"තමුන් මෙහේ ආවේ ආර්සන්ගෙ කීමට....එහෙම නේද තියෝ..."
════════════════════════════
𝐏𝐫𝐢𝐧𝐜𝐞 𝐨𝐟 𝐃𝐀𝐑𝐊𝐍𝐄𝐒𝐒
දහ හතරවන කොටස
"තමුන් මෙහේ ආවේ ආර්සන්ගෙ කීමට....එහෙම නේද තියෝ..."
කේරන් තියෝගෙ මූණටම එබිලා කියනකොට තියෝ තව ටිකක් පිටිපස්සට වුණේ එතන ආවාටයක් තියෙනවා කියන එකත් අමතක කරලා. ඒත් සමබර තාවය නැති වුණු තියෝ ආවාටය ඇතුලට වැටුණේ හිතන්නවත් තත්පරයක් ඉතුරු නොකර.. අඩුම තරමේ කේරන් එයාව අල්ලගනී කියලා තියෝට හිතුනා. තියෝ තදින් ඇස් වහගත්තා..එයාට එයාව පහළට වැටෙනවා දැනුනා. කේරන් අන්තිම මොහොතේ හරි එයාව අල්ලගනී කියලා තිබ්බ බලාපොරොත්තුවත් බිඳිලා යනකොට තියෝගෙ ඇස් කෙවෙනි තෙත් වුණා.
"ආහ්හ්හ්..."
වතුර.... තියෝ ඇදගෙන වැටුණේ වතුරකට.. උඩකින් ඇදගෙන වැටුණු නිසා තරමක වේදනාවක් දැනුනත් එයා නොමැරුණු නිසා තියෝට සතුටක් දැනුනා. ඒත් කොච්චර කාලෙකටද... එයාට මේ වතුර ඇතුලේ විනාඩි කීයක් හුස්ම අල්ලගෙන ඉන්න පුළුවන් වෙයිද... තියෝ උඩට පීනන්න උත්සාහ කලත් එයාගෙ ඇඟ ඒකට උදව්වක් උනේ නෑ... උඩකින් වැටුණු නිසා තියෝව ඒ තරම්ම වේගයකින් පහලට ගිලෙද්දි ඇස් ඇරලා බලපු තියෝට යන්තම් එලියක් එක්ක එයාගෙන් පිටවෙන වායු බුබුළු උඩට ඇදිලා යනවා පෙනුනා... ඒත් එක්කම තියෝට මොකක් හරි ලොකු සද්දයක් ඇහුණා...
එකපාරටම තියෝට පෙනුනු ආලෝකය නැති වෙලා ගියා මොකක් හරි අදුරූ දෙයක් එක වහගෙන තිබ්බා ටිකෙන් ටික ඒ අඳුරු ගුලිය මනුස්සයෙක් වගේ පේන්න ගන්නකොට තියෝ දැක්කෙ එයාගෙ දිහාවට උඩ ඉදලා පීනලා එන කෙනෙක්... මුලින් අපැහැදිලි වුණත් ටිකෙන් ටික ඒ කෙනා තියෝ ගාවට එනකොට ඒ කවුද කියලා අඳුරගන්න තියෝට අමාරු වුණේ නෑ... ඒ කේරන්...
තියෝ හිටියෙ තවමත් පහළට ගිලෙන ගමන්. එයා ඒ තරම් ශක්තිමත් කෙනෙක් නොවුනු නිසා ඒ ගැඹුරු වතුර එක්ක සටන් කරලා කේරන් ගාවට පීනලා යන්න තියෝට බෑ... ඒත් මෙච්චර වෙලා එයා හිටියෙ බලාපොරොත්තු අත්හැරලා දාලා උනත් කේරන් දකිනකොට ඒ බලාපොරොත්තු ටිකෙන් ටික ආයෙම පණ ගහන්න පටන් ගත්තා. ටිකෙන් ටික එයාට ලං වුණ කේරන් තියෝගෙ ඉන් වටේට අත් දාලා එයාව උඩට උස්සගන්නකොට තියෝගෙ අත් කේරන්ගෙ බෙල්ල වටේට එතුනා... ඔළුව උස්සලා බලපු තියෝගෙ ඇස් නතර වුණේ එයා දිහාම බලාගෙන හිටිය කේරන් ගෙ ඇස් වල...
YOU ARE READING
𝗣𝗿𝗶𝗻𝗰𝗲 𝗼𝗳 𝗗𝗔𝗥𝗞𝗡𝗘𝗦𝗦 | YZ ᶜᵒᵐᵖˡᵉᵗᵉᵈ
Fanfictionඔහු වසන්තය ගෙන එන්නා විය... එහෙත් ඔහුගේ ප්රේමය අන්ධකාරය වෙනුවෙන් ලියවී තිබුණේය.... Theo and Ciaran Based on Greek Mythology 𝐘𝐢𝐳𝐡𝐚𝐧 𝐇𝐚𝐝𝐞𝐬 𝐚𝐧𝐝 𝐏𝐞𝐫𝐬𝐞𝐩𝐡𝐨𝐧𝐞 𝐀𝐔 By Anastasia Wang