...තියෝගෙ දැඟලිල්ල නැවතිලාම ගියේ තාලියා හයියෙන් හිනා වෙනකොට.
════════════════════════════
𝐏𝐫𝐢𝐧𝐜𝐞 𝐨𝐟 𝐃𝐀𝐑𝐊𝐍𝐄𝐒𝐒
දහසයවන කොටස
"උතුමාණෙනි..."
වැස්ස අතරින්ම කේරන් ඇවිදගෙන ආවේ ග්රිසෙල්ඩගෙ පැල්පත දිහාවට. එයාගෙත් එක්කම ආඩම්බරකාර කළු දිවියා වුණු තියෝගෙ ලූනත් ඇවිදගෙන ආවා. හැමදාමත් කොළ පාටට හුරු කහ පාටින් දිලිසෙන ලූනාගේ ඇස් අද රතු පාටට දිලිසුනා. සැරින් සැරේ පුපුරණ අකුණුවලින් හැම තැනක්ම එලිය වෙනකොට ඒ එලියෙන් කේරන්ට අදුරේ ගිලිලා තියෙන ග්රිසෙල්ඩගෙ පැල්පත පෙනුනා. ඒත් එක්කම එයා දැක්කෙ අඳුරු ලෝගුවකින් සැරසිලා හිටිය කෙනෙක්. කේරන් පැල්පත ගාවට යනකොටම එයා කේරන්ට වැස්සෙම දණ නවලා ආචාර කලා.
"සයිරස්... ඔහු පැමිණියාද..."
සයිරස්... ඒ අදුරු ලෝගුවකින් වැහිලා හිටිය කෙනාගේ නම සයිරස්. කේරන්ට ඇරල්ඩීනයේ විතරක් නෙවෙයි මුළු ලෝකෙන්ම විශ්වාසවන්තම සේවකයා වුණේ සයිරස්. එහෙමත් නැතිනම් එයාගෙ ඇත්තම නමින් හැදින්නුවොත් කෙරෝන්... හේඩ්ස්වල මං කියන්නා... අඳුරේ අධිපතියගෙ දකුණු අත... ස්ටයික්ස් ගංගාවේ යාත්රිකයා... ඔය හැම නමකින් ම කිව්වෙ එකම කෙනෙක් ගැන... ඒ කෙරෝන්... පාතාලයට අධිපති හේඩ්ස්ගෙ සේවකයා ගැන... ආරම්භය නොදන්න කාලෙක ඉදන් සයිරස් කේරන්ට සේවය කලා...
"එහෙමයි උතුමාණෙනි... ඔහු නිවස ඇතුලේ සිටිනවා..."
කොහේදෝ ඉඳන් ආව හුළං පාරකින් දොර ඉබේටම ඇරෙද්දි කේරන් ඇතුලට ආවා. ලේ විලක් මැද වැතිරිලා ඉන්න තියෝ වගේම ග්රිසෙල්ඩව කේරන්ට පෙනුනා. ඒ ළඟම හිටියේ කළු පාට දිලිසෙන රෙද්දකින් ඔළුව වහගෙන ඉන්න කෙනෙක්... ඔහු වැලපෙනවා. අවුරුදු දහ අටකට පස්සේ හමුවුණු තමන්ගේ බිරිඳ වගේම දරුවා දිහා බලලා.
"ඉඩ්රිස්... "
කේරන් කතා කරනකොට ඉඩ්රිස් ඔළුව උස්සලා බැලුවා. අවුරුදු දහ අටකට කලින් හේඩ්ස්වල සිංහාසන ශාලාවෙදි දැකපු තේජාන්විත රුව ආයෙමත් වතාවක් එයා ඉස්සරහින් හිටගෙන ඉන්නකොට ඉඩ්රිස් ඔළුව නවලා කේරන්ට ආචාර කලා. ඉඩ්රිස්... එල්රොඩ් වල කුමාරයා.. ඔහු මරණයෙන් නැගිටපු කෙනෙක්... ආයෙමත් ජීවය ලබපු අමරණීය කෙනෙක්... ඔහු අපායට අධිපති හේඩ්ස් ඉදිරියේ දණ නැවුවා...
YOU ARE READING
𝗣𝗿𝗶𝗻𝗰𝗲 𝗼𝗳 𝗗𝗔𝗥𝗞𝗡𝗘𝗦𝗦 | YZ ᶜᵒᵐᵖˡᵉᵗᵉᵈ
Hayran Kurguඔහු වසන්තය ගෙන එන්නා විය... එහෙත් ඔහුගේ ප්රේමය අන්ධකාරය වෙනුවෙන් ලියවී තිබුණේය.... Theo and Ciaran Based on Greek Mythology 𝐘𝐢𝐳𝐡𝐚𝐧 𝐇𝐚𝐝𝐞𝐬 𝐚𝐧𝐝 𝐏𝐞𝐫𝐬𝐞𝐩𝐡𝐨𝐧𝐞 𝐀𝐔 By Anastasia Wang