"එහෙනම් ලෑස්ති වෙන්න.... යුද්ධයකට...."
════════════════════════════
𝐏𝐫𝐢𝐧𝐜𝐞 𝐨𝐟 𝐃𝐀𝐑𝐊𝐍𝐄𝐒𝐒
දහ හත්වන කොටස
"උතුමාණෙනි..."
ආර්සන්ට අයිති අශ්ව කරත්තය ඇරල්ඩීන් මාලිගාවේ ප්රධාන දොරටුවෙන් ඇතුළු වුණේ තද වැස්ස මැද්දෙන්මයි. තවමත් අඩුවක් නැති වැස්ස කුණාටුවකට හැරිලා තිබුණා. වෙනදට පිරිලා ඉතිරිලා යන ඇරල්ඩීන්වල වීදිවල තිබ්බේ මරණීය නිහැඬියාවක්. හැමෝම ගෙවල් අස්සට වෙලා බලාගෙන හිටියේ වෙන්න යන්නෙ මොකක්ද කියලා තේරුමක් නැතිව. ඒත් සමහරුන්ට නම් මීට අවුරුදු ගාණකට කලින් සේ වගේම රාත්රියක මතකයන් එකින් එක අවදි වෙන්න පටන් අරගෙන තිබුණා. ආර්සන් කියන්නෙත් ඒ අතරින් කෙනෙක්.
"උතුමාණෙනි..."
අශ්ව කරත්තයෙන් බහින්නත් කලින් දුවගෙන ආව සෙබලෙක් නිසා ආර්සන් ආයෙම වර්තමානෙට ආවා. දැනටමත් සතුටින් උමතු වෙලා ඉන්න තාලියා හැසිරුණේ මුළු ලෝකෙම දැන් එයාට යටත් වගේ හැඟීමකින්. අශ්ව කරත්තයෙන් බැහැපු තාලියා මාලිගාවේ දොරටු අතරින් නොපෙනී යනකොට ආර්සන් අර ආව සෙබලා දිහාවට හැරුණා.
"මොකක්ද ඒ පාර..."
ඒ සෙබලා ආර්සන්ට දික් කලේ පුංචි කඩදාසි පටියක්. ඒක පරෙවියෙක් අතේ පණිවිඩ හුවමාරු කරන්න පාවිච්චි කරන එකක්. ආර්සන් රෝල් වෙලා තිබ්බ කඩදාසි පටිය දිගෑරියා. ඒක ඔත්තු කාරයෙක් එවපු පණිවිඩයක්. එල්රොඩ් රාජධානියෙන් ඇරල්ඩීන් ආක්රමණය කරන්න සූදානම් වෙනවා... එකේ තිබුනේ එහෙම. ආර්සන් ඒක කියවලා හයියෙන් හිනා වුණා. ඒක හරි උමතු හිනාවක්... එල්රොඩ් ඇරල්ඩීන් ආක්රමණය කරන්න හැදුවත් මොකද... එලෝඩ්වල පාලකයව අල්ල උඩ නටවන්න පුළුවන් තුරුම්පුවක් ආර්සන් ගාව තියෙනවා. ඊටත් වඩා තව ටික දවසකින් කේරන් නයිට්ශේඩ්, එයාගෙ බලවත්ම ආයුධය වෙන්නයි යන්නෙ...
ආර්සන් මාලිගාවේ සඳලුතලයට වෙලා එහාට මෙහාට ඇවිදිමින් ඈතින් පේන අඳුරු වනාන්තරය දිහා බලාගෙන හිටියා. එයා ගොඩාක් නොසන්සුන්. ඒත් ඒ සේරම ටිකෙන් ටික අපැහැදිලි වෙන්න පටන් ගත්තෙ හරි අමුතු කාලගුණයක තොරතුරු කියන්න වගේ. දවසකට ආසන්න කාලයක් තිබ්බ වැස්ස නැවතිලා ගිහින් දැන් පැය කීපයක් ගත වුණා වුණත් ඒ සේරටම හරි යන්න අන්ධකාර මීදුමක් ටිකෙන් ටික අදුරු වනාන්තරය පැත්තෙන් ඇරල්ඩීන් දිහාවට පාවෙලා ආවා.
YOU ARE READING
𝗣𝗿𝗶𝗻𝗰𝗲 𝗼𝗳 𝗗𝗔𝗥𝗞𝗡𝗘𝗦𝗦 | YZ ᶜᵒᵐᵖˡᵉᵗᵉᵈ
Hayran Kurguඔහු වසන්තය ගෙන එන්නා විය... එහෙත් ඔහුගේ ප්රේමය අන්ධකාරය වෙනුවෙන් ලියවී තිබුණේය.... Theo and Ciaran Based on Greek Mythology 𝐘𝐢𝐳𝐡𝐚𝐧 𝐇𝐚𝐝𝐞𝐬 𝐚𝐧𝐝 𝐏𝐞𝐫𝐬𝐞𝐩𝐡𝐨𝐧𝐞 𝐀𝐔 By Anastasia Wang