"හරි කාලෙ ආවම වෙන්න බැරි දේවලුත් වෙනවා තියෝ... හරියට අවුරුදු දාහකට පස්සේ මේ රෝස මල් පිපුණා වගේ..."
════════════════════════════
𝐏𝐫𝐢𝐧𝐜𝐞 𝐨𝐟 𝐃𝐀𝐑𝐊𝐍𝐄𝐒𝐒
දහ තුන්වන කොටස
"අවුරුදු දාහකට පස්සේ... "
තියෝ ඇහුවා. ඒ වෙනකොට උද්යානයෙ හිටියෙ ඒ දෙන්නා විතරයි. හිටිය සෙබළු කොහෙට අතුරුදහන් වෙලාද දන්නේ නෑ.. තියෝ ඩෙමෝස් එහෙමත් නැත්තම් කේරන් දිහ බලනකොට දැක්කෙ එයත් තියෝ දිහාම බලාගෙන ඉන්නවා. ආයෙමත් කාලය නවතිනවා වගේ හැඟීමක් එක්ක කලින් දවසක අදුරු වනාන්තරයෙදි දැනුන බඩේ සමනල්ලු පියාඹන හැඟීම ආයෙමත් දැනෙද්දි තියෝ එයාගෙ රතු පාට වුණ මූණ හංගන්න වෙන පැත්තක් බැලුවා. ඒත් කේරන්ගෙ ඇස්වලින් එක හංගන්න නම් තියෝට පුළුවන් උනේ නෑ..
"ඔව්... හරියටම අවුරුදු දාහකට පස්සේ"
කේරන් මුමුණනකොට තියෝ හැම තැනකම පිපිලා තියෙන රෝස මල් දිගේ ඇස් ගෙනිච්චා. කළු පාටට හුරු රතු පාට ඒ රෝස මල් වලින් තියෝට දැනුනේ අමුතූ ඒත් හුරු පුරුදු සුවඳක්. හිත වගේම මුළු ඇඟමත් වශී කරවන තරම් සුවඳක්. එක සාමාන්යයෙන් දැනෙන සුවදුක් නෙවෙයි. එකට තියෝගෙ මුළු ඇඟම සීතල කරවලා දාන්න පුළුවන් උනා. තියෝ ඒ මලක් අල්ලන්න අඩිය ඉස්සරහට තිබ්බත් ඊට කලින් කේරන් එයාගෙ අතින් අල්ලගත්තා.
"ඊට කලින් ඔයාගෙ තුවාලේ ගැන බලන්න ඕන..."
එහෙම කියන ගමන් කේරන් එයාගෙ මාපට ඇඟිල්ල තියෝගෙ තුවාල වුණූ අත උඩින් තියලා පිරිමදින කොට තියෝගෙ අතේ තිබ්බ ලේ පාරවල් මැකිලා ගියා. හරියට ලේ ගැලුවද කියලාවත් හිතාගන්න බැරි තරමට එතන තිබුණ ලේ මැකිලා යද්දි තියෝ දැක්කේ රෝස කටුවක තුඩක් එයාගේ අතේ රැඳිලා තියෙනවා.. කේරන් හරි පරිස්සමට තියෝගෙ අතෙන් ඒ කටුව අයින් කරා... ඒක ඉවර වෙනකොට තියෝගෙ අතේ කිසිම තුවාලයක් ඉතිරි වෙලා තිබ්බෙ නෑ...
ඇත්තටම කේරන් කියන්නෙ කවුද... තියෝ හිතුවේ එයාගෙ අතින් අල්ලගෙන ඉන්න කේරන් දිහා බලාගෙන. එයා මායා කාරයෙක්ද... නැත්තම් සුව කරන්නෙක්ද... ඒත් ඒ දෙකම වෙන්න ඉඩක් නෑ කියලා තියෝ දන්නවා. නයිට්ශේඩ් බලකොටුව, ඒකේ ඇතුලේ ඉන්න ඩාර්ක්වුඩ් වංශයෙ අය... එයාලා ගැන තියෙන කිසිම තැනක එයාලා කවුද කියලා සඳහනක් නෑ... ඒත් අවුරුදු දහස් ගාණක් එයාලා මේ අඳුරු වනාන්තරයෙ අයිතිකාරයෝ වෙලා හිටියා. ගොලොරොන් අධිරාජ්යය බිහි වෙන්නත් කලින් ඉදලම...
YOU ARE READING
𝗣𝗿𝗶𝗻𝗰𝗲 𝗼𝗳 𝗗𝗔𝗥𝗞𝗡𝗘𝗦𝗦 | YZ ᶜᵒᵐᵖˡᵉᵗᵉᵈ
Fanfictionඔහු වසන්තය ගෙන එන්නා විය... එහෙත් ඔහුගේ ප්රේමය අන්ධකාරය වෙනුවෙන් ලියවී තිබුණේය.... Theo and Ciaran Based on Greek Mythology 𝐘𝐢𝐳𝐡𝐚𝐧 𝐇𝐚𝐝𝐞𝐬 𝐚𝐧𝐝 𝐏𝐞𝐫𝐬𝐞𝐩𝐡𝐨𝐧𝐞 𝐀𝐔 By Anastasia Wang