"ආයෙ හමුවෙනකම් පරිස්සම් වෙන්න... මගේ චූටි කුමාරයා..."
════════════════════════════
𝐏𝐫𝐢𝐧𝐜𝐞 𝐨𝐟 𝐃𝐀𝐑𝐊𝐍𝐄𝐒𝐒
දෙවන කොටස
"උඹ.... "
"අවජාතකයා..."
ඇල්ඩෝරයේ එක කෙළවරක මහ විශාල එල්ම් ගහක් තිබුණා. ගමේ හිටිය හැම ළමයෙක් ම සෙල්ලම් කරන්න එකතු වුණේ එතනට. එදත් ඒ වගේ දවසක්... ගමේ අනිත් හැම ළමයෙක් ම වගේ තියෝත් එල්ම් ගහ යටට ඇවිත් හිටියා. ඒ්ත් ඒක හැමෝගෙම සතුටට හේතු වුණේ නෑ... කවුරුවත් නොදන්න හේතුවක් නිසා තියෝට හැමදාම විඳින්න වුණ කරදරවල සීමාවක් නෑ. එදත් කවුරුන් ම හරි කෙනෙක් තල්ලු කරපු පාරට තියෝ ඇදගෙන වැටුණා. කවුරුහරි කෙනෙක් නෙවෙයි... ඒ ලූකස්... හැමදාම තියෝගෙ දවස විනාස කරලා දාන කෙනා... තියෝගෙ අසල්වාසියා...
ලූකස් තල්ලු කරලා දාපු පාරට බිම ඇදගෙන වැටුණු රෝස පාටට හුරු අසරණ තියෝගෙ සිනිඳු අල්ල වැලි කැට වලට සීරිලා ලේ පුරන්න ගත්තා. තියෝගෙ ඇස් වලින් කඳුළු බේරුණත් ඒක තියෝ වටේට හිටිය ළමයින්ගෙ හිනාවට තවත් හේතුවක් උනා...
"තමුන් මහ ජරාවක් තියෝ තියඩෝර්..."
අදත් එයාලා අතින් පයින් වගේම වචන වලිනුත් තියෝට රිද්දන්න ගත්තා. ආත්තම්මා හැමදාම ඒ ළමයි එක්ක සෙල්ලම් කරන්න එපා කිව්වත් තියෝ කොහොමද තනියම සෙල්ලම් කරන්නෙ... එයාට යාළුවෙක් ඕන... ඒක නිසයි හැමදාම එයා සෙල්ලම් කරන තැනට එන්නේ...ඒත් ඒ ඒක හැම දාකම ලූකස් නිසා තියෝට වෙන්නෙ හිතයි ගතයි දෙකම රිදවන්න...
අවජාතකයා... තියෝ ඒ වචනෙ තේරුම දැනගෙන හිටියා. පළවෙනි වතාවට ඒ වචනෙ අහපු දවසෙ තියෝ ගිහින් එයාගේ ආත්තම්මගෙන් ඒකෙ තේරුම ඇහුවා... මුලින්ම ආත්තම්මා ඒක නොකිව්වට පස්සේ තියෝ අඬද්දි එයාට ඒ වචනෙ තේරුම කියන්න උනා... ඒත් ඒක දැනගත්තට තියෝට ප්රශ්නයක් තිබ්බා.. තියෝ අවජාතකයෙක් නෙවෙයි... එයාට තාත්තා කෙනෙක් ඉන්නවා... දැන් එයා ගාව නැති උනත් නැව් නැගලා ඈත දුරකට ගිහින් හිටියත් එයාගෙ තාත්තා ඉන්නවා නම් ඇයි එයාට යාළුවො අවජාතකයා කියන්නෙ...
YOU ARE READING
𝗣𝗿𝗶𝗻𝗰𝗲 𝗼𝗳 𝗗𝗔𝗥𝗞𝗡𝗘𝗦𝗦 | YZ ᶜᵒᵐᵖˡᵉᵗᵉᵈ
Fanfictionඔහු වසන්තය ගෙන එන්නා විය... එහෙත් ඔහුගේ ප්රේමය අන්ධකාරය වෙනුවෙන් ලියවී තිබුණේය.... Theo and Ciaran Based on Greek Mythology 𝐘𝐢𝐳𝐡𝐚𝐧 𝐇𝐚𝐝𝐞𝐬 𝐚𝐧𝐝 𝐏𝐞𝐫𝐬𝐞𝐩𝐡𝐨𝐧𝐞 𝐀𝐔 By Anastasia Wang