياهانم يعني كدابه ونايمه مرتاحه قوي كده!!!!!!