තාලියා
════════════════════════════
𝐏𝐫𝐢𝐧𝐜𝐞 𝐨𝐟 𝐃𝐀𝐑𝐊𝐍𝐄𝐒𝐒
විසි පස්වන කොටස ( අවසන් කොටස )
"ඇ...ඇලෝරා...."
ආර්සන් ඉඩ්රිස්ව දැක්කටත් වඩා ඇලෝරාව දකිනකොට පුදුම උනා... හොල්මනක් දැක්කා වගේ ආර්සන්ව සුදුමැලි වෙලා යනකොට බිම නොවැටී ඉන්න ආර්සන් තදින්ම පවුරු බැම්මක් අල්ලාගත්තේ අතේ තිබ්බ කඩුව බිමට වැටෙද්දි... ඇලෝරා ජීවත් වෙනවා ඇති කියලා ආර්සන් කවදාවත් බලාපොරොත්තු වුණේ නෑ... ඒ සේරටම වඩා ආර්සන්ට දරාගන්න බැරිම පුදුමය වුණේ ලූකස්... ලූකස් කියන්නේ ඇලෝරාගෙ දරුවා නෙවෙයිලු... හැම තැනකම හොයලා ඉඩ්රිස්ගෙ දරුවා ලූකස් කියලා තහවුරු කරගෙනමයි ආර්සන් හැම සැලසුමක්ම හැදුවේ . දැන් ආර්සන්ගෙ ඒ හැම සැලසුමක්ම බිඳ වැටෙනකොට ආර්සන්ට ඉතුරු වුණ එකම බලාපොරොත්තුව කේරන් විතරයි... ඒත් ආර්සන්ට කේරන්ගෙ සේයාවක්වත් පෙනුනේ නෑ...
"ඉතිං අයියණ්ඩි... මාව දැකලා සතුටු නැද්ද..."
ඇලෝරා අහනකොට ආර්සන් තදින් අත් මිටි මොලොවගත්තා. අවුරුදු දහ අටක්... අවුරුදු දහ අටක් ඇලෝරා ආර්සන්ව රවට්ටලා... ඇඟ ඇතුළේ කේන්තිය බුබුළු දානවා දැනෙද්දි ආර්සන් මහ හයියෙන් එයාගෙ සේනාවට යුද්ධය ආරම්භ කරන්න අණ කලා...
විනාඩියක්.... දෙකක් ගෙවිලා ගියත් කිසිම කෙනෙක් යුද්ධය ආරම්භ කරේ නෑ... ආර්සන් පුදුමෙන් වටපිට බලනකොට දැක්කෙ කිසිම සෙබලෙක් එයාගෙ අණ පිළිපදින්නේ නෑ කියලා... ඒ වෙනුවට එයාගෙ වටේ හිටිය හැම සෙබලෙක්ගෙම අතේ තිබුණු කඩු හෙලි ආර්සන් දිහාවට හැරිලා තිබ්බා. අවසානෙදි ආර්සන්ට දෙයක් තේරුම් ගියා... එයාගෙ සේනාව එයාට ද්‍රෝහි වෙලා...
"ආහ්හ්..."
කොඳුඇටපෙලෙන් දැනුන වේදනාව එක්ක ආර්සන් පිටිපස්සට හැරුණා. තියුණු කිණිස්සක් ආර්සන්ගෙ හදවත සිදුරු කරගෙන ගිහින් තිබ්බා. තමන්ගේ මුළු සේනාවම තමන්ට ද්‍රෝහි වුණත් කවදාවත් තමන්ට ද්‍රෝහි නොවෙයි කියලා ආර්සන් විශ්වාස කරපු එකම කෙනා වුණු සයිරස් ආර්සන්ට පිටිපස්සෙන් පහර දීලා තිබුණා...
YOU ARE READING
𝗣𝗿𝗶𝗻𝗰𝗲 𝗼𝗳 𝗗𝗔𝗥𝗞𝗡𝗘𝗦𝗦 | YZ ᶜᵒᵐᵖˡᵉᵗᵉᵈ
Fanfictionඔහු වසන්තය ගෙන එන්නා විය... එහෙත් ඔහුගේ ප්‍රේමය අන්ධකාරය වෙනුවෙන් ලියවී තිබුණේය.... Theo and Ciaran Based on Greek Mythology 𝐘𝐢𝐳𝐡𝐚𝐧 𝐇𝐚𝐝𝐞𝐬 𝐚𝐧𝐝 𝐏𝐞𝐫𝐬𝐞𝐩𝐡𝐨𝐧𝐞 𝐀𝐔 By Anastasia Wang
